Yoni 14:2 - Loina Tabu Auwauna NT

² Ta Tamagu 'ina senaya anuwa yaudi sitootoolo. 'Enega 'abo'agu sena nina 'ena yatatauya be 'imi sena yagibubu. 'Eguma ona gete nigeya ona'ai'aila, geya'abo sa'i gete nadigega yasimasimana'esa 'emiya.

Yoni 14:2 Σταυροειδείς Αναφορές

Luke 14:22

“Ga 'ali'ei nina 'iguinuwa nadigega, ta muliyega 'imai ga 'iona, ‘Ni'atu tomota nidi yabwauyedima ta esi 'imu anuwa nina nigeya siloeloemaa.’

Yoni 13:33

Natugwao, tuta gidalina namo 'ena 'abo'agu ma'emi, ta ma'etamo wa'ebesegu, nadigega lowa me Yudia 'ediya yasimana'esa, yagwae, ‘Sena nina 'ena yatatauya 'omi nigeya sawesawemiya be 'ena wawawai.’

Yoni 13:36

'Enega Saimoni Pita Yesu 'ienaidena, 'igwae, “'Inapwana, mwa'o batu 'utatauya?” Ta Yesu 'ieonena, “Nigeya sawesawemuya be tuta gete 'enaya 'umuliyegu, ta esi 'etamo be 'uda muliyegu sena nina 'ena.”

Yoni 14:28

Ni'atu 'igu ona wanonona 'aene ma'etamo yatatauya be muliyega yada ilama 'emiya. Ta 'eguma 'omi waobobomegu, geya'abo wanuwanuwa mwau 'igu tauya Tamadai 'ena manuna, ta esi wada gwausowala, manuna Tamadai nina tauna 'iloetana sinegu.

Yoni 16:4

Yage nidi getedi ni'atu yasimanedi 'emiya, be 'enega tuta nina 'abo siapwesa 'emiya wada nuwa'i'isidi.” Ta wate 'ediya 'igwae, “Yage nidi getedi nigeya lowa yagimigimi simanedi 'emiya, manuna tuta yauyauna 'abo'agu ma'emi.

Yoni 17:24

“Tamagu ye, taudi ni'atu 'u'ebwayaedi 'eguya nuwanuwagu be ma'egwao 'ada miyami. Ta gote 'ena 'igu esaesa nina 'u'ebwa'eguya sida 'ita, manuna muliyega be bale'u 'ana mweluluwa ta 'oyo 'ugimi obobomegu.

Guinuwa 9:16

Be wate yada e'itae 'ina 'elouyao sinabwadi 'ida lobadi, 'abo'agu 'agu simana manuna.”

2 Kolinita 5:1

Bwalada 'atuwa 'ida anuwa bale'uya, ta tamwalatonina 'abo 'ieligei, 'ida anuwa auwauna galewaya tada loba, nigeya tomota nimadiyega siguinuwena, ta esi miyamiya atayana tauna Yaubada 'enega.

1 Tesalonaika 5:9

Manuna Yaubada nigeya 'iloiloina be bwa'omatana 'ana sena 'ena taapwesa, ta esi nuwanuwana 'ida 'Inapwana Yesu Keliso 'ina guinuwega 'i'etoseyeda.

Taito 1:2

Wate Yaubada 'ina onaupaupa lowaenei siemisena 'aene yawasidi ataya 'i'ebwa'edi, ta nigeya sawesawenaya 'ikakabo.

Ibeliu 11:10

Ta esi Ebelaamo 'inuwayaina 'aene 'asa nina 'ana 'autui pa'alina 'ena 'ilulugu, nate Yaubada 'imweluluina, nai 'i'abina.

Ibeliu 13:14

Manuna bada bale'uya nigeya 'ebweu 'ida 'asa miyamiya atayana 'imiyami, 'enega 'ilobweneda be 'asa miyamiya atayana tuta 'imeemai manuna tada 'ebese.

Ibeliu 6:20

Gote 'ena Yesu ni'atu manuda 'igimilugu, ta 'ietotaliya sinabwana ta miyamiya atayana manuda, nadigega Melikisedeki lowaenei.

Ibeliu 9:8

Gete 'ebe'ita tomota auwauda 'edaya, Yaluyaluwa Tabuna 'enega, be 'enega tada mwalatoni 'aene 'abo guinuwa nina kadekadelina 'etamo taguiguinuwe, nigeya sawesawedaya be talulugu Sena Tabu Wawasae solanaya. Manuna obobomao be 'ebwayadaitao nidi loina kadekadelina 'enega sitalitaliya Yaubada 'ena, ta esi nigeya sawesawediya be tomota nidi 'atedi sigie'esasedi, ta bwaladimo sigie'esasedi,

E'ita'ita 1:5

Ta Yesu Keliso tauna Tosimana 'ai'aila, ta wate tauna mwawasega 'igimi toololimana, ta bale'u 'ana toloinao 'idi kini. Tauna Yesu nina 'iobobomeda ga 'ida loegesiyao lalanega 'i'utu yauledi.

E'ita'ita 21:2

Ga 'asa 'esasena ya'itena, tauna Yelusalema auwauna, galewega 'imwa'umwa'utama Yaubada 'enega, ni'atu 'ieiyalina nadigega toai mewainena 'iiyala be mamwanena sida elobaloba.

E'ita'ita 3:12

“Ta 'abo yaita 'omi 'iewaiwai, yada loina be 'ida e'ola Yaubada 'ina Anuwa Tabu manuna, be geya'abo wate 'ipilipilisine, ta 'emiya Yaubada 'ana esana yada 'etoladi, ta wate Yaubada 'ina 'asa 'ana esana yada 'etoladi, nate Yelusalema auwauna, tauna 'etamo galewega 'ida mwa'utama 'igu Yaubada 'enega. Ta wate 'emiya 'agu esana auwauna yada 'etoladi.

E'ita'ita 3:21

“Ta 'abo yaita 'omi 'iewaiwai, yada tagwala 'enaya be ma'iyagu 'ada miyatowa 'igu 'ebemi esaesa 'ena, nadigega tuga 'abo'agu yaewaiwai, ga Tamagu 'ina 'ebemi esaesa 'ena ma'iyagu 'amiyatowa.