Yoni 14:30 - Loina Tabu Auwauna NT

³⁰ “Nai geya'abo tuta dudulana yaonaona 'emiya, manuna ni'atu gabula 'ana 'inapwana to'umalina 'imeema, ta tauna nigeya 'ebweu wate 'ina waiwai 'eguya,

Yoni 14:30 Σταυροειδείς Αναφορές

Luke 1:35

Ta anilose nina 'igwae, “Yaluyaluwa Tabuna 'iabe 'emuya 'imwa'utama be Yaubada 'ida giewaiwaiyeyo be natuyo 'uenatune gwama 'esasena, tauna 'iabe sieese Yaubada Natuna.

Luke 22:53

Ta to'ase 'alena ga 'enega nigeya wagiyagiyaigu 'asiyata nidi yaudi gamwagamwanimiya yamiyami Anuwa Tabu solanaya, ta yae'ie'ita tomota 'ediya? Ga gete tuga 'aene watoo be wagiyaigu manuna loina guguyoi 'ina tuta ni'atu 'imai saba.”

Yoni 12:31

Tuta gete ni'atu 'imai saba be toto'umalidi bale'uya simiyami Yaubada 'ida loinedi, ta wate bale'u gete 'ana toloina to'umalina 'ida ula apwese.

Guinuwa 1:3

'Asiyata poti soladiya 'iapweapwesa 'ediya, ga 'ebe'ita yaudi 'ie'itedi, 'enega 'ina toololimana si'awa 'ai'ailena, ta Yaubada 'ina loina manuna 'ie'itedi.

2 Kolinita 4:4

Taudi nigeya siemiemisa, manuna bale'u gete 'ina 'inapwana ni'atu 'igiekebodi, be 'enega maedana geya'abo si'ita'ita, nate Keliso 'ina esaesa tetelina, tauna 'ana 'ita Yaubada nadigega.

2 Kolinita 5:21

Yaubada nina 'abo'ada manuda Keliso 'iloinena, tauna nigeya 'ebweu wate 'ina to'umalinamo, ta Yaubada 'itagwalena be Keliso nina 'atuwa tai to'umalina, be tauna 'enega 'abo'ada Yaubada 'ina bubuna palupaluna tada lowa'elu.

Epeso 2:2

Ona'ai'aila, lowa bubuna bale'u waguiguinuwedi, manuna yaluyaluwa to'umalidi ta waiwaidi 'idi 'inapwana, tauna tomiya mwatui waematamatanena. Tauna yaluyaluwa nina taudi tole'oa loina simulimuliye be 'atediya 'imiyami.

Epeso 6:12

Manuna 'ida losaiya nigeya tomota ma'edao, ta esi toloina to'umalidi ma'edao, taudi guguyoi gete tuga bale'uya 'ana toloinao, be galewaya 'ana yaluyaluwao to'umalidi.

Kolose 1:13

Ona'ai'aila, sena guguyoi 'enega 'i'etoseyeda, ga 'isa'u gelaseda Natuna bobo'ana 'ina 'ebeloina 'enaya,

Ibeliu 4:15

'Aidi totaliyao nigeya si'ate'atenuwa 'ole'oleyeda 'ida nenetao manudi, ta Yesu esi 'ida miyamwau 'inuwa sabwalenidi ta 'i'atenuwa 'ole'oleyeda, manuna lowa bale'uya Seitani 'ina 'ebetoo maibo'ana 'ilobedi nadigega 'abo'ada talobaloba 'esedi, ta Yesu nigeya 'ebweu wate 'iloeloegesi.

Ibeliu 7:26

Ona'ai'aila, Yesu nina sawesawenaya be 'ietotaliya manuda, manuna tauna adelina maibo'ana bobo'ana tuga, ta nigeya nadigega toto'umalida 'abo'ada, 'enega Yaubada Yesu nina 'igilagasina, ga galewa 'ana tomiyanao 'iloetana sinedi.

1 Pita 1:19

ta esi e'isa nina Yaubada 'ina lami lalana bobo'ana wawasae 'enega 'i'etoseyemi, tauna Keliso nina, bobo'ai'ailina ta 'esasena.

1 Pita 2:22

Manuna tauna nigeya 'ina to'umalinamo ta wate nigeya kabo 'awanega 'ida apwesa.

1 Yoni 4:4

Natugwao, 'omi Yaubada 'enega watubuwama, 'enega mali yaluyaluwa nidi ni'atu waewaiwai sinedi, manuna Yaluyaluwa nina 'edaya 'imiyami Toewaiwai sana, ta yaluyaluwa nina me bale'u 'ediya 'imiyami 'ina waiwai nigeya sinabwana.

1 Yoni 5:18

Ta esi tamwalamwalatoni 'aene 'abo Yaubada 'ienatuneda geya'abo taloeloegesi, manuna tauna Yaubada 'igimi enatunenaya 'i'ita'i'isida, be geya'abo tauna toto'umalina nina 'igitogitooda.

1 Yoni 5:19

Ta wate 'abo'ada tamwalamwalatoni 'aene Yaubada 'ienatuneda, ta sa'i bale'u bubunina 'ana tomuliyao yauyaudi toto'umalina nina 'ina bodao.

E'ita'ita 12:9

Yobai nina bweyabweyalina ta sinabwana, tauna gimimwata 'ana esana Seitani, 'atuwa Taumudumudulele, tauna bale'u 'ana tokabo. Tauna ma ina aniloseyao maibo'adi bale'uya siula mwa'utedi.