Yoni 15:21 - Loina Tabu Auwauna NT

²¹ Ta yage nidi to'umalidi gete sida guinuwedi 'emiya manuna 'omi 'igu bodao, ta wate manuna 'agu toetune nina nigeya simwalamwalatoni.

Yoni 15:21 Σταυροειδείς Αναφορές

Madiu 10:18

be si'au'ewami be sitauyemi toloinao ta kiniyao matadiya be sie'ewami manuna 'omi 'aene 'igu bodao, ta teteligu 'ediya wada simane, be wate sena apwesa tomoteninao 'imi simana sida nono.

Madiu 10:22

Ta tomota maibo'adi sida etalauwalemi manuna 'omi 'aene 'agu toemisao. Ta 'abo yaisigedi sie'alama'i'ita be sitoolopa'ala ga 'ana laba tuta 'ana 'ebe losalowa 'enaya, gwausowala ataya sida loba.

Madiu 10:39

Ta 'abo yaita tauna yawasina manuna 'iguiguinuwa, ma'etamo 'ida loseye; ta 'abo yaita yawasina 'iloseye manugu, ma'etamo yawasi bobo'ana 'ilobalima.

Madiu 24:9

“'Omi 'iabe tomota sigiyaimi be sigie'elouyami nai siloemwawasimi, be sena maibo'adi tomoteninao sida etalauwalemi manuna 'omi 'aene 'agu toemisao;

Madiu 5:11

Ta 'eguma manugu tomota silo'aegilemi be sietalauwalemi be 'idi kaboega si'awa'awa to'umaliyemi, wada gwausowala tuga.

Maki 13:13

Be tomota maibo'adi sida etalauwalemi manuna 'omi 'aene 'agu toemisao. Ta 'abo yaita 'ie'alama'i'ita be 'itoolopa'ala be 'ana laba tuta 'ana 'ebe losalowa 'enaya, gwausowala ataya 'ida loba.

Luke 21:12

“Ta muliyega be yage nidi getedi siapwesa, nugana 'ami talauwalao sida giyaimi be sigie 'elouyami, ta wate anuwa tapwalolo 'ediya sietalaemi be 'enega deliya sisa'umi. Ta wate kiniyao be toloinao matadiya si'au'ewami be sietalaemi manuna 'omi 'aene 'igu bodao.

Luke 21:17

be tomota maibo'adi sida etalauwalemi manuna 'omi 'aene 'agu toemisao.

Luke 6:22

'Abo'agu Tomota Natuna ta wada gwausowala 'eguma manugu tomota sietalauwalemi, nai siguitoyasemi, nai silo'aegilemi nai si'awa to'umaliyemi.

Yoni 15:24

Ta 'abo lowa nigeya guinuwa nidi waiwaidi matadiya yaguiguinuwedi, geya'abo 'idi loegesi 'imiyami. Ta sa'i ni'atu yaguinuwedi guinuwa nidi, nate nigeya 'ebweu yaita sawesawenaya be 'iguinuwedi, ga si'itedi, ta tuwa tuga Tamagu be 'abo'agu siguitoyasema.

Yoni 16:3

'Idi guinuwa getedi to'umalidi 'emiya sida guinuwedi manuna nigeya Tamagu be 'abo'agu simwalamwalatonima.

Yoni 17:25

“Tamagu ye, 'oyo palupaluyo, me bale'u nigeya simwalamwalatoniyo, ta esi 'abo'agu yamwalatonimu. Ta wate tomotai nidi getedi ni'atu simwalatonimu 'aene 'oyo 'uetuneguma.

Yoni 8:19

'Enega sienaidena, sigwae, “Mwa'o Tamayo?” Ga Yesu 'igwae, “Nigeya wamwalamwalatonigu, ta Tamagu wate nigeya wamwalamwalatoni. Ta 'omi 'eguma wamwalatonigu, 'enega Tamagu wate wamwalatoni.”

Yoni 8:54

Ga Yesu 'ediya 'igwae, “'Eguma 'abo'agu taugu yatupugu, 'agu tupu nina yage besobeso tuga, ta Tamagu tauna 'agu totupu nina, tauna waona 'aene 'imi Yaubada.

Yoni 8:55

'Omi nigeya Yaubada wamwalamwalatoni, ta esi 'abo'agu yamwalatonina. Manuna 'eguma yagwae, ‘Nigeya yamwalamwalatoni’, nate kabo tuga, nadigega 'omi 'imi kabo. Ta esi yamwalatonina, 'enega 'ina ona yaematamatanena.

Guinuwa 17:23

manuna 'igu adadanao 'ediya 'imi 'ebe bwagobwagoyao yaudi ya'itedi, ta 'ediyega 'ebweu 'ebe taliya ma 'ana 'etoladi ya'ita lobena, ga 'ana 'etoladi gete nadigega, 'igwae, ‘Yaubada tauna nigeya tada mwalatonina 'ina 'ebe taliya gete.’ Ta Yaubada nina 'ina 'ebe taliya nate 'ena wabwagobwago, ta nigeya wamwalamwalatoni, tauna manuna yasimasimana 'emiya.

Guinuwa 26:9

“Ona'ai'aila, 'abo'agu lowa 'igu nuwena 'aene yage yauna yada toodi, be Yesu goma Nasaleta 'ana esana yada gielosa'uye.

Guinuwa 3:17

“Tasigwao, yamwalatonimi 'aene 'imi emwagemwageyega Yesu nina waloemwawasina, nadigega 'imi 'inapwanao.

Guinuwa 4:17

Nate namo tada too be tetela gete tada gielosa'u, be geya'abo 'i'elelewana boda yauyaudi 'ediya, 'enega tada loina pa'ala 'ediya be geya'abo wate Yesu 'ana esanega tomota 'ediya siemwaemwasala.”

Guinuwa 5:41

Ta sili'amidi ga siapwesa, ga sitauya taudi 'idi boda 'ediya ma idi gwausowala, manuna sawesawediya be 'elouya nidi silobadi Yesu 'ana esana manuna.

Guinuwa 9:14

ta wate totaliyao sinabwadi sitagwalena be gete tuga 'imai bada be 'amu bodao maibo'ama sabi yonima, 'eguma 'amu esanega 'asidasidawa.”

Guinuwa 9:16

Be wate yada e'itae 'ina 'elouyao sinabwadi 'ida lobadi, 'abo'agu 'agu simana manuna.”

Loma 1:28

Gote 'enega geya nuwadi Yaubada 'ana mwalatoi, 'enega Yaubada 'ediya 'itagwala be nuwanuwa to'umalidi 'iloemaedi, 'enega yage nidi nigeya 'ilobwelobwenedi ta tuwa tuga siguinuwedi.

1 Kolinita 15:34

Nai 'aimi Yaubada waemwagemwageyena. Gete 'ebe omayamaya 'emiya, 'enega 'ilobwenemi be wada sinasinapu, be 'enega 'imi bubuna to'umalina wada losa'udi.

1 Kolinita 2:8

Ta bale'u gete 'ana toloinao mwalatoi nina nigeya simwalamwalatoni, ta 'eguma nai sida gimi mwalatonina, geya'abo sa'i 'ida 'Inapwana galewega sida loeloemwawasi kelose 'enaya.

2 Tesalonaika 1:8

ta taudi 'ida 'Inapwana Yesu Keliso tetelina siguitoyasena, ga Yaubada siemwagemwageyena, 'adi e'isa mwauna 'ida 'ebwa'edi.

1 Yoni 3:1

'Abo'ada 'eguma Yaubada 'enega tatubuwa, tauna 'ida 'awanatuneda. Gete 'ina oboboma sinabwa wawasae manuda. Ona'ai'aila, me bale'u Yaubada nigeya simwalamwalatoni, 'enega me bale'u geya'abo si'ina'inaneda 'aene 'abo'ada Yaubada natunao.

3 Yoni 1:7

Taudi Keliso 'ina guinuwa manuna sisakosakowasi, ta nigeya lema sida lobena taudi nigeya Yaubada 'ana toemisao 'ediyega.

E'ita'ita 2:3

Ta wate 'alama'i'ita wamwalamwalatoni, 'enega guinuwa mwaudi ta sinabwadi 'ediyega nigeya waneeneta, 'agu esana manuna.