Yoni 10:1 - Loina Tabu Auwauna NT

¹ Ta Yesu wate 'ediya 'igwae, “Yaona 'ai'aila 'emiya, 'abo yaita sipi 'adi 'ali 'awanega nigeya 'ilugulugu ta mali senega 'imwela taona, tauna tuga to'ipwala.

Yoni 10:1 Σταυροειδείς Αναφορές

Madiu 7:15

Tosimana kabokabodi 'ediyega wa'ita'i'isimi. Manuna 'aidi ma'etamo 'emiya simamai, 'adi 'ita 'atuwa sipi panapanaisidi, ta soladiya esiya 'atuwa kedewa bosasa.

Yoni 10:7

Ta Yesu 'ediya 'ionalimana, 'igwae, “Yaona 'ai'aila 'emiya, 'abo'agu sipi 'idi 'awa nina.

Yoni 3:3

Ta Yesu 'ilolagata ga 'ieonena, “Yaona 'ai'aila 'emuya, 'eguma nigeya 'utubutubuwa limana, geya'abo Yaubada 'ina 'ebeloina 'u'ita'ita.”

Loma 10:15

Ta 'abo 'Inapwana tologuguyao 'ietunedi, be sitatauya 'ediya, 'iabe Yesu tetelina sinono, be siemise, be 'enega 'abo 'ana esanega sisidasida, 'ida 'etoseyedi. Manuna ni'atu Buki Tabu 'ena nadigega 'isimana'esa, 'igwae, “Tologuguya nidi taudi tetela bobo'ana sime'ena 'edaya, manudi tada gwausowala.”

Loma 16:18

'Abo yaisigedi taudi 'idi guinuwa gete nadigega, taudi nigeya 'ida 'Inapwana Keliso manuna sida guinuwa, ta esi taudimo 'idi nuwanuwao tuga siguiguinuwedi, manuna 'idi ona dibidibi 'ediyega tomota taudi nigeya pa'alidi sikabokaboedi, ta silisilisi iledi.

Taito 1:11

'Enega 'idi ona kabokabo manuna 'u'etobodedi, manuna mali susu be mali susu sigiegie kwanidi, ta 'idi e'ita kabokabo nidi 'enega nuwanuwadi mani siloba.

Ibeliu 5:4

Nigeya sawesawenaya be 'ebweu yaita tauna 'ina nuwenuwega 'ietotaliya, ta Yaubada esi 'ina esinuwega, nadigega lowa Yaubada Eloni 'iesinuwena ga 'ietotaliya.

1 Pita 1:10

Gete 'etoseyana nina lowa palopitao sienaidena ta si'ebesena, ga 'etoseyana nina 'edaya siona upaupaena be 'aene Yaubada 'ida 'ebwa'eda.

2 Pita 2:1

Ta esi lowaenei 'aina palopita kabokabodi tomota gamwagamwanidiya siapwesa. Nadigega wate gete tuga toe'ita kabokaboyao gamwagamwanimiya siapweapwesa, ta 'idi e'ita kabokabo 'enega tomota sigie to'umaliyedi 'idi e'ita to'umalina 'enega. 'Inapwana nina tauna 'iyotulidaya, ta taudi sieyaseyaseye, 'enega e'isa to'umalina 'iabe siloba.

2 Pita 2:3

Ta toto'umalina nidi gwegwe 'ana toyala diidigao, 'enega 'idi ona dibidibiyega ma'etamo sikaboemi be 'imi gwegwe si'ewadi. Lowaenei 'adi e'isa Yaubada 'isa'una ga 'iyamwayamwa, ta nigeya 'ida sa'ugelasa.

1 Yoni 4:1

Gosegwao, geya'abo yaluyaluwa maibo'adi waemiemisedi, ta esi watoodi, bobo'adi nai to'umalidi. 'Eguma taudi bobo'adi, tamwalatonidi 'aene Yaubada 'enega simai, ta taudi to'umalidi mali senega simai, manuna gete tuga palopita kabokaboyao siapweapwesama mayaluyaluwadi nigeya Yaubada 'enega.