Yemesa 2:23 - Loina Tabu Auwauna NT

²³ 'Enega Buki Tabu 'ina simana nina 'ida apwesa 'ai'aila, 'igwae, “Ebelaamo Yaubada 'iemisena, ta 'ina emisa nina manuna ta Yaubada 'i'awa tai palupaluyena,” ga 'i'awa gosiyanena.

Yemesa 2:23 Σταυροειδείς Αναφορές

Maki 12:10

'Enega Yesu wate onasemalimali Buki Tabu 'enega 'isimanena, 'igwae, “Wanuwa'i'isi Buki Tabu 'ina simana gete nadigega: ‘'Ola nina lowa to'abi anuwa siguitoyasena. Ta gete tugai ni'atu sietoolona be 'ie'ola nugana, be 'ola maibo'adi 'iloinedi.

Maki 15:27

Ta wate to'ipwala 'eluwa sigie kelosedi, 'ebweu Yesu 'atainaya ta 'ebweu gegeuminaya.

Luke 4:21

'Enega 'ieonedi, 'igwae, “Ona gete ni'atu yasawena ga wanonona, lowa sigimi simanena, ta gete tuga ni'atu 'iapwesa saba.”

Guinuwa 1:16

“Tasigwao, lowa Debida 'ina ona Yaluyaluwa Tabuna 'i'ebwa'ena Yudasa manuna, ta Buki Tabu 'ena 'imiyami. Yudasa nina lowa ma'edai taetosimana Yesu manuna, ta sa'i 'ida 'Inapwana 'isipupuyena ga 'i'ebwayaena Yesu 'ana talauwalao nimadiya. Ta 'ebweu wali Buki Tabu solanaya Debida 'ina ona Yudasa manuna, gete nadigega 'igwae, ‘'Ina 'asa 'ida wabolebole, be geya'abo 'ebweu yaita tomota 'enaya 'ida miyami.’ Ta wate 'igwae, ‘'Ana lopa'elu tauna 'ina paisewa 'ida 'ewa.’ 'Enega 'ilobwenena be ona gete 'ana mwalatoi 'ai'aila 'ida apwesa.” Pita 'ina ona gete nadigega manuna Yudasa ni'atu 'imwawasa. Tauna lowa 'ina guinuwa to'umalina 'ana maisa 'enega bwa'a 'iegimwanena, ga bwa'a nina solanaya 'ibe'u sanamwa'uta, ga gamwana 'ilosabuyena, ta diyana maibo'ana 'iapwesa, ga tetelina me Yelusalema maibo'adi sinononaya, ga 'enadiyega bwa'a nina sieesena “Akelidama,” ta 'ana mwalatoi “Bwa'a lala.”

Loma 11:2

'Enega yamwalatonina 'aene 'abo'ama Yaubada 'ina tomotaiyao nima 'igimi esinuwema be 'ina bodao, 'enega geya'abo 'ie'idi'idiyema. Lowaenei Ilaitiya me Isileli 'ilomugiyedi Yaubada 'ena, ta 'ina ona nina Buki Tabu 'ena 'igwae,

Loma 9:17

Ta gete wate 'ebweu 'ebe'ita Pelo 'enega, manuna lowa Yaubada 'ina ona Pelo nina manuna, 'igwae, “Ni'atu 'ebeloina ya'ebwa'emu be 'aene 'uda losaiyegu be 'enega 'igu waiwai 'uda 'ita, be gote 'enega 'agu esana 'ida sinabwa bale'u maibo'ana 'ena.”

Galetia 3:22

Ta esi Buki Tabu maibo'ada 'i'awa to'umaliyeda, 'enega Yesu Keliso 'ana toemisao dimo Yaubada 'ina onaupaupa siloba.

Galetia 3:6

Wanuwa'i'isi Ebelaamo 'aene tauna Yaubada 'iemisena, 'enega Yaubada 'i'awa palupaluyena,

2 Timoti 3:16

Ona'ai'aila, Buki Tabu 'ina onao maibo'adi Yaubada Yaluyaluwana 'enega simai, be ona nidi 'ediyega 'ada e'ita be 'ada guguya be 'ada giepaepalu be 'ida waiwai talobalobadi,

Yemesa 2:24

'Enega 'uda mwalatoni 'aene ni'atu Yaubada 'i'awa palupaluyeda 'ida guinuwega, ta nigeya 'ida emisa namo 'enega.

1 Pita 2:6

Nadigega wate Buki Tabu 'ena 'igwae, “Wa'ita 'ola gete bobo'ana ta esiesinuwana yasa'usa'u nugane anuwa 'ana 'abi, 'asa Sayoni 'enaya, manuna. 'Enega 'abo yaisigedi taudi siemisena, geya'abo siomayamaya.”