Yoni 13:5 - Loina Tabu Auwauna NT

⁵ Ta bwasi 'isiwena gaeba sinabwana 'enaya ga 'ie'ale be 'ana tomuliyao 'aedi 'i'utudi be muliyega tawelo nina 'ilogadiwanenaya 'enega 'aedi 'itala'i'ilidi.

Yoni 13:5 Σταυροειδείς Αναφορές

Luke 7:38

ga Yesu deinaya 'itoolo ga 'idedoi ga mataselunega Yesu 'aena 'iepwasena, ga 'uya'uyanega 'aena 'ilo'i'ilidi, manuna waine nina 'uya'uyana dudulana, ta wate Yesu 'aena 'i'awamuidi ga bunama nina 'isiwena Yesu 'aenaya.

Luke 7:44

'Enega 'isanaila waine nina 'enaya, ga 'igwae, “Saimoni, waine gete 'ina guinuwa manugu 'u'itena, nigeya nadigega 'oyo. Manuna 'imu anuwaya yaluguma ta bwasi 'aegu 'ana 'utu manuna nigeya 'u'ebwa'ebwa'egu, ta esi waine gete mataselunega 'aegu 'i'utudi ga 'uya'uyanega 'ilo'i'ilidi.

Yoni 13:10

Ta Yesu 'igwae, “'Eguma yaisigedi 'omi ni'atu wa'esiweya, 'ilobwenemi be 'aemimo wada 'utudi be 'enega bwalami maibo'ana 'ida 'esasadi. Ta ni'atu 'omi wa'esasemi, ta nigeya 'aene maibo'ami.”

Yoni 13:6

Ta tuta nina Yesu 'imai Saimoni Pita 'enaya, Pita nina 'igwae, “'Inapwana, geya'abo 'aegu 'u'utu'utudi.”

Yoni 13:8

Ta Pita Yesu 'ieonena, “Geya'abo wate 'ebweu tuta 'aegu 'u'utu'utudi.” Ta Yesu Pita 'enana 'ie'isena, 'igwae, “'Eguma geya'abo 'aeyo ya'utu'utudi 'oyo nigeya gosiyagu.”

Yoni 19:34

Ta tolosaiya 'ebweu gita 'igilagasina ga Yesu lesulesunaya 'ibadina, ga lala be bwasi sidau.

Guinuwa 22:16

Ta to'ase sana 'uyamwayamwa? 'Utoolo be 'ana esana 'ubwauye, be 'enega 'ubapitaiso be 'aene 'imu to'umalinao 'uda 'utuyauledi.”

1 Kolinita 6:11

Manuna 'aimi lowa wabubuna nadigega, ta esi gete tuga Yaubada ni'atu 'i'utumi ga wa'esasemi, manuna 'ida 'Inapwana Yesu Keliso 'ana esanega, ta Yaluyaluwa Tabuna 'ina guinuwega, ni'atu 'igiepaepalumi.

Epeso 5:26

'ada gie'esasa manuna, nate 'ida to'umalina 'ana 'ebe'utu bwasina 'ina ona 'enega,

1 Timoti 5:10

ta tomota matadiya 'idi bubuna palupaluna, manuna natudiyao 'adi 'iyabwebwe 'enaya siguinuwa 'ai'aila, be 'owagao ta wate toekalesiyao 'adi 'itanao 'enaya, be tomiyamwau wate 'adi lema 'enaya, be 'abo 'atenuwa'ole'ole 'aledi, 'ilobwenedi be toekalesiyao 'ediya silulugu, be toekalesiyao nidi 'ediyega 'adi lema, nai 'e'ai, nai 'oama, sida loba.

Ibeliu 10:22

'Enega Yaubada tada loselabe ma ida 'atetagwala be ma ida emisa 'ai'aila be 'enega ooda tada gie'esasedi bwasi bobo'ana 'enega, ta wate 'ida nuwanuwa sida 'esasa, manuna Yesu 'ina loseuseula 'enega 'ida nuwanuwa to'umalidi 'igie'esasedi.

1 Yoni 1:7

Ta 'eguma sena maedana 'ena tamiyami, nadigega Yaubada nina sena maedana 'ena 'imiyami, nate taegosigosiyana 'ai'aila, manuna Natuna Yesu lalanega 'igie'esaseda 'ida to'umalinao maibo'adi 'ediyega.

1 Yoni 5:6

Ta Natuna 'ina mai 'edaya nate bwasiyega ta wate lalanega, tauna Yesu Keliso, nigeya bwasi namo 'enega, ta esi bwasi be lala wate 'ediyega. Gete manuna Yaubada Yaluyaluwana 'isimasimana 'ai'aila manuna Yaluyaluwana adelina palupaluna.

E'ita'ita 1:5

Ta Yesu Keliso tauna Tosimana 'ai'aila, ta wate tauna mwawasega 'igimi toololimana, ta bale'u 'ana toloinao 'idi kini. Tauna Yesu nina 'iobobomeda ga 'ida loegesiyao lalanega 'i'utu yauledi.

E'ita'ita 7:14

Ga 'ena yagwae, “'Inapwana 'oyo 'umwalamwalatonidi, 'abo'agu nigeya.” 'Enega 'ieonegu, 'igwae, “Gete tomota nidi bale'u 'elouyanao 'ediyega situpwa, ta 'adi 'oamao nidi Lami nina lalanega si'utudi ga siwakekedi.