Yoni 10:12 - Loina Tabu Auwauna NT

¹² Ta 'abo yaita nigeya tonisipi, ta maisa manuna 'ieto'ita'i'ita, be 'abo kedewa bosasa 'i'ita 'imeema, sipi nidi 'ipilisinedi ta 'idedena. Ta kedewa nina sipi 'aidi 'iloemwawasidi, be matautega sipi maibo'adi si'elelewana.

Yoni 10:12 Σταυροειδείς Αναφορές

Madiu 10:16

“Wanuwa'i'isi 'aene 'abo'agu yaetuetunemi 'omi nadigega sipi panapanaisimi watautauya kedewa bosasa gamwagamwanidiya, 'enega 'ilobwenemi be wada nuwasinapu mwata 'atuwa, ta esi wada bubuna nuwana bunebune 'atuwa.

Madiu 7:15

Tosimana kabokabodi 'ediyega wa'ita'i'isimi. Manuna 'aidi ma'etamo 'emiya simamai, 'adi 'ita 'atuwa sipi panapanaisidi, ta soladiya esiya 'atuwa kedewa bosasa.

Yoni 10:13

Tai nina 'ina dena 'alena tuga maisa manuna 'ipaipaisewa, ta sipi nidi mali tai 'ina sipiyao, 'enega nigeya manudi 'inuwanuwa.

Yoni 10:2

Ta 'eguma yaita sipi 'idi 'awa 'enega 'ilulugu, tauna sipi 'adi to'ita'i'ita 'ai'aila,

Yoni 10:3

manuna 'idi 'awa nina 'ana to'ita'i'ita 'awa 'igigegena be to'ita'i'ita sipi nina 'ilulugu be 'ina sipiyao 'adi esanega 'ibwauyedi, ta 'enana sinono be 'enega simuliye ta siapwesa 'atamanaya.

Guinuwa 20:29

“Yamwalamwalatoni wate 'iabe 'igu tauya mulinaya toe'ita to'umalidi, 'atuwa kedewa bosasa, simamai be 'imi sipiyao sida gieto'umaliyedi.

1 Timoti 3:3

ta geya'abo bwasi waiwai 'inumanuma kabaleya, be wate geya'abo 'igamwagamwasowala, ta esi 'ina bubuna ma'anuwaena, ta nigeya 'ida egewagewana, ta geya'abo esaesa 'ena 'ina yala 'isa'usa'u.

1 Timoti 3:8

Dikoniyao wate 'ilobwenedi be sibubuna bobo'ana ma idi nuwanuwa palupaluna, ta geya'abo bwasi waiwai sinumanuma diidiga, be geya'abo esaesa 'ena 'idi yala sisa'usa'u,

2 Timoti 4:10

Dimasa ni'atu 'iebesinegu, manuna bubuna bale'u nuwana 'i'ewena ga ni'atu 'itauya Tesalonaika. Kelesenisi wate ni'atu 'itauya Galetia, ta Taito ni'atu 'itauya Dalimetia. Taudi 'agu tolemao nidi maibo'adi ni'atu sipilisinegu.

Taito 1:7

Manuna toanuganao Yaubada manuna siguiguinuwa, 'enega 'ilobwenedi be sida bubuna bobo'ana, ta geya'abo sioopa'ala nai sigamwagamwasowala, nai bwasi waiwaina sinumanuma kabaleya, nai tomota 'adi tounuwa, nai esaesa 'ana toyalao.

1 Pita 5:2

'Enega wate yada emataluwemi 'aene 'imi bodao nidi wada 'ita'i'isidi, taudi nate Yaubada 'ina tomotaiyao. Ta wada 'ita'i'isidi 'imi 'atetagwalega tuga nadigega Yaubada 'ina nuwena, ta geya'abo ma imi logwautoyasa. Ta 'imi guinuwa wada guinuwedi, nigeya maisa manuna, ta esi tagwalega wada guinuwa.

2 Pita 2:3

Ta toto'umalina nidi gwegwe 'ana toyala diidigao, 'enega 'idi ona dibidibiyega ma'etamo sikaboemi be 'imi gwegwe si'ewadi. Lowaenei 'adi e'isa Yaubada 'isa'una ga 'iyamwayamwa, ta nigeya 'ida sa'ugelasa.