12 Ta ni'atu 'aedi 'i'utudi, 'enega 'ana 'oama 'i'ote limena ga 'imiyatowa ta 'ediya 'iona, 'igwae, “Wamwalatonina to'ase yaguinuwena 'emiya, nai nigeya?
'Enega Yesu 'ienaidedi, 'igwae, “Mwa'adega onasemalimali getedi maibo'adi wamwalatonidiya?” Ta sinono ga silotamo, sigwae, “O!”
'Enega Yesu 'ieonedi, 'igwae, “Mwa'adega 'igu onasemalimali gete nigeya wanuwanuwa sabwaleni, aga? Be mwa'adega 'aina onasemalimali gete nadigega wada nuwasabwalenidi?
“Ta to'ase wanuwena, 'aene yaita toloetana 'abo tai 'ebweuna 'imiyatowa be 'i'e'ai ta 'ebweuna manuna 'ietaetapewa? Nai tauna to'ai, aga? Ta 'abo'agu yanuwena nai toetapewa nigu, manuna wa'ita 'abo'agu gete tuga gamwagamwanimiya manumi yaetaetapewa ga 'abo'agu 'atuwa 'imi 'ali'ei.
'Enega 'idi 'ebe 'e'ai nina 'enega Yesu 'itoolo ga 'ana 'oama 'ialolona ta tawelo 'i'ewena ga 'ilogadiwanena.
'Enega Yesu 'iona, “Nigeya 'umwalamwalatoni to'ase tuta gete yaguiguinuwa 'emuya ta esi ma'etamo be 'uda mwalatoni.”