Yoni 1:27 - Loina Tabu Auwauna NT

²⁷ tauna muliguyega 'imeema, ta 'abo'agu nigeya 'ilobwelobwenegu be 'ana 'aelawa yada li'ami, manuna tauna toesaesa sana.”

Yoni 1:27 Σταυροειδείς Αναφορές

Madiu 3:11

“'Eguma wanuwa'ebuni 'abo'agu bwasiyega yada giebapitaisoemi, ta sa'i ma'etamo 'ebweu tai muliguyega 'imeemai, tauna 'isinabwa sinegu, ta nigeya 'ilobwelobwenegu be manuna 'ana 'aelawa ya'aali. Ta tai nina 'iabe 'imama be Yaluyaluwa Tabuna, nadigega 'awesabelulu, 'enega 'ida giebapitaisoemi.

Maki 1:7

Ta Yoni 'iguguya ga 'igwae, “Tauna muliguyega 'imeemai 'isinabwa sinegu, 'enega nigeya 'ilobwelobwenegu be 'aenaya yabwagobwago be 'ana 'aelawa yali'ami.

Luke 3:16

'Enega Yoni 'iona apwesa 'ediya, 'igwae, “'Abo'agu bwasiyega tuga yagie bapitaisoemi, ta esi 'ebweu tai muliguyega 'imeemai be Yaluyaluwa Tabuna nadigega 'awe sabelulu 'enega 'igie bapitaisoemi. Tauna 'isinabwa sinegu, 'enega nigeya 'ilobwelobwenegu be 'ana 'aelawa yali'ami.

Yoni 1:15

'Enega Yoni 'isimanena ga 'ibwau, 'enana sinabwana 'enega 'igwae, “Tauna gete tai nina manuna yaonaona tuta nina yasimanena 'aene 'ebweu muliguyega 'imamai be 'ida nuganegu, manuna muliyega be yamamai ta tauna ni'atu 'imiyami.”

Yoni 1:30

Lowa gete tai nina manuna yaonaona, tuta nina yaeonemi 'aene tai 'ebweuna muliguyega 'imamai be 'ida nuganegu, manuna muliyega be yamamai ta tauna ni'atu 'imiyami.

Yoni 10:41

ga gote 'ena tomota yaudi 'enaya simai ga taudimo 'ediya sigwae, “Yoni nigeya 'ebweu guinuwa waiwaina 'iguiguinuwedi, ta esi Yoni 'ina simana tai gete manuna 'ai'ailina 'iapwesama.”

Guinuwa 13:25

ta Yoni 'ina guinuwa 'ana 'ebe losalowa 'ena 'igwae, ‘'Omi wanuwena 'aene 'abo'agu yaita? 'Abo'agu nigeya To'etoseyana nina. Ta tauna muliguyega 'imeemai, Toloetana sana, 'enega 'abo'agu nigeya 'ilobwelobwenegu be 'ana 'aelawa yali'amidi.’

Guinuwa 19:4

Ta Paulo 'ieonedi, “Yoni 'ina giebapitaiso nate nuwa'ebuni bubuna to'umalina 'enega manuna, ta 'iemataluwemi be 'aene wada emise tauna 'etamo mulinega 'imeemai, nate Yesu.”