Yemesa 3:9 - Loina Tabu Auwauna NT

⁹ Ona'ai'aila, 'awadega Tamada Yaubada tatuputupu ta wate 'awadega gosedao ta'awa to'umaliyedi, taudi Yaubada 'imweluluidi tauna 'ana 'ita nadigega.

Yemesa 3:9 Σταυροειδείς Αναφορές

Madiu 26:74

'Enega Pita 'isawa tamatamana ta ona to'umalina 'enega 'ibwautu'e, 'igwae, “Tamada! Tai nate nigeya yamwalamwalatoni.” Ta tuta gote 'ena kakaleko 'igwane.

Madiu 5:44

Ta 'abo'agu yaloinemi 'ami talauwalao waobobomedi, be taudi sigie 'elouyaemi manudi wasisida be Yaubada 'ida lemedi.

Guinuwa 2:26

'Enega yagwausowala sinabwana ta yatuputupuna, be yanuwayaina 'aene geya'abo bwalagu 'ito'uto'umali.

Loma 3:14

“Ta onaupaupa to'umalidi 'awadiyega tuta yauyauna siapweapwesa.”

1 Kolinita 11:7

Tapwalolo solanaya tai nigeya sawesawenaya be debana 'i'aubwasa, manuna tai 'ana 'ita Yaubada nadigega, ta wate 'ana tupu Yaubada 'ana tupu nadigega, ta waine 'ana tupu tai 'ana tupu nadigega.

Epeso 1:3

Gosegwao tada lokagutoki Yaubada 'enaya, tauna 'ida 'Inapwana Yesu Keliso Tamana, ga Keliso 'enega yaluyaluwada 'iobobomedi esaesa galewa maibo'adi 'ediyega.

Yemesa 1:27

Ta esi tapwalolo 'esasena be palupaluna Yaubada Tamada matanaya gete, 'aene taudi sinasinagenidi be kwabulao 'idi miyamwau 'enaya tada lemedi, ta wate geya'abo bubuna bale'u 'enega tagiegie bailida.

Yemesa 3:10

'Enega tasigwao, 'aene yage getedi nate 'awa 'ebweuna 'enega ona bobo'adi be to'umalidi siapweapwesama, nigeya 'ana 'ita bobo'ana.

1 Pita 1:3

Yaubada tada tupu, tauna 'ida 'Inapwana Yesu Keliso tamana, manuna 'i'atenuwa 'ole'oleyeda sinabwana, ga tubuwa auwauna 'i'ebwa'eda Yesu Keliso 'ina toololimana mwawasega 'enega. Gete manuna tuta yauna tanuwayaina 'aene 'ina obobomao galewaya ma'etamo talobadi.