Yemesa 2:21 - Loina Tabu Auwauna NT

²¹ 'Ebe'ita gete 'ebweuna: tubudai Ebelaamo 'ina guinuwa 'enega Yaubada 'i'awa bobo'anena. 'Ina guinuwa nina nate natuna Aisake 'itagwalena be 'aene 'ida taliyae Yaubada 'enaya.

Yemesa 2:21 Σταυροειδείς Αναφορές

Madiu 12:37

'Imu onao tuga 'ediyega Yaubada 'ida 'awa bobo'aneyo nai 'ida 'awa to'umaliyeyo.”

Madiu 3:9

Ta geya'abo wanuwanuwa laga manuna 'aene 'omi Ebelaamo tubunao, 'enega Yaubada 'ida 'atenuwa 'ole'oleyemi. Nigeya sa'i! Ta wa'ita Yaubada sawesawenaya be gulewa getedi 'ediyega Ebelaamo tubunao 'imweluluidi.

Luke 1:73

Onaupaupa gete tubuda Ebelaamo manuna Yaubada 'enega

Luke 16:24

'Enega 'ibwautoila ga 'igwae, ‘Tamagu ye! 'Uda 'atenuwa 'ole'oleyegu be Lasalo 'uda etunenama be bwasi gonitu nimanega meyagu 'ida giegonitu, manuna gete tuga ya'elo'elouya sinabwana kaiwe sabelulu 'enaya.’

Luke 16:30

Ta esi toesaesa nina 'iona, ‘Tamagu, natei nigeya sawesawenaya. Ta 'abo yaita mwawasega 'itoolo limana be 'itatauya 'ediya, be tauna si'itai, 'enega sida nuwa'ebuni 'ai'aila.’

Yoni 8:39

'Enega taudi Yesu 'ina ona sie'isena, sigwae, “Ta 'abo'ama tamamai Ebelaamo.” Ta wate Yesu 'ieonedi, “'Eguma 'omi Ebelaamo natu 'ai'ailinao 'ina guinuwega wada guinuwa.

Yoni 8:53

To tai sana 'oyo? Tamamai Ebelaamo ni'atu 'imwawasa, 'enega geya'abo 'utootoo be 'aene 'usinabwasine. Wate palopitao ni'atu simwawasa, ta 'oyo 'unuwena 'aene 'usinabwa sinedi, aga?”

Guinuwa 7:2

Ta Sitibeni 'igwae, “Tasigwao be tamagwao, 'igu ona gete wada nono. Yaubada Toloetana sana lowaenei tubudai Ebelaamo 'ena 'iapwesa, tuta nina Mesopotemia 'ena 'imiyami, ta 'etamo nigeya 'i'asa'asa Elana 'enaya,

Loma 3:20

Yaubada 'ina 'awapalupalu nigeya Mosese 'ina loinao 'adi ematamatana 'enega tada lobena, manuna loina 'ina guinuwa nate 'ida to'umalinao 'isimasimana apwesedi.

Loma 4:1

'Enega mwa'adega Ebelaamo manuna tada ona'esa? Ona'ai'aila, Ebelaamo tauna gimitubuda, be tauna tuga nadigega 'abo'ada.

Loma 4:12

Ta 'abo'ada wate Ebelaamo tamadai, 'abo lodaba ta'ewena, be nigeya 'aene lodaba tuga manuna, ta 'ida emisa esiya, nadigega tuga lowa Ebelaamo 'ina emisa 'enega, tuta nina nigeya lodaba 'i'ewa'ewa.

Loma 4:16

Gete 'enega tada mwalatoni 'aene emisa namo 'enega onaupaupa bobo'ana taloba, nate Yaubada 'ina oboboma tuga, ta nigeya 'ida guinuwa 'ana e'isa 'enega. Ta onaupaupa nina Ebelaamo tubunao maibo'ada ni'atu talobena, ta nigeya 'aene loina 'adi toematamatanao dimo, ta esi taudi 'idi emisa nadigega Ebelaamo 'ina emisa leleleya talobaloba, manuna Ebelaamo nina tauna tuga nadigega maibo'ada tamada.

Ibeliu 11:17

Ebelaamo wate ma ina emisa tuta nina 'ebe toona 'ilobena Yaubada 'enega ga 'aene natu 'ai'ailina Aisake 'italiyae Yaubada 'enaya. Lowa Yaubada 'ina onaupaupao 'i'ebwa'edi Ebelaamo nina 'enaya, ta wate 'igwae, “Aisake 'enega 'imu boda 'ida apwesa,” 'enega Ebelaamo natunana 'itagwalena be 'ida loemwawasi,

Yemesa 2:18

Ta 'abo 'aidi tomota sigwae, “'Oyo ma imu emisa ta 'abo'agu ma igu guinuwa.” Ta 'abo'agu 'igu e'isa 'aene, “'Abo 'imu emisa nina nigeya guinuwa ma'iyana, mwa'adega 'ana bobo'ana? Ta 'abo'agu gete 'igu guinuwega 'igu emisa yae'itemi.”

Yemesa 2:24

'Enega 'uda mwalatoni 'aene ni'atu Yaubada 'i'awa palupaluyeda 'ida guinuwega, ta nigeya 'ida emisa namo 'enega.