Yoni 10:36 - Loina Tabu Auwauna NT

³⁶ 'Enega to'ase 'alena tuta nina yagwae, 'aene 'abo'agu Yaubada natuna, ga 'igu ona nina manuna wanuwena 'aene ona oopa'ala? Ta 'abo'agu 'iesinuwegu ta 'ietuneguma ga bale'uya yamai be 'ina guinuwa yada guinuwei.

Yoni 10:36 Σταυροειδείς Αναφορές

Madiu 27:43

Tauna 'aene Yaubada 'ana toemisa, ta 'igwae, ‘'Abo'agu Yaubada natuna.’ 'Enega 'eguma Yaubada nuwanuwana tauna 'ida 'etoseye, aga?”

Madiu 27:54

Ta tolosaiyao nidi ma idi toanugana ma'etamo Yesu si'ita'ita'i'isi, ga mwani'ini'i be yage maibo'ana siapwesaya si'itedi, ga simatauta sinabwana, ta sigwae, “Ona'ai'aila, tai gete Yaubada natuna.”

Luke 1:35

Ta anilose nina 'igwae, “Yaluyaluwa Tabuna 'iabe 'emuya 'imwa'utama be Yaubada 'ida giewaiwaiyeyo be natuyo 'uenatune gwama 'esasena, tauna 'iabe sieese Yaubada Natuna.

Yoni 10:35

Ta tamwalatonina 'aene Buki Tabu 'ina simana maibo'ana nigeya kabo, ta Buki Tabu nadigega 'ina simana be 'aene taudi Yaubada 'ina ona 'i'ebwa'ediya 'ieesedi yaubadao.

Yoni 17:18

“Nadigega tuga 'oyo 'uetuneguma me bale'u 'ediya 'abo'agu wate nadigega yaetunedi me bale'u 'ediya.

Yoni 17:21

Yasida 'emuya be 'aene maibo'adi sida e'ebweu 'edaya, nadigega 'oyo be 'abo'agu 'ebweuna tuga, be 'enega me bale'u sida emisegu 'aene 'oyo 'uetuneguma.

Yoni 17:8

Manuna ona nina 'u'ebwa'eguya ni'atu yae'itedi ta 'atediya sisa'una, 'enega simwalatoi 'ai'ailiguya 'aene 'oyo 'emuyega yamai, ta wate siemiseguya 'aene 'oyo 'uetuneguma.

Yoni 19:7

Ta me Yudia nidi siona limana, sigwae, “'Ima loina nadigega be 'ida mwawasa, manuna 'ikabo 'aene tauna Yaubada natuna.”

Yoni 20:28

'Enega Tomasi 'igwae, “'Oyo 'igu 'Inapwana ta 'igu Yaubada.”

Yoni 20:31

ta tuwa tuga pu'epu'edimo ya'etoladidi be wada sawadi be wada mwalatoni be wate Yesu wada emise 'aene tauna To'etoseyana nina, Yaubada natuna, be 'enega Yesu 'ana esanega yawasimi ataya wada 'ewa.

Yoni 3:17

Ta Yaubada Natuna bale'uya 'ietunenama, nigeya 'aene tomiya bale'u 'ida bwa'omatadi, ta esi sabi 'etoseyedi.

Yoni 3:34

Tai nina tauna Yaubada 'ietunenama, tauna Yaubada 'ina ona 'isimasimane, manuna Yaubada Yaluyaluwanega 'iloemaa 'ai'ailina.

Yoni 5:30

“'Abo'agu nigeya sawesaweguya be taugumo guinuwa yaguinuwedi, manuna 'igu loina Yaubada tauna 'ie'itegu, 'enega 'igu loina palupaluna, manuna 'abo'agu nigeya yatootoo be 'igu nuwena taugu yaguinuwei, ta esi to'ase nadigega tauna 'ietuneguma 'ina nuwena yaguinuwei.

Yoni 6:27

'Omi geya'abo masula gumwagumwalina manuna waguiguinuwa ta esi masula tauna yawasimi ataya manuna. 'Abo'agu Tomota Natuna be masula gete yada 'ebwa'emi, manuna Yaubada Tamagu tauna 'iesinuweguya 'ina guinuwa gete manuna.”

Yoni 6:38

Manuna 'abo'agu galewega yamai nigeya 'igu nuwena taugu sabi guinuwena, ta esi tauna 'ietuneguma 'ina nuwena.

Yoni 6:57

“Tamagu tauna miyamiya atayana 'ietuneguma ga tauna tuta yauyauna 'enega yawasigu ya'ewa'ewa. 'Abo'agu wate nadigega 'eguma yaita 'i'enigu, tauna wate yawasina 'eguyega 'ida 'ewa'ewa.

Yoni 6:69

Ta 'abo'ama ni'atu 'aemisemu, ga 'amwalatonimu 'aene 'oyo tuga To'etoseyana niyo Yaubada 'enega.”

Yoni 8:42

'Enega Yesu 'ediya 'igwae, “'Eguma Yaubada tauna tama 'ai'ailimi wada obobomegu, manuna 'abo'agu Yaubada 'ietuneguma, ga sena gete 'ena yamai. 'Abo'agu nigeya taugu 'igu nuwenuwega yameemai, ta esi tauna 'ietuneguma 'ina nuwanuwa 'enega.

Loma 1:4

ta muliyega Yaluyaluwa Tabuna 'ina waiwaiyega Yaubada 'ida 'Inapwana nina mwawasega 'igietoolo limena, ga 'ie'ita apwesena 'aene Yesu Yaubada Natuna.

Loma 8:3

Li'ama gete Mosese 'ina loina nigeya sawesawenaya, manuna bubuna tomota nenetana, ta esi Yaubada 'iguinuwena, manuna natu 'ai'ailina 'itagwalena ga 'imai bale'uya ga 'abo'ada toto'umalida bwalada 'i'otena, ga 'ida to'umalina manuna 'italiya ga to'umalina nina 'iewaiwai sinena,

Loma 9:5

gimi 'inapwanao 'ediya, taudi nadigega Ebelaamo be, Aisake be, Yekobe be, ga muliyega 'idi boda nina 'enega Keliso 'iapwesa. Be yage gete manudi Yaubada tauna Toloetana sana tada tupuna tuta maibo'ana 'ediya. Eimeni.

Galetia 4:4

ta muliyega Yaubada natuna 'ina tuta bobo'ana 'ilobena, ga natuna 'ietunenama, ta sinana 'ienatunena, ga 'ietomotai 'emaya, nate 'abo'ama Mosese 'ina loinao siyoniyonima, be 'ediyega 'ida 'etoseyema, ta 'omi wate 'ida 'etoseyemi, be Yaubada maibo'ada ida 'awanatuneda.