Yoni 13:31 - Loina Tabu Auwauna NT

³¹ Yudasa ni'atu 'ipilisinedi, ga Yesu 'ieonedi, 'igwae, “Ni'atu tuta 'imai saba be 'abo'agu Tomota Natuna 'igu esaesa 'ida apwesa, be 'abo'agu Yaubada 'ina esaesa wate yada gieapwese.

Yoni 13:31 Σταυροειδείς Αναφορές

Madiu 8:20

Ta Yesu tai nina 'ieonena, 'igwae, “Kedewa mitawa ma idi gaula, ta wate manuwa ma idi newa, ta 'abo'agu Tomota Natuna nigeya 'igu 'ebe 'enomo.”

Luke 12:50

Ta esi tuta gidalina be bapitaiso to'umalina yaloba, 'enega ma igu 'atesa'ala be 'ana laba bapitaiso nina 'eguya siguinuwe.

Yoni 11:4

Ta Yesu ale nina 'inononaya ta tomota 'ediya 'igwae, “Le'oasa gete 'ana mwalatoi 'aene Lasalo geya'abo 'imwawamwawasa, ta esi le'oasa gete 'iapwesa be 'enega tomota yauyaudi Yaubada sida tupu, ta wate Natuna sida tupu.”

Yoni 12:23

'Enega Yesu me Gilisi 'idi ona 'ie'isena, ga 'igwae, “'Abo'agu Tomota Natuna, ta ni'atu tuta 'imai saba be 'enega 'agu tupu yaloba.”

Yoni 12:28

Ta esi yasisida be Tamagu 'ena yagwae, ‘Tamagu, 'amu esana 'ugitu'eye.’ ” 'Enega 'ebweu 'enana galewega sinonona, 'igwae, “'Agu esana ni'atu yagitu'eyena ta wate ma'etamo yada gitu'e limai.”

Yoni 14:13

Be to'ase nadigega nuwanuwami, be 'agu esanega wasisida, ya'ebwa'emi tuga, be gote 'enega Tamagu 'ana tupu 'ida loba 'igu guinuwa 'enega.

Yoni 16:14

Ta 'igu sinasinapuyega 'emiya 'ida e'ita be 'enega 'agu esana wada gitu'eye.

Yoni 7:39

Yesu 'ina ona gete 'enaya 'ionaona Yaluyaluwa Tabuna manuna, be 'enega Yaluyaluwa Tabuna ma'etamo 'ida lugu taudi 'ana toemisao 'ediya. Ta tuta nina 'ena Yaluyaluwa Tabuna nigeya 'ilugulugu tomota 'ediya, manuna Yesu nigeya 'ina 'ebeloina 'ena 'itu'etu'e.

Guinuwa 2:36

“Gete manuna me Isileli maibo'ami wada mwalatoni 'ai'aili 'aene Yaubada Yesu ni'atu 'i'awa 'Inapwanaena be tauna To'etoseyana, tauna Yesu nina ni'atu wagiekelosena.”

Guinuwa 3:13

ta esi Yaubada 'ina waiwaiyega, tauna Ebelaamo be Aisake be Yekobe 'idi Yaubada, ta tubudao 'idi Yaubada, ga ni'atu Yaubada 'ina 'ali'ei Yesu 'ana esana 'igitu'eyena, tauna lowa Pailato nuwanuwana be 'ili'ami, ta 'omi waeyaseyaseyena, ga wa'awa to'umaliyena Pailato matanaya.

2 Kolinita 3:18

'enega nigeya 'ebweu talabodaboda maninidaya 'imiyami, ta 'Inapwana 'ina esaesa maemaedanina 'ena tadunedune, ta tupwana be tupwana 'isa'usa'u gelaseda tauna 'ana 'ita maemaedanina nadigega. Guinuwa gete 'Inapwana 'enega, tauna yaluyaluwa tuga.

Epeso 1:12

ta 'abo'ada 'iesinuweda ga 'iloineda be 'aene Keliso 'ana togimi emisao, be 'asiyata 'ebweuna 'ebweuna 'enaya, 'ida guinuwao manudi tomota sida tupui, be sida 'awa eseese.

Epeso 2:7

Gete 'iguinuwena be 'aene tuta simeemai 'ediya 'ina oboboma sinabwa wawasaena 'ida e'itae, nate 'ina 'atenuwa'ole'ole be 'ina 'etoseyana Yesu Keliso 'enega.

Epeso 3:10

'aene 'ebe'ita 'abo'ada toekalesiyao, be 'edega Yaubada 'ina mwalatoi maibo'ana 'ie'itae galewa 'ana yaluyaluwa waiwaidi 'ediya.

Pilipai 2:11

be tada 'awa'ai'aila 'aene Yesu Keliso tauna 'Inapwana nina, be wate Tamada Yaubada tatupui.

1 Pita 1:21

Ga tauna Keliso nina 'enega Yaubada waemisena 'aene tauna mwawasega 'igietoolo limena ga 'ebemi esaesa 'ena 'isa'una, 'enega 'imi emisa be 'imi nuwayaina wasa'u 'ai'ailidi Yaubada 'enaya.

1 Pita 2:12

Ta wada bubuna bobo'ana taudi nigeya me Yudia 'ediya. Manuna gete tuga 'etamo si'awa'awa to'umaliyemi, ta tuta muliyega 'imi guinuwa bobo'ana sida 'ita, be 'enega tuta nina Yaubada 'iapwesama Yaubada nina sida tupu.

1 Pita 4:11

'Enega yaisigedi 'omi waetosimana wada etosimana tuga nadigega Yaubada 'ina ona wasimasimane, ta 'abo yaisigedi 'omi walemalema wada lema tuga 'imi waiwai maibo'anega, nadigega waiwai nina 'i'ebwa'emi, be 'enega guinuwa maibo'adi 'ediyega tomota Yesu Keliso sida mwalatoni be Yaubada sida tupu, manuna tauna Toesaesa sana, ta Toewaiwai sana, tuta maibo'ana 'ediya. Eimeni.