Yoni 10:32 - Loina Tabu Auwauna NT

³² Ta Yesu 'i'itedi ga 'ediya 'igwae, “Guinuwa yaudi ta bobo'adi Tamagu 'enega ni'atu yaguinuwedi 'emiya, ta to guinuwa sana manuna wanuwanuwa 'aene to'umalina, ga 'enega 'aene gulewega wada loemwawasigu?”

Yoni 10:32 Σταυροειδείς Αναφορές

Madiu 11:5

tomata kebokebo matadi ni'atu si'esasediya, tolopegoi ni'atu sibobo'ana ga sitautauya, tolepelo bwaladi sibobo'ana limana, totenatui ni'atu ona sinoono, tomwawasa sitoolo limana, ta wate togomabeso tetela bobo'ana ni'atu sinonona.

Yoni 10:25

Ga Yesu 'ediya 'igwae, “Ni'atu 'emiya yasimana ta esi nigeya waemiemisegu. Ta wate guinuwa nidi Tamagu 'ana esanega yaguinuwediya 'ediyega ni'atu sie'itaegu,

Yoni 10:31

'Enega me Yudia nidi wate gulewa si'ewedi ga 'aene Yesu sida loemwawasi.

Yoni 10:33

'Enega me Yudia nidi Yesu 'ina ona sie'isena, sigwae, “Nigeya 'aene 'imu guinuwa bobo'ana manudi 'aunuyo, ta esi 'imu ona oopa'ala manuna. Manuna 'oyo tai tuga ta 'uona 'aene 'oyo Yaubada.”

Yoni 10:37

“'Enega 'eguma wanuwena 'aene 'abo'agu Tamagu 'ina guinuwa nigeya yaguiguinuwei, geya'abo waemiemisegu.

Yoni 5:36

“Yoni 'ina simana manugu nigeya yage sinabwana, ta esi 'ebweu yage sinabwana 'imiyami, nate 'ebe'ita getedi Tamagu 'enega yaguiguinuwedi. 'Eguma guinuwa nidi manudi wanuwa edaedadama wada nuwasabwaleni 'aene Tamagu tauna 'ietuneguma.

Guinuwa 10:38

Tetela nina 'aene Yaubada Yesu goma Nasaleta 'igiewaiwaiyena Yaluyaluwa Tabuna 'enega, ga 'isakosakowasi ga tomota 'ilemelemedi, ta 'abo yaisigedi Seitani be yaluyaluwa to'umalidi sigiele'oasidiya, Yesu 'igiebobo'anedi, manuna Yaubada 'ina waiwai 'enaya 'imiyami.

Guinuwa 2:22

Pita wate 'ieonedi, 'igwae, “Me Isileli 'omi ona gete wada nono, Yesu tauna goma Nasaleta manuna. Yesu nina matamiya Yaubada 'ie'itaena 'aene tauna 'ina toguinuwa nina, manuna Yesu 'ina guinuwa waiwaidi ta 'ebe nuwaowana, Yaubada 'ina waiwaiyega 'iguinuwedi, ta wamwalamwalatonidi manuna gamwagamwanimiya 'iguinuwedi.

1 Yoni 3:12

Ta geya'abo Keni nadigega, manuna Keni nina Seitani 'ina boda, ga tasina 'iununa. Ta 'ina loemwamasa 'alena tuga e'ipi'ipi, manuna tasina 'ina guinuwa bobo'ana ta Keni nina 'ina guinuwa to'umalina.