Yemesa 5:3 - Loina Tabu Auwauna NT

³ Ta wate 'imi maniyao waegagaledi 'emiya ta ni'atu simiya kadekadeli, be mani kadekadelidi getedi sida simanemi 'aene mani sinabwa wawasae waegagalena, ta mani nidi getedi tuta 'ebe losalowa 'enaya 'ida 'alasimi, 'atuwa kaiwe.

Yemesa 5:3 Σταυροειδείς Αναφορές

Guinuwa 2:17

‘Yaubada 'ina simana gete nadigega 'igwae, “Ma'etamo tuta 'ana 'ebe losalowa 'enaya, yaluyaluwagu yada 'etosiwa tomota maibo'adi 'ediya, be natumiyao me'olotodi nai mewainedi sida loguguya, be 'imi tubuwauyao sida 'enomata'ita'ita, ta 'imi 'inapwanao sida madawala.

Loma 2:5

Ta 'omi wadeba pa'ala wawasae, 'enega 'abo tuta nina Yaubada 'ina loina palupaluna 'igieapwese, 'ida loina 'ai'ailimi,

2 Timoti 2:17

ta ona besobeso nidi to'umalina sinabwana 'ina 'ebe apwesa. Toona besobeso nidi 'eluwa 'adi esanao Aimenio be Pileto,

2 Pita 3:3

Ta 'ebweu yage wada gimimwalatoni 'aene tuta 'ana 'ebe losalowa 'enaya 'aina totuyeya sida apwesa, be 'Inapwana 'ina 'eda manuna sida onaona besobeso, ta situyetuyeya, be taudi 'idi nuwanuwa to'umalidi simuliyedi,

E'ita'ita 17:16

Ta kuna sanau be yobai nina 'u'itedi taudi ma'etamo tosogala sietalauwale, be 'ina gwegweyao maibo'adi si'ewadi be kakaena 'ida miyami, be wate esiyona si'a'ani, ta lulunao kaiweyega sigabu.

E'ita'ita 20:15

Ta 'abo yaisigedi nigeya 'adi esanao 'ilobaloba yawasida bukina 'enaya 'iuledi yaiyai nina sinabwana 'enaya.

E'ita'ita 21:8

Ta esi taudi 'ate nenetadi be taudi nigeya siemiemisa be tosogalao be toloemwawasao be toloyaweyao be Taumudumudulele magosenao be gulewa 'adi toemisao, be toekabokaboyao, taudi getedi 'idi sena yaiyai sinabwana, nate mwawasa 'eluwena.”