Yoni 15:16 - Loina Tabu Auwauna NT

¹⁶ “Ta wada nuwa'i'isi 'aene 'omi nigeya waesiesinuwegu be yada e'inapwana 'emiya, ta esi 'abo'agu yaesinuwemi be yada etunemi be wada paisewa, ta 'imi paisewa nina 'enega uwami bobo'ana sida apwesa, ta uwami nidi sida miyaataya. Ta wate 'abo to'ase 'agu esanega wasidei, Tamagu 'ida 'ebwa'emi.

Yoni 15:16 Σταυροειδείς Αναφορές

Madiu 21:22

Be 'abo ma imi emisa Yaubada 'ena wasisida, ma'etamo waloloba.”

Madiu 7:7

Wada sidasida, be Yaubada 'ida 'ebwa'emi. Wate wada 'ebesa be 'enega wada loba. Ta wada 'aukeke be 'enega 'ali 'ida gigege.

Luke 6:13

'Enega tomwa 'iulisina ga 'ina tononoyao 'ibwauyedi ga 'ediyega site tuwelo 'iesinuwedi ga 'ieesedi tosimanao.

Yoni 13:18

“Yage getedi nigeya 'aene maibo'ami manumi yaonaona, ta esi taudi yaesinuwediya manudi yaonaona, ta Buki Tabu 'ina simana mali tai manuna 'igwae, ‘Tai nina tauna 'ana masula ya'ebwa'ena, 'isanaila ga 'ietalauwalegu.’ 'Enega ona nina 'ana 'ai'aila 'iabe 'iapwesa.

Yoni 15:19

Ta 'abo 'omi 'imi bubuna me bale'u nadigega, me bale'u sida obobomemi, manuna 'omi gosediyao. Ta bale'u gete 'enega 'omi ni'atu ya'au'ewa apwesemi, 'enega nigeya wate me bale'u 'idi boda 'ena wamiyami. Nate 'enega me bale'u siguitoyasemi.

Yoni 15:5

“Ta 'abo'agu kaiwe nigu ta 'omi naligwao, 'enega 'eguma yaita 'eguya 'imiyami be 'abo'agu 'ena yamiyami, 'ida uwa bobo'ana. Manuna 'eguma 'abo'agu nigeya, geya'abo to'ase 'ebweu bobo'ana waguiguinuwe.

Yoni 6:70

Ga Yesu 'igwae, “Ona'ai'aila, wate tuwelo yaesinuwemi, ta tuwa tuga 'ebweu 'emiyega Seitani 'ina boda.”

Guinuwa 1:24

'Enega sisidasida Yaubada 'ena, sigwae, “'Inapwana ye, 'oyo tomota maibo'ama 'ima nuwanuwa 'umwalamwalatonidi, 'enega 'imu esinuwa tai 'eluwa getedi 'ediyega 'ue'itae 'emaya

Guinuwa 1:8

Ta 'omi esi ma'etamo Yaluyaluwa Tabuna 'imamai be 'igiewaiwaiyemi, be manugu wada etosimana Yelusalema 'enaya, be Yudia ta Samelia 'asanao maibo'adi 'ediya, be wate bale'u maibo'ana 'ediya.”

Guinuwa 10:41

nigeya tomota maibo'adi 'ediya, nate namo 'abo'ama Yaubada 'iesinuwema 'ana tosimanao, 'emaya, ga 'ina toololimana mulinaya 'a'e'ai ta 'anumanuma Yesu nina ma'emai.

Guinuwa 22:14

Ta 'ieonegu, “Tubudao 'idi Yaubada 'iesinuwemu be 'ina nuwena 'uda mwalatoni, be Topalupalu nina 'uda 'ita, be 'enana 'uda nono,

Guinuwa 9:15

Ta 'Inapwana 'ieonena, “Tuwa tuga, 'uda tauya 'ena. Manuna Saulo nina ni'atu yaesinuwena be teteligu 'ida simana taudi nigeya me Yudia 'ediya, be toloina sinabwadi matadiya be me Isileli wate 'ediya.

Loma 1:13

Tasigwao wada nuwa'i'isi 'aene tuta yauyauna yanuwanuwa sinabwana be mwa'adega yada ayausimi, ta nigeya kapekapeyana 'eguya, manuna nuwanuwagu 'igu ayausa uwana 'ida apwesa, nadigega 'igu ayausa nidi mali senao taudi nigeya me Yudia 'ediya uwadi ni'atu siapwesa.

Loma 1:5

Yesu Keliso tauna 'iobobomegu, ga 'iesinuwegu be 'aene tauna manuna yada etosimana sena yauyauna 'ediya, be 'enega tauna 'ena sida tagwaledi ta sida emise.

Loma 15:4

Ta wate 'aina 'ebe'itao yaudi Buki Tabu 'ena simiyami Yaubada 'ina lemao manudi, ta 'abo 'ebe'ita nidi taemisedi, tada e'alama'i'itana ma ida nuwayaina be 'aene ma'etamo 'etoseyana tada loba.

Loma 9:21

Ta sa'i to'abi 'ulena tauna 'ina guinuwa 'ida loine, 'abo nuwanuwana be bwa'a 'ebweuna 'enega 'ule 'eluwa 'i'abidi, 'ebweuna 'ana 'ita kausala, ta 'ebweu nigeya.

1 Kolinita 10:11

'Ebe'ita nidi getedi maibo'adi Buki Tabu 'ena si'etoladidi be 'aene gete tuga 'abo'ada 'epata auwauda e'isa nidi mwaudi tada nuwa'i'isidi, be geya'abo loegesi nidi taguiguinuwedi.

Galetia 1:15

Tuta nina nigeya yatubutubuwa, ta lowaenei Yaubada 'ina obobomega 'igimi esinuwegu,

Epeso 2:10

Ta esi Yaubada taunamo 'ina guinuwa 'atedaya 'igibubuda Yesu Keliso 'enega, be 'aene guinuwa bobo'adi Yaubada lowaenei 'iesinuwedi manuda tada guinuwedi.

Kolose 1:23

nate 'eguma 'imi emisa geya'abo 'ineeneta, be 'eguma watoolo pa'ala tetela bobo'ana nina wanononaya 'ana emisa 'ena, ta nigeya wapilipilisine. Tetela nina 'ana loguguya tomota maibo'adi bale'uya sinononaya, ta 'abo'agu Paulo 'ana tologuguya 'ebweu.

Kolose 1:6

Tetela nina wanononaya sena yauyaudi 'ediya, gete tuga 'isinasinabwa ta 'iuwauwa, nadigega 'omi tuta nina Yaubada 'ina oboboma wagimi nononaya Epapila 'enega, ga wa'awa 'ai'ailena.

1 Timoti 2:7

'Enega 'igu paisewa 'i'ebwa'egu be tetela gete yasimasimana be yaloguguya be yae'ie'ita taudi nigeya me Yudia 'ediya, be 'aene mwalatoi 'ai'aila Yaubada 'enega sida emise. Gete ona 'ai'aila, ta nigeya kabo.

2 Timoti 1:11

Ta Yaubada 'igu paisewa 'i'ebwa'eguya be 'aene tetelina bobo'ana yasimasimane be yae'ie'ita taudi nigeya me Yudia 'ediya.

2 Timoti 2:2

be tetelina 'u'ita'i'isi. Tetela nina 'eguyega 'unononaya tomota yaudi matadiya, 'enega taudi ma 'adi emisa 'ediya 'u'ebwayae, be taudi wate mali tomota sie'itadi.

Taito 1:5

Gete manuna yaebesinemu Kiliti 'ena be to'ase ekalesiya solanaya nigeya bobo'ana 'uda giepaepalu, be 'igu loinega toanuganao 'uda esinuwedi 'asa 'ebweuna 'ebweuna 'ediya.

Ibeliu 11:4

'Enega Ebeli wate ma ina emisa 'italiya Yaubada 'enaya, 'enega 'ina taliya nina Keni 'ina taliya 'ibobo'ana sinena, ta Yaubada 'igwausowala Ebeli 'ina taliya manuna ga 'i'awa palupaluyena. Ebeli nina ni'atu bale'u 'ipilisinena ta esi 'ina emisa 'enega 'ie'ie'ita 'edaya.

Yemesa 3:18

Ta wate taudi togienuwa siwalowa 'idi guinuwega bubuna bobo'ana sigiegie apwese.

1 Pita 3:15

ta esi 'atemiyega 'ida 'Inapwana Keliso wada 'amayabe. Be 'enega 'abo yaita 'ienaidemi be 'ida gwae, “To'ase manuna 'uemiemisa?” ta 'omi ni'atu ma imi e'isa bobo'ana wada simana 'ediya, ta geya'abo ma imi oopa'ala, ta esi ma imi bubuna nuwana 'enega waeonadi.

1 Yoni 4:10

Gete oboboma 'ai'aila, nigeya 'aene 'abo'ada Yaubada 'ana toobobomao, ta Yaubada esi 'ada tooboboma, ga Natuna 'itagwalena be 'italiyaena tauna 'ida loegesiyao manudi.

1 Yoni 4:19

Ta 'ida oboboma nina 'alena gete manuna Yaubada 'igimi obobomeda.