Yoni 11:4 - Loina Tabu Auwauna NT

⁴ Ta Yesu ale nina 'inononaya ta tomota 'ediya 'igwae, “Le'oasa gete 'ana mwalatoi 'aene Lasalo geya'abo 'imwawamwawasa, ta esi le'oasa gete 'iapwesa be 'enega tomota yauyaudi Yaubada sida tupu, ta wate Natuna sida tupu.”

Yoni 11:4 Σταυροειδείς Αναφορές

Yoni 10:38

Ta esi 'eguma wanuwena 'aene guinuwa nidi yaguiguinuwedi, ta nigeya waemiemisegu, tuwa tuga guinuwa dimo wada emisedi, be gote 'enega sida giesana ilemi be wada mwalatonigu 'aene 'abo'agu Tamagu 'eguya 'imiyami, ta 'abo'agu wate Tamagu 'ena yamiyami.”

Yoni 11:40

Ta Yesu Malida 'ieonena, “Ni'a yasimana 'emuya 'aene 'eguma 'uemisegu, ma'etamo Yaubada 'ina waiwai 'uda 'ita.”

Yoni 12:28

Ta esi yasisida be Tamagu 'ena yagwae, ‘Tamagu, 'amu esana 'ugitu'eye.’ ” 'Enega 'ebweu 'enana galewega sinonona, 'igwae, “'Agu esana ni'atu yagitu'eyena ta wate ma'etamo yada gitu'e limai.”

Yoni 17:1

Ta ni'atu yage getedi Yesu 'i'inanedi ta galewa 'ena 'i'itatu'e, ga 'isidasida, 'igwae, “Tamagu, 'igu tuta ni'atu 'imai. 'Enega 'abo'agu natuyo 'agu esana 'uda gitu'eye, be 'enega 'abo'agu wate 'amu esana yada gitu'eye.

Yoni 17:10

Ta to'ase nadigega 'eguya simiyami 'oyo 'imu 'ebeloina, ta to'ase nadigega 'emuya simiyami 'abo'agu 'igu 'ebeloina, be tomota getedi manudi 'agu esana ni'atu 'isinabwa.

Yoni 17:5

Tamagu ye, gete tuga matamuya 'agu esana 'uda gitu'eye, nadigega tuga lowa 'oyo be 'abo'agu 'ida esaesa nina 'ena tamiyami, ga muliyega bale'u tamweluluina.

Yoni 2:11

Gete 'ena Yesu 'ina paisewa waiwaina nuganuganina, 'ana we'iwe'iyaya 'igieapwesena 'asa Kena 'enaya, Galili senanaya, ga 'ina waiwai 'ie'itaena tomota 'ediya, ta 'ina tononoyao tauna siemisena.

Yoni 5:23

'Enega maibo'ami wada 'amayabegu tuga nadigega 'imi 'amayaba Tamagu 'ena. Ta 'eguma yaisigedi taudi nigeya si'ama'amayabegu, taudi wate Tamagu tauna 'ietuneguma, nigeya si'ama'amayabe.

Yoni 8:54

Ga Yesu 'ediya 'igwae, “'Eguma 'abo'agu taugu yatupugu, 'agu tupu nina yage besobeso tuga, ta Tamagu tauna 'agu totupu nina, tauna waona 'aene 'imi Yaubada.

Yoni 9:24

'Enega wate tomata kebokebo nina sibwau limena ga sieonena, sigwae, “'Usimana palupalu 'emaya, manuna tai nina 'amwalamwalatoni 'aene tauna toto'umalina.”

Yoni 9:3

'Enega Yesu 'ieonedi, 'igwae, “Nigeya tauna 'ina loegesiyega, nai tamana be sinana, ta tuga mamata kebokebona 'itubuwa, be 'enega Yaubada 'ina guinuwa waiwaina 'enaya 'ida e'itae tomota yauyaudi 'ediya.

Loma 11:11

'Enega taudi me Yudia nidi siesetupedi, mwa'adega 'adi loina? 'Aene ni'atu sibe'u ataya be geya'abo sitoolo limana, aga? Nigeya! Ma'etamo sida toololimana. 'Enega wada nuwa'i'isi 'aene 'omi nigeya me Yudia 'etoseyana walobena be me Isileli nidi sida e'ipi'ipiyemi.

Pilipai 1:11

ta ma imi guinuwa bobo'adi Yesu Keliso 'ina waiwaiyega, manudi tomota Yaubada sida tupui be sida 'awa eseese.

Pilipai 1:20

Wate 'abo'agu ma igu emisa ta ma igu nuwayaina 'aene geya'abo yaomayamaya, ta esi yanuwayaina 'aene ma igu 'atepatu gete tuga ta tuta yauna Keliso 'ana esana yada giesinabwa, nai 'igu miya bale'u mayawasigu 'enega, nai 'igu mwawasa 'enega.

1 Pita 1:21

Ga tauna Keliso nina 'enega Yaubada waemisena 'aene tauna mwawasega 'igietoolo limena ga 'ebemi esaesa 'ena 'isa'una, 'enega 'imi emisa be 'imi nuwayaina wasa'u 'ai'ailidi Yaubada 'enaya.

1 Pita 4:11

'Enega yaisigedi 'omi waetosimana wada etosimana tuga nadigega Yaubada 'ina ona wasimasimane, ta 'abo yaisigedi 'omi walemalema wada lema tuga 'imi waiwai maibo'anega, nadigega waiwai nina 'i'ebwa'emi, be 'enega guinuwa maibo'adi 'ediyega tomota Yesu Keliso sida mwalatoni be Yaubada sida tupu, manuna tauna Toesaesa sana, ta Toewaiwai sana, tuta maibo'ana 'ediya. Eimeni.

1 Pita 4:14

Ta 'abo tomota si'awa to'umaliyemi 'imi emisa Keliso 'enaya manuna, wada gwausowala tuga, manuna Yaubada yaluyaluwana 'esasena ni'atu 'emiya 'imiyami.