Yemesa 1:27 - Loina Tabu Auwauna NT

²⁷ Ta esi tapwalolo 'esasena be palupaluna Yaubada Tamada matanaya gete, 'aene taudi sinasinagenidi be kwabulao 'idi miyamwau 'enaya tada lemedi, ta wate geya'abo bubuna bale'u 'enega tagiegie bailida.

Yemesa 1:27 Σταυροειδείς Αναφορές

Madiu 12:32

“'Abo'agu Tomota Natuna be 'eguma yaita 'i'awa to'umaliyegu Yaubada 'iabe ona nina 'ida nuwatau, ta 'abo yaita Yaluyaluwa Tabuna 'i'awa to'umaliyei geya'abo sa'i Yaubada 'inuwanuwatau tuta gete 'enaya be tuta simeemai 'ediya.”

Madiu 5:8

'Omi to'ate'esasa wada gwausowala, manuna ma'etamo Yaubada wa'ita.

Luke 1:6

Ta siteluwa nidi Yaubada matanaya sibubuna palupaluna, manuna Yaubada 'ina loina maibo'ana siematamatana 'ai'ailena.

Loma 12:2

Ta geya'abo bubuna bale'u 'ediya watagwatagwalemi, ta esi oomi maibo'ana wada tagwaledi Yaubada 'enaya, be 'enega Yaubada 'imi nuwanuwao 'ida gieauwaudi, be tauna 'ina nuwena bobo'adi, be gwaugwausowalidi, ta palupaludi wada mwalatonidi.

Loma 2:13

Ta nigeya 'aene loina 'ana nono namo 'enega Yaubada 'ida 'awa palupaluyeda, ta esi 'ina loina 'ana guinuwa 'enega.

Galetia 1:4

Manuna Tamada Yaubada 'ina nuwanuwa gete nadigega, ga Yesu tauna 'itagwalena ga 'imwawasa 'ida loegesiyao manudi, be 'enega tuta gete to'umalina 'ina waiwaiyega 'i'etoseyeda,

Galetia 3:11

Ona'ai'aila, nigeya sawesawenaya be Yaubada tomota 'i'awa palupaluyeda 'abo Mosese 'ina loina namo taematamatanena. Manuna ona 'igwae, “Topalupaludi 'idi emisega yawasi bobo'ana sida loba.”

Galetia 5:6

Ona'ai'aila, Yesu Keliso 'enaya me Yudia 'adi we'iwe'iyaya, nate bwaladi silodaba, nigeya 'igiepaepaluyeda, be wate 'abo lodaba taguitoyase geya'abo 'ada 'awapalupalu talobaloba. Nate namo 'eguma Yesu taemise be taobobome, tauna 'ada togiepalu.

Galetia 6:14

Ta 'abo'agu esi geya'abo yaonaona tu'e. Nate namo 'ida 'Inapwana Yesu Keliso 'ana kelose manuna yada onalaga, manuna Keliso 'ana kelose 'enega bubuna bale'u 'iloemwawasina ga 'ina loina 'eguya 'igumwala, ta wate taudi bubuna bale'u 'ana tomuliyao siguitoyasegu 'atuwa tomwawasa 'abo'agu.

Epeso 2:2

Ona'ai'aila, lowa bubuna bale'u waguiguinuwedi, manuna yaluyaluwa to'umalidi ta waiwaidi 'idi 'inapwana, tauna tomiya mwatui waematamatanena. Tauna yaluyaluwa nina taudi tole'oa loina simulimuliye be 'atediya 'imiyami.

1 Timoti 1:5

Gete 'igu loina be 'enega 'atemi 'esasedi 'ediyega taumimo waeobooboboma 'ai'aila, be wanuwanuwa bobo'ana, be waemisa 'ai'aila Keliso 'ena.

1 Timoti 5:4

Ta 'eguma natudiyao nai tubudiyao simiyamiya, taudi getedi 'ilobwenedi be sida 'ita'i'isidi, be lowa gidalidiya 'adi 'ita'i'ita sida e'isa. Lema nidi getedi nadigega Yaubada 'ina 'ebe gwausowala.

Taito 2:12

ta 'ie'iteda be 'aene bubuna besobeso ta nuwanuwa to'umalidi tada guitoyasedi, ta esi tada miya bubuna bobo'adi ta palupaludi 'ediyega.

Yemesa 3:17

Ta 'abo yaita 'ina sinasinapu galewega 'imai, tauna 'ina bubuna nugana 'esasena, ta wate nuwasiwalowa 'alena, bubuna nuwana 'alena, egosigosiyana 'alena, 'atenuwa'ole'ole 'alena, ta 'aina wate uwanao bobo'adi siapweapwesa, ta nigeya gosenao 'ida e'idi'idiyedi nai 'ida kaboedi.

Yemesa 3:9

Ona'ai'aila, 'awadega Tamada Yaubada tatuputupu ta wate 'awadega gosedao ta'awa to'umaliyedi, taudi Yaubada 'imweluluidi tauna 'ana 'ita nadigega.

Yemesa 4:4

'Omi toemisa kabokaboyao, wada mwalatoni 'aene 'abo bale'u bubunina waoboobobome, nate Yaubada waetalauwale, manuna 'abo yaita bale'u bubunina nuwanuwana, tauna Yaubada 'ana saiya.

2 Pita 1:4

Ta wate 'ina onaupaupa bobo'adi ta waiwaidi 'ediyega bubuna bale'u 'ana yalakwaiyao to'umalidi waebesinedi, ga Yaubada 'ina bubuna bobo'ana walobena.

2 Pita 2:20

Taudi lowa 'ida 'Inapwana ta 'ada To'etoseyana Yesu Keliso tetelina siemisena ga bubuna bale'u sipilisinena, ta 'eguma siila limana bubuna kadekadelidi 'ediya ma'etamo sineeneta, ta 'enega taudi sito'umali 'ai'aila.

2 Pita 3:14

Gosegwao, 'imi yamwana 'ana tutaya watoo waiwai be 'eguma 'imamai, 'ilobami ma imi bubuna palupaluna maibo'ana, ta nuwa siwalowega wamiyami.

1 Yoni 5:18

Ta esi tamwalamwalatoni 'aene 'abo Yaubada 'ienatuneda geya'abo taloeloegesi, manuna tauna Yaubada 'igimi enatunenaya 'i'ita'i'isida, be geya'abo tauna toto'umalina nina 'igitogitooda.