Yoni 11:50 - Loina Tabu Auwauna NT

⁵⁰ 'Enega nigeya wanuwanuwa sabwalena 'aene yage bobo'ana 'edaya 'ida apwesa 'eguma 'ebweu tai ma'etamo 'imwamwawasa tomota maibo'ada manuda. Ta nigeya 'ana 'ita bobo'ana 'eguma 'abo'ada me Yudia 'ida boda sigiegie to'umaliye.”

Yoni 11:50 Σταυροειδείς Αναφορές

Madiu 5:29

'Enega 'eguma mata'ataiyo 'ina duneyega 'igiebe'uyeyo, 'ilobwenena be 'uiwa yaule. 'Elouya nigeya sinabwana 'eguma welawela'ayo 'ebweuna namo 'uloseye, ta esi 'elouya sinabwana 'eguma matayo manuna Yaubada ooyo maibo'ana 'iula mwa'ute 'asagabugabu 'enaya.

Luke 24:46

Ga 'ediya 'igwae, “Gete nadigega si'etoladi'esena, 'igwae, To'etoseyana nina 'elouya be mwawasa 'ida loba, be 'enega 'asiyata 'etonina 'ena mwawasega 'ida toololimana,

Yoni 11:48

Ta 'eguma geya'abo tagiegie losa'uye, ma'etamo tomota maibo'adi 'ena sida emisa, be 'enega me Loma 'idi loina 'iapwesa, be 'ida Anuwa Tabu be wate 'ida boda maibo'adi sida gieto'umaliyedi.”

Yoni 18:14

Ta wate tauna Kaiyapa nina lowa me Yudia 'ieonedi 'aene 'ilobwenena be tai 'ebweuna 'ida mwawasa tomota yauyaudi manudi.

Yoni 19:12

Ta Pailato ona nina 'inonona ga nuwanuwana sinabwana be Yesu 'ida li'ami, ta me Yudia nidi geya nuwadi, 'enega sibwau toitoila, sigwae, “'Eguma tai nina 'uli'ami, 'oyo nigeya Sisa 'ana tolema, manuna tai nina 'iona 'aene tauna kini, 'enega tamwalatonina 'aene tauna Sisa 'ana talauwala.”