Yoni 12:20 - Loina Tabu Auwauna NT

²⁰ Tuta nina 'ena 'aidi me Gilisi gamwagamwanidiya simiyami, taudi tomota nidi situ'ema Yelusalema, Ataona Sagalina 'ena sabi lotapwalolo.

Yoni 12:20 Σταυροειδείς Αναφορές

Yoni 12:1

'Asiyata sikisi simiyami be Ataona Sagalina sida guinuwe, ta Yesu 'itauya Betani, Lasalo 'ina 'asaya, tauna lowa mwawasega Yesu 'igietoolo limena.

Yoni 12:19

Gote 'ena Palisiyao taudimo 'ediya sigwae, “Wada 'ita, 'ida waiwai ni'atu 'igumwala, manuna tomota maibo'adi Yesu 'ina boda 'ena sitautauya.”

Yoni 7:35

Ta me Yudia nidi taudimo 'ediya sigwae, “Mane 'ena 'aene 'itautauya be 'enega geya'abo talobaloba? 'Aene 'itatauya taudi me Yudia nidi 'asa sipilisinena ga sitauya mali senao 'ediya, be 'ida e'itadi, aga?

Guinuwa 14:1

Paulo be Banaba siapwesa Ikoniami 'ena, ga 'idi guinuwa Anitioki 'ena wate nadigega Ikoniami 'ena siguinuwa'esa, nate me Yudia 'idi anuwa tapwalolo 'ena siluguya ga sie'ita, ta ma idi e'ita waiwai, 'enega boda yaudi siemisedi, boda nidi 'aidi me Yudia ta 'aidi mali senao 'ediyega.

Guinuwa 16:1

Ga 'idi sakowasi 'enaya sitauya Debi be Lisitila 'ediya, ga Lisitila 'ena Yesu 'ana tomuliya 'ebweu silobena, 'ana esana Timoti, tauna sinana waine Yudia ta Yesu 'ana toemisa, ta tamana sa'i goma Gilisi.

Guinuwa 17:4

'Enega 'aidi si'awa 'ai'ailena ga Paulo be Sailasa 'idi boda 'ena silugu, ta Yaubada 'ana to'amayabao taudi nigeya me Yudia 'ediyega, be iine 'adi esanao sinabwadi 'ediyega, yaudi wate siemisa.

Guinuwa 20:21

ta 'igu e'ita 'emiya leleleya tuga, 'omi me Yudia, be 'omi mali sena tomoteninao, maibo'ami yaloguguya 'emiya be 'aene 'imi bubuna to'umalidi 'ediyega wada sanaila Yaubada 'ena, be 'Inapwana Yesu wada emise.

Guinuwa 21:28

ta sibwaubwau, sigwaegwae, “Me Isileli ye, wamai be wa'ita tai getei, tauna tomota esena yaudi 'ediya 'ie'ita gesiyedi, be 'aene 'ida boda, be 'ida loinao be 'ida Anuwa Tabu sida sinalidi, ta wate Anuwa Tabu gete 'igie yage besobesoena, manuna mali tomota, taudi nigeya me Yudia, 'ime'edi solanaya.”

Guinuwa 8:27

'Enega Pilipi 'itoolo ga 'itauya, ga goma Idiopia ina waga lisilisi 'enega 'itautauya 'ilobena, tauna tai 'ewa'ewana, ta 'ana esana sinabwana, ta 'idi kuwini Kanidesi manuna 'iguiguinuwa, nate 'ina esaesa maibo'adi 'i'ita'i'isidi, ta tauna ni'atu 'imai Yelusalema sabi tapwalolo,

Loma 1:16

Tetela nina 'ana guguya manuna nigeya yada omayamaya, manuna Yaubada 'ina waiwai 'ena 'imiyami be 'enega 'abo yaisigedi taudi siemisa 'ida 'etoseyedi, ta nugana 'abo'ama me Yudia 'emaya, ta 'enega muliyega 'omi nigeya me Yudia 'emiya.

Loma 10:12

Gete 'enega nigeya 'ebweu weyala 'edaya 'imiyami, 'abo'ama me Yudia be 'omi nigeya me Yudia gamwagamwanidaya, manuna maibo'ada tauna 'ida 'Inapwana, 'enega 'abo ta'awanoi 'enaya tauna 'ina esaesa 'ida 'ebwa'eda.

Galetia 2:3

Ta Taito 'i'oayabuma ga 'atu'e Yelusalema, tauna goma Gilisi 'ebweu, ta esi toanuganao nidi nigeya Taito nina siloiloine be 'aene bwalana silodalodaba 'ana we'iwe'iyaya nadigega taudi.

Galetia 3:28

Manuna maibo'ada Keliso ma'eda, ta nigeya 'ebweu wate weyala soladaya 'imiyami. 'Enega me Yudia be mali bodao leleleya, ta 'inapwanao be 'idi topaisewao leleleya, ta wate me'olotodi be mewainedi leleleya, manuna maibo'ada Yesu Keliso 'enega tae'ebweu,

Kolose 3:11

'Enega nigeya 'ebweu wate weyala 'imiyami be wada gwae, “Me Yudia mali boda ta 'abo'ama mali boda”, nai wagwae, “Taudi bwaladi sidabedi mali boda, ta taudi nigeya, mali boda”, nai “'Owagao be to'u'umalao mali bodao”, nai “'Ali'eiyao mali boda be 'inapwanao mali boda”, ta tuwa tuga Keliso 'ina boda maibo'ada, ga 'atedaya Keliso namo 'iloegogoneda.