Yoni 13:34 - Loina Tabu Auwauna NT

³⁴ “'Enega 'omi wate gete tuga loina auwauna ya'ebwa'emi, be 'atemiyega wada eobooboboma 'ebweuna 'ebweuna 'enaya, nadigega 'abo'agu yaoboboma'esemi,

Yoni 13:34 Σταυροειδείς Αναφορές

Madiu 5:44

Ta 'abo'agu yaloinemi 'ami talauwalao waobobomedi, be taudi sigie 'elouyaemi manudi wasisida be Yaubada 'ida lemedi.

Yoni 15:17

“Ni'atu 'igu loina nina yasimanena 'emiya, 'aene wada eoboobobomemi.”

Yoni 17:21

Yasida 'emuya be 'aene maibo'adi sida e'ebweu 'edaya, nadigega 'oyo be 'abo'agu 'ebweuna tuga, be 'enega me bale'u sida emisegu 'aene 'oyo 'uetuneguma.

Loma 12:10

Gosemiyao wada oboboma 'ai'ailedi be wada 'amayabedi,

Loma 13:10

Ta 'abo loina gete 'umuliyena, Mosese 'ina loinao maibo'adi ni'atu 'uguinuwedi, manuna 'abo yaita oboboma 'atenaya 'imiyami, geya'abo wate gosenao 'igiegie to'umaliyedi.

Loma 13:8

'Ami lowagao wada yotuli egumwalidi, ta 'ami lowaga eobooboboma nigeya sawesawenaya be wayotuli egumwali, manuna 'abo gosedao taobobomedi, loinao maibo'adi ni'atu taguiguinuwedi,

Galetia 5:22

Ta sa'i Yaluyaluwa Tabuna uwana bobo'adi 'atedaya getedi, oboboma, gwausowala, miyasiwalowa, toolopa'ala, lema, bubuna palupaluna, emisa,

Galetia 5:6

Ona'ai'aila, Yesu Keliso 'enaya me Yudia 'adi we'iwe'iyaya, nate bwaladi silodaba, nigeya 'igiepaepaluyeda, be wate 'abo lodaba taguitoyase geya'abo 'ada 'awapalupalu talobaloba. Nate namo 'eguma Yesu taemise be taobobome, tauna 'ada togiepalu.

Galetia 6:10

'Enega 'ilobweneda be tuta maibo'ana 'ediya tomota yauyaudi tada lemedi, ta esi Yaubada 'ana toemisao talemedi sinabwana.

Galetia 6:2

'Ami 'aa'aalao 'ediya wada elemalema magosemiyao, manuna gete 'ada loina Keliso 'enega, ta 'ilobweneda be taguinuwe.

Epeso 5:2

be wate wada eoboobobomemi nadigega Keliso 'ioboboma 'eseda, ga tauna 'itagwalena ga 'italiyaena Yaubada 'enaya manuda, ga 'imwawasa.

Kolose 1:4

manuna tetelimi 'anononaya, 'aene Yesu Keliso waemisena, ta toekalesiyao yauyaudi waobobomedi,

1 Tesalonaika 3:12

Ta 'eluwena 'aene 'Inapwana obobomega 'ida loemaemi be taumimo wada eoboobobomemi, ta wate mali tomota wada oboboma 'ai'ailidi, nadigega 'abo'ama 'aoboboma 'esemi,

2 Tesalonaika 1:3

Gosemao, 'ilobwenema be tuta yauyauna Yaubada 'ada lokagutokiye 'imi emisa be 'imi eobooboboma taumimo 'emiya 'adi sinabwa manuna.

Ibeliu 13:1

'Enega wada eobooboboma taumimo 'emiya.

Yemesa 2:8

Ta 'ida 'Inapwana 'ina loina sinabwana Buki Tabu 'ena 'igwae, “Gosemwao 'uda obobomedi nadigega tauyo 'amu oboboma.” Loina getei 'abo 'umuliya 'ai'aili, gete bubuna bobo'ana.

1 Pita 1:22

'Enega ni'atu 'eda palupaluna wamuliya 'ai'ailina, gote 'enega 'imi 'esasa walobena, ta wate taudi gosemiyao waobobomedi 'atemi maibo'ana 'enega, 'enega 'ilobwenemi be wada eobooboboma 'ebweuna 'ebweuna, oboboma 'ai'aila 'enega.

2 Pita 1:7

esikisina egosigosiyana, ta 'ebe losalowa oboboma.

1 Yoni 3:11

Emataluwa sinabwana gete 'agimi eonemi 'aene gosedao maibo'adi tada obobomedi.

1 Yoni 3:23

Ta 'ina loina 'eluwa nidi 'aene Natuna Yesu Keliso taemise, be gosedao taobobomedi, nadigega Keliso nina 'ada loina 'i'ebwa'eda.

1 Yoni 4:21

Ta 'ada loina Yaubada 'enega be 'aene tauna taobobome, ta wate tasidao taobobomedi.

2 Yoni 1:5

Nuugu ye, yasideyo wate gete nigeya 'aene loina auwauna ya'ebwa'ebwa'eyo, ta esi loina kadekadelina nina wagimi nononaya 'aene maibo'ada tada eobooboboma.