Yoni 13:23 - Loina Tabu Auwauna NT

²³ Ta 'ebweu 'ina tonono, tauna Yesu gosiya 'ai'ailina, selabenaya 'i'eno ilaila,

Yoni 13:23 Σταυροειδείς Αναφορές

Luke 16:22

Ga tuta nina Lasalo 'imwawasa aniloseyao si'au'ewena ga Ebelaamo selabenaya sisa'una topalupaludi 'idi senaya. 'Enega muliyega wate toesaesa nina 'imwawasa ga sisa'u 'ali'aliyena,

Yoni 1:18

Nigeya 'ebweu tuta Yaubada 'ana 'ita tomota sida 'itena, nate namo natu'ai'ailina selabenaya 'imiyami, 'enega tauna Tamana 'ana 'ita nina ni'atu 'ie'iteda.

Yoni 11:3

Ta tuta nina nuudina Lasalo 'ile'oasa ga taudi nuunao nidi ale sietunena Yesu 'ena, sigwae, “'Inapwana, gosiyamuna ni'atu 'ile'oasa.”

Yoni 11:36

Ta me Yudia nidi Yesu 'ina dedoi si'itena, 'enega sigwae, “Ona'ai'aila, gosiyanana 'iobobomena sinabwana.”

Yoni 11:5

Ta Yesu, Malida be tasina ta wate nuudiya Lasalo 'iobobomedi sinabwana.

Yoni 13:24

ta Saimoni Pita tupwana 'imiyaila, 'enega Pita nina nimanega 'ieonena, “'Uda enaide yaita tauna manuna 'ionaona?”

Yoni 13:25

'Enega tai nina 'i'eno ilaila Yesu selabenaya ga tenanaya 'iona, 'igwae, “'Inapwana, yaita sana manuna 'uonaona?”

Yoni 19:26

Gote 'ena Yesu 'isanamwa'uta ga sinana be iine nidi ma'enao 'i'itedi, ta wate 'ina tonono nina gosiya 'ai'ailina 'i'itena. 'Enega sinana 'ena 'igwae, “Sinagu, tai nate natuyo.”

Yoni 20:2

'Enega 'ipili ga Yesu 'ina tononoyao 'ediya 'iona, 'igwae, “Ni'atu 'Inapwana si'ewa apwesena 'ali'aliyega, ta mwa'o nai sisa'una.” Tonono nidi Saimoni Pita be Yesu gosiya 'ai'ailina.

Yoni 21:20

'Enega Pita 'isanaila, ga 'ebweu tonono nina Yesu gosiya 'ai'ailina 'i'itena, tauna 'e'ai 'ana tutaya Yesu selabenaya 'i'eno ilaila, ga 'ienaidena, 'igwae, “'Inapwana, yaita tauna 'amu tosipupu nina?”

Yoni 21:24

Tonono nina gete tauna yage gete manudi 'isimana ta wate tauna ona nidi 'i'etoladidi tetela gete 'enaya, ga tamwalatonina to'ase 'isimanedi ona 'ai'aila maibo'ana.

Yoni 21:7

Gote 'ena Yesu 'ina tonono nina tauna gosiya 'ai'ailina Pita 'ena 'iona, 'igwae, “Gosiyagu, gote tauna 'ida 'Inapwana nina.” 'Enega Saimoni Pita 'inonona 'aene 'idi 'Inapwana nina, ga 'ana 'oama 'i'otena, manuna bwala daisinamo 'igomagomana, 'enega 'isobu ni'uya.