Yemesa 3:14 - Loina Tabu Auwauna NT

¹⁴ Ta 'eguma wae'ipi'ipi be wagamwasowala mali tomota 'ediya, ta wate taumi 'imi nuwanuwao 'igiegagasimi be e'ita palupaluna wagiegie to'umaliye,

Yemesa 3:14 Σταυροειδείς Αναφορές

Madiu 27:18

Manuna Pailato 'imwalatonina 'aene e'ipi'ipiyega Yesu siwasegigiyena sabi loemwawasina.

Yoni 16:2

Manuna ma'etamo anuwa tapwaloloega sipa'imi, ta wate ma'etamo tuta 'imeemai be 'abo yaita 'ida loemwawasimi, tauna 'inuwanuwa 'aene gete Yaubada 'ina 'ebe gwausowala.

Guinuwa 13:45

Ta sa'i me Yudia, boda sinabwana si'itena, 'enega sie'ipi'ipi, ga Paulo 'ina loguguya 'ena sionaila, ta si'awa to'umaliyena.

Guinuwa 26:9

“Ona'ai'aila, 'abo'agu lowa 'igu nuwena 'aene yage yauna yada toodi, be Yesu goma Nasaleta 'ana esana yada gielosa'uye.

Guinuwa 5:17

Ta totaliyao 'idi 'inapwana sinabwana be Sadusiyao 'idi boda ma'enao sigamwasowala ta sie'ipi'ipiyedi,

Guinuwa 7:9

“Ta 'ebweuna 'ediyega 'ana esana Yosepa, ta tasinao site ilebeni taudi sie'ipi'ipiyena ga sigimwaneyena 'aina tomota 'ediya, ga Yosepa nina sitauyena Itipita 'enaya,

Loma 1:29

'Enega bubuna to'umalina maibo'ana 'iloemaedi, nadigega tomatagwegwe be, tobubuna geyogeyoi be, nadigega taudi e'ipi'ipi 'aledi be, loemwawasa 'aledi be, toegewagewana be, toekabokabo be, taudi toe'idi'idi be, taudi tolomugiyao be,

Loma 13:13

'Enega tada 'ita'i'isida be geya'abo bwasi waiwaidi tanumanumadi be taekaekabaleya, be geya'abo taloeloelata, ta wate geya'abo taegewagewana be talosalosaiya.

Loma 2:17

Ta 'omi? Taumi watupumi ga wagwae, “'Abo'ama me Yudia, Yaubada 'ina loina 'i'ebwa'ema Mosese 'enega.”

Loma 2:8

Ta sa'i, 'aidi tomota egewagewana 'aledi be 'eda bobo'ana siguitoyase, ta 'eda to'umalina simulimuliye, 'enega Yaubada 'ida gamwasowaledi be 'ida loinedi.

1 Kolinita 13:4

Ona'ai'aila, oboboma yage sinabwana, manuna 'eguma oboboma 'atedaya 'imiyami, sawesawedaya be tae'alama'i'itana be tomota ta'atenuwa 'ole'oleyedi, ta geya'abo tae'ipi'ipiyedi. Ta geya'abo wate tanuwanuwatu'e nai tagagasa,

1 Kolinita 3:3

Ona'ai'aila, 'imi bubuna ma'etamo tuga me bale'u nadigega, manuna 'etamo waegewagewana be wae'ipi'ipi tuga,

1 Kolinita 5:2

'Enega geya'abo wanuwanuwatu'e, ta esi bubuna gete manuna wada dedoi, be tai nina to'umalina 'imi boda 'enega wada 'ausepale.

1 Kolinita 5:6

Ta geya'abo wanuwanuwatu'e, ta esi wada nuwa'i'isi 'aene 'abo to'umalina gidalina 'emiya 'imiyami, 'iabe maibo'ami 'igieto'umaliyemi.

2 Kolinita 12:20

Ona'ai'aila ya'atesa'ala, ta geya nuwagu yawawai be 'imi bubuna ya'italoba 'aene nigeya bobo'ana, be 'igu wai manuna wada nuwamwau, 'abo taumimo waegewagewana be wae'ipi'ipi ta wagamwasowala, nai walogwegwe diidiga, ta gosemiyao wa'awa to'umaliyedi, be wanuwatu'e, nai waguinuwa besobeso.

Galetia 5:15

'Eguma loina gete wapilisine be taumimo 'emiya waetalauwala, ma'etamo 'ami boda waloesawali.

Galetia 5:20

nabwasuwa, balau, egewagewana, etalauwala, e'ipi'ipi, gamwasowala, debaose, weyala, sinala, e'idi'idi,

Galetia 5:21

be wate 'ebe gwausowala to'umalina bwasi waiwai 'ana numa 'enega, ta 'aina wate bubuna to'umalidi. Bubuna getedi manudi lowa yaemataluwemi, ta batuwa yaemataluwa limami 'aene 'adi toguinuwao geya'abo Yaubada 'ina 'ebeloina 'ena silugulugu.

Galetia 5:26

Ta geya'abo tanuwanuwa tu'e, nai gosedao tae'oata'oatadi, nai tae'ipi'ipiyedi.

Galetia 6:13

Ta wada nuwa'i'isi 'aene lodaba nina 'ana to'ewao 'ilobwenedi be Mosese 'ina loinao maibo'adi sida muliyedi, ta esi nigeya sida muliyedi. Nate namo nuwanuwadi be walodaba, be gete 'idi 'ebe gagasa 'imi lugu 'adi boda solanaya manuna.

Pilipai 1:15

'Aina tologuguyao e'ipi'ipiyega siloguloguguya Keliso manuna, ta 'aidi wate obobomega siloguloguguya,

Pilipai 2:3

Geya'abo wanuwanuwa tu'e nai wae'ipi'ipi, ta esi wanuwa mwa'uta, be gosemiyao 'adi esanao wagilagasidi.

1 Timoti 2:4

manuna Yaubada nina nuwanuwana tomota maibo'adi 'idi to'umalinao 'ediyega 'i'etoseyedi, be nuwadi 'ida sabwalena e'ita 'ai'aila manuna.

1 Timoti 6:4

tauna 'ina nuwatu'e 'enega 'iemwagemwage 'ai'aila, ta egewagewana nuwanuwana. Taudi nadigega e'ipi'ipi 'aledi, be gamwasowala 'aledi, be eliya ta etalauwala 'aledi.

Taito 3:3

Ona'ai'aila, 'abo'ada lowa uwauwada ta loguitoyasa 'aleda, ga yalakwaiya be gwausowala besobeso 'adi nuwa'ewa 'enega 'eda bobo'ana tapilisinena. Ta wate lowa etalauwala be e'ipi'ipi 'aleda, ta mali tomota 'edaya sinuwa to'umali, ga 'abo'ada wate 'ediya tanuwa to'umali.

Yemesa 1:18

Ga 'ina nuwanuwa tauna 'enega, ta wate 'ina ona'ai'aila 'enega, 'igimi mweluluida be 'aene 'abo'ada 'ina mwelumweluluwao maibo'adi tada loetana sinedi.

Yemesa 3:16

Manuna 'abo tomota sie'ipi'ipi be taudimo manudi sinuwanuwa, gote 'ena sikwakwani be bubuna to'umalidi wate 'ediya siapwesa.

Yemesa 5:19

Ta tasigwao, 'abo 'ebweu 'emiyega 'eda bobo'ana 'ipilisine be 'ebweu yaita 'oyo gosemina 'u'au'ewa limenama 'eda bobo'ana 'enaya,