Yoni 12:34 - Loina Tabu Auwauna NT

³⁴ Ta boda nidi 'ina ona sinonona ga sie'isena, sigwae, “'Ima Buki Tabu 'isimana 'aene To'etoseyana nina miyamiya atayana, ta mwa'adega ga 'enega 'uona 'aene Tomota Natuna sida gitu'eye? Yaita sana gete Tomota Natuna?”

Yoni 12:34 Σταυροειδείς Αναφορές

Madiu 16:13

'Enega Yesu 'imai Sisalia Pilipai senanaya ga 'ienaida 'ina tononoyao 'ediya, 'igwae, “Mwa'adega tomota 'idi ona 'abo'agu Tomota Natuna manugu, 'aene 'abo'agu yaita?”

Madiu 21:10

'Enega Yelusalema 'ena silugu ga tomota maibo'adi 'igieloniuyedi, ta sigwae, “Yaita sana gote?”

Madiu 8:20

Ta Yesu tai nina 'ieonena, 'igwae, “Kedewa mitawa ma idi gaula, ta wate manuwa ma idi newa, ta 'abo'agu Tomota Natuna nigeya 'igu 'ebe 'enomo.”

Yoni 10:34

Ta Yesu wate 'ediya 'igwae, “Loina 'eto'etoladina 'imi Buki Tabu solanaya, 'igwae, ‘Ni'atu yaona 'aene 'omi yaubada nimi.’

Yoni 12:32

Ta 'abo'agu 'abo bale'uyega sigitu'eyegu kaiwe 'enaya, tomota maibo'adi yalisidima be 'eguya simamai.”

Yoni 15:25

Ta 'idi guinuwa nidi ni'atu 'iapwesa 'ai'aila manuna Buki Tabu 'ena 'ionaupaupa saba 'igwae, ‘'Idi guitoyasa manugu nigeya 'alenamo.’

Yoni 8:28

'Enega Yesu 'ieonedi, 'igwae, “'Abo'agu Tomota Natuna, ta ma'etamo wada gitu'eyegu, be 'enega nate 'ena wada mwalatonigu yaita 'abo'agu, be 'enega wada mwalatoni 'aene taugu nigeya 'igu nuwena 'enega yada guinuwa, ta esi to'ase nadigega Tamagu 'ie'itegu 'ediyega yaonaona.

Loma 3:19

Ta ni'atu tamwalatonina 'aene Mosese 'ina loinao nate me Yudia 'ada loina, be 'enega geya'abo yaita 'ionaona limana tuta nina Yaubada 'ina bwa'omatana 'ena, manuna maibo'ada toto'umalida.

Loma 5:18

'Enega tamwalamwalatoni 'aene 'ebweu tai 'ina to'umalina 'enega tomota maibo'adi sito'umalina. Nadigega tuga 'ebweu tai 'ina guinuwa palupaluna manuna tomota maibo'ada 'i'etoli'amida, be yawasida 'i'ebwa'eda.

Ibeliu 7:24

Ta Yesu tauna 'ida totaliya ataya, 'enega nigeya 'ana lopa'elumo.