Yemesa 5:5 - Loina Tabu Auwauna NT

⁵ Ta 'imi miya bale'uya bobo'ana wawasae, manuna tuta yauyauna ma imi gwausowala, 'enega ma 'ami tubuwa bobo'ana loemwawsa 'ilobwenemi, nadigega tuga sagali bawedi.

Yemesa 5:5 Σταυροειδείς Αναφορές

Luke 16:19

Ta Yesu wate 'ieonedi, 'igwae, “'Ebweu tuta 'ena toesaesa 'ebweuna ta Lasalo simiyami. Toesaesa nina 'ana 'oamao bobo'ai'ailidi ta wate 'ana masulao maibo'adi bobo'adi, 'enega 'asiyata 'ebweuna 'ebweuna 'ediya ma ina gwausowala.

Luke 16:25

“Ta Ebelaamo 'ieonena, 'igwae, ‘Natugu, 'uda mwalatoni 'aene lowa yawasiyo maibo'ana gwausowala daisinamo, ta esi Lasalo nigeya 'ebweu 'ebe gwausowala 'ilobaloba. 'Enega gete tuga tauna ma ina gwausowala, ta 'oyo 'u'elo'elouya.

Loma 13:13

'Enega tada 'ita'i'isida be geya'abo bwasi waiwaidi tanumanumadi be taekaekabaleya, be geya'abo taloeloelata, ta wate geya'abo taegewagewana be talosalosaiya.

1 Timoti 5:6

Ta taudi esi gwausowala besobeso manuna sinuwanuwa, taudi bwaladiya mayawasidi, ta yaluyaluwadi ni'atu simwawasa.

2 Timoti 3:4

towasegigi, be to'umalina 'ena siewaiwai, be onalaga 'aledi, be Yaubada geya'abo sioboobobome, ta esi taudimo 'idi gwausowala manuna sinuwanuwa.

2 Pita 2:13

be 'adi e'isa 'idi to'umalina manuna 'ida to'umali 'ai'aila. Nuwanuwadi 'asiyata 'ebweuna 'ebweuna siegwausowala besobeso. Ta 'eguma ma'emiyao wa'e'ai, 'idi bubuna to'umalina 'ediyega sigiebailimi.

Yude 1:12

'Eguma tapwalolo 'enaya oboboma masulina waguiguinuwe, ta 'abo toto'umalina nidi siluguwa 'e'ai nina sigieto'umaliye, manuna si'e'ai diidiga ta nigeya sida omayamaya. Nuwanuwadi taudimo sida gwausowala, 'adi 'ita 'atuwa pwana 'ikwaunaya ta nigeya 'usana, nai 'adi 'ita 'atuwa kaiwe 'ina tuta uwa ta nigeya uwanamo, 'enega sitalayaule be 'imwawasa 'ai'aila.

E'ita'ita 18:7

Ta wate 'ina ona gagasa be 'ina sogala 'adi e'isa 'uda 'ebwa'e, uya be dedoi, manuna taunamo 'ena 'igwae, ‘'Abo'agu kuwini, nigeya wate kwabula 'ina sena 'ena yamiyami, ta wate geya'abo dedoi yalobaloba.’