Yoni 11:47 - Loina Tabu Auwauna NT

⁴⁷ 'Enega Palisiyao nidi be totaliyao 'idi 'inapwanao be wate toloinao maibo'adi siegogona, ga sigwae, “Tai nina to'ase 'ena tada guinuwe? Manuna guinuwa waiwaidi 'iguiguinuwedi.

Yoni 11:47 Σταυροειδείς Αναφορές

Madiu 26:3

'Enega totaliyao sinabwadi be me Isileli 'idi 'inapwanao sideli egogonama Kaiyapa 'ina anuwa sinabwana 'enaya, tauna totaliyao 'idi 'inapwana sinabwana.

Madiu 5:22

Ta 'abo'agu yaloinemi 'abo yaita tasina 'igamwasowale, loina 'ida loba. Ta 'eguma 'i'awa to'umaliye, loina 'ida loba toloinao 'ediyega. Ta wate 'eguma 'i'awa uwauwae, ma'etamo 'ilulugu 'asagabugabu 'enaya.

Maki 14:1

Ataona Sagalina 'ana 'ebe nuwa'i'ita 'ida apwesa 'asiyata 'eluwa mulidiya. Sagali nina 'enaya pwalawa daisina, nigeya 'ana 'ebe gieseseyamo, si'a'ani. Ta totaliyao sinabwadi be loina 'ana toe'itao sinuwanuwa edaedadama mwa'adega Yesu sida kabo'ese be 'aene sida giyai be sida loemwawasi,

Luke 22:2

Tuta nina 'ena totaliyao sinabwadi be loina 'ana toe'itao sinuwanuwa edaedadama mwa'adega be Yesu sigiyai 'ana loemwawasa manuna, ta nigeya sawesawediya manuna pwalu sinabwana simatautedi.

Yoni 11:57

Ona gete tomota 'awadiyega 'iapwesa, 'idi 'inapwanao 'idi loina pa'alina manuna. Manuna taudi totaliyao 'idi 'inapwanao be wate Palisiyao tomota 'ediya siemataluwaya 'aene 'eguma to sena 'ena Yesu silobai sida simana manini 'inapwanao nidi 'ediya, be Yesu sigiyai.

Yoni 12:19

Gote 'ena Palisiyao taudimo 'ediya sigwae, “Wada 'ita, 'ida waiwai ni'atu 'igumwala, manuna tomota maibo'adi Yesu 'ina boda 'ena sitautauya.”

Yoni 2:11

Gete 'ena Yesu 'ina paisewa waiwaina nuganuganina, 'ana we'iwe'iyaya 'igieapwesena 'asa Kena 'enaya, Galili senanaya, ga 'ina waiwai 'ie'itaena tomota 'ediya, ta 'ina tononoyao tauna siemisena.

Yoni 6:2

Ga wate boda sinabwana Yesu simuliyena, manuna ni'atu 'ina guinuwa waiwaina tole'oasao 'ediya si'itena.

Yoni 7:32

Gote 'ena Palisiyao tomota 'idi ona kwaiya sinonona, 'enega taudi be totaliyao sinabwadi 'idi to'ita'i'itao sietunedi be Yesu sida giyai.

Yoni 7:45

'Enega to'ita'i'itao nidi siila totaliyao sinabwadi be Palisiyao 'ediya, ga 'inapwanao nidi sieonedi, sigwae, “To'ase manuna nigeya wagiyagiyainama?”

Guinuwa 5:21

'Enega anilose 'ina ona sinononaya ta tomwa 'iulisina, ga Anuwa Tabu 'ena siluguya, ga boda sie'itedi. 'Enega wate totaliya sinabwana ma ina bodao sideli egogonama, ga me Isileli 'idi 'inapwanao be 'adi toloinao maibo'adi sibwauyedima, ga 'idi 'ali'eiyao deliya 'aidi sietunedi be 'aene Yesu 'ana tosimanao sime'edi, be sida etala matadiya.

Guinuwa 5:24

Ta Anuwa Tabu 'ana to'ita'i'ita sinabwana be totaliyao sinabwadi tetela gete sinonona ga si'atesa'ala sinabwana, to'ase 'iabe 'iapwesa manuna.