Yemesa 1:26 - Loina Tabu Auwauna NT

²⁶ Ta 'eguma 'ebweu tai 'inuwanuwa gesi be 'aene tauna totapwalolo 'ai'aila, ta nigeya 'ina ona 'i'ita'ita'i'isi, 'ina tapwalolo yage besobeso.

Yemesa 1:26 Σταυροειδείς Αναφορές

Madiu 15:9

ta wate 'eguya sitapwalolo besobeso, manuna 'idi e'itao 'abo'agu nigeya 'eguyega, ta esi tomota tuga 'idi nuwenuwega.’”

Maki 7:7

Ta wate 'eguya sitapwalolo besobeso, manuna 'idi e'itao 'abo'agu nigeya 'eguyega, ta esi tomota tuga 'idi nuwenuwega.’ ”

Luke 8:18

'Enega wanuwa'i'isi be ona waenono 'ai'aila. Manuna 'eguma yaita 'enaya Yaubada 'ina gwegwe 'imiyami 'iabe gwegwe nina 'iloeposeyane. Ta yaita 'enaya nigeya Yaubada 'ina gwegwe 'imiyami, ta taunamo 'inuwena 'aene Yaubada 'ina gwegwe 'ena 'imiyami, 'iabe Yaubada gwegwe nidi 'enega 'i'ewa yauledi.

1 Kolinita 15:15

Ta wate 'abo'ama Yaubada 'ana tosimanao 'akaboemi 'ima onao nidi 'ediyega, manuna 'agwae, “Yaubada Keliso mwawasega 'igietoolo limena,” ta sa'i tomwawasa nidi nigeya sida toolo limana.

1 Kolinita 3:18

Geya'abo yaita 'oyo tauyo 'ukaboeyo 'aene 'oyo 'ebweu tosinasinapu, manuna 'abo bale'u gete 'ana sinasinapu namo 'umwalamwalatoni, 'ilobweneyo be mwalatoi nina 'uguitoyase, be 'enega mwalatoi 'ai'aila Yaubada 'enega 'uloba.

Galetia 2:6

Ta wate taudi toekalesiyao sieesedi 'aene 'idi toanuganao, taudi nigeya 'ebweu wate loeposeyana sisa'usa'u 'igu loguguya 'enaya. Ta 'abo'agu 'igu nuwanuwa 'aene nigeya yage sinabwana 'eguma taudi sieesedi toanuganao nai to'ase, manuna tomota maibo'ada leleleya Yaubada matanaya.

Galetia 2:9

'Enega toanuganao nidi, Yemesa be Pita be Yoni, Yaubada 'ina oboboma 'eguya si'italobena, 'enega sitagwala Banaba be 'abo'agu 'emaya, ga ma'emao 'aenimalotuna. Ona'ai'aila, toekalesiyao nidi sitetoi getedi sieesedi 'adi toanuganao, ta sitetoi nidi sitagwala 'emaya be 'aene 'abo'agu be Banaba 'atatauya taudi nigeya me Yudia 'ediya, ta taudi sitatauya me Yudia namo 'ediya.

Galetia 3:4

Sana mwa'adega ga 'enega yage maibo'ana wa'italoba yogenedi, ga 'enega Keliso 'ana emisa 'ena waso'i yoge?

Galetia 6:3

'Eguma yaita gomabeso, ta 'inuwena 'aene toesaesa, taunamo sa'i 'ikaboena.

Epeso 4:29

Geya'abo wate 'ebweu ona to'umalina wa'ina'inane, ta esi ona bobo'ana namo tomota 'adi lema manuna, to'ase tuta 'ebweuna 'ebweuna 'ana lobwene manuna wada onaona, be 'enega yaisigedi taudi sinonomi, lema sida loba.

Epeso 5:4

Wate geya'abo 'awasewa nai 'awato'umali nai onabesobeso, manuna ona nidi nigeya 'adi lobwene solamiya, ta esi 'imi onega Yaubada wada tupui.

Kolose 4:6

Nuwa'ole'oleyega tuta yauna wada onaona ma imi mwalatoi 'ai'aila, be 'enega 'abo gosemiyao sienaidemi wada e'ie'isadi ona palupaluna 'ediyega.

Yemesa 1:19

Tasigwao, 'ilobwenemi be ona wada enono 'ai'aila, ta geya'abo onalimana be gamwasowala 'ediya waewaiwai.

Yemesa 1:22

Ta geya'abo waenono namo, nate wakabokaboemi tuga, ta esi wada guinuwa wate.

Yemesa 2:20

'Oyo uwauwayo. Gete 'ebe e'ita ya'ebwa'eyo 'aene 'abo emisa namo, ta nigeya guinuwa, nate yage besobeso.

1 Pita 3:10

Nadigega Buki Tabu 'ena 'isimana, 'igwae, “'Abo yaita tauna nuwanuwana be 'ida gwausowala 'asiyata maibo'ana 'ediya, 'ilobwenena be ona besobeso be kabo 'ida losa'u,