Taito 3:5 - Loina Tabu Auwauna NT

⁵ ga 'i'etoseyeda, nigeya 'ida guinuwa palupaludi manudi, ta esi tauna 'ina 'atenuwa 'ole'oleyega. 'Enega 'ina Yaluyaluwa Tabuna 'enega 'ida to'umalinao 'i'utudi, ga 'igie'esaseda, ta yawasida auwauna 'i'ebwa'eda.

Taito 3:5 Σταυροειδείς Αναφορές

Madiu 3:11

“'Eguma wanuwa'ebuni 'abo'agu bwasiyega yada giebapitaisoemi, ta sa'i ma'etamo 'ebweu tai muliguyega 'imeemai, tauna 'isinabwa sinegu, ta nigeya 'ilobwelobwenegu be manuna 'ana 'aelawa ya'aali. Ta tai nina 'iabe 'imama be Yaluyaluwa Tabuna, nadigega 'awesabelulu, 'enega 'ida giebapitaisoemi.

Luke 1:50

Tauna 'ana to'amayabao 'epata 'ebweuna 'ebweuna 'ediyega 'i'atenuwa 'ole'oleyedi.

Luke 1:54

Ta tauna 'ina onaupaupa nina tubudao 'ediya 'inuwa'i'isina 'enega 'abo'ada me Isileli 'i'atenuwa 'ole'oleyeda ga 'i'etoseyeda.

Luke 1:72

ta wate lowa 'ionaupaupa be 'aene gimi tubudao 'i'atenuwa 'ole'oleyedi, ta 'ina onaupaupa nina geya'abo 'inuwanuwa pupulei.

Luke 1:78

Manuna gete, Yaubada 'ina yala be 'ina 'atenuwa 'ole'ole 'edaya be 'etoseyana 'ina maedana 'ida gimisae 'edaya,

Loma 11:14

be 'enega me Yudia, 'omi nigeya me Yudia sida e'ipi'ipiyemi, be 'idi e'ipi'ipi nina 'enega 'ida giesana iledi, be 'etoseyana siloba Yaubada 'enega.

Loma 11:6

'Etoseyana gete 'alobena nigeya 'aene 'ima guinuwao 'ediyega, ta esi Yaubada 'ina oboboma 'enega, manuna 'abo oboboma ma 'ana e'isa nate nigeya oboboma 'ai'aila.

Loma 12:2

Ta geya'abo bubuna bale'u 'ediya watagwatagwalemi, ta esi oomi maibo'ana wada tagwaledi Yaubada 'enaya, be 'enega Yaubada 'imi nuwanuwao 'ida gieauwaudi, be tauna 'ina nuwena bobo'adi, be gwaugwausowalidi, ta palupaludi wada mwalatonidi.

Loma 3:20

Yaubada 'ina 'awapalupalu nigeya Mosese 'ina loinao 'adi ematamatana 'enega tada lobena, manuna loina 'ina guinuwa nate 'ida to'umalinao 'isimasimana apwesedi.

Loma 3:28

'Enega nuwanuwa gete 'ana bwagila 'aene tomota 'ida emisega Yaubada sawesawenaya be 'i'awa palupaluyeda ta nigeya loina 'ana ematamatana 'enega.

Loma 4:5

Ta esi tanuwanuwa 'abo yaita nigeya tauna 'ina guinuwao 'ediyega 'iemisa be 'aene 'ina to'umalinao 'ida kweudi, ta esi Yaubada 'iemisena tauna 'ina emisa 'enega Yaubada 'ida 'awa palupaluye.

Loma 9:11

ta muliyega be Libeka 'ienatuna, Yaubada 'ieonena, 'igwae, “'Abo natumwao 'uenatunedi, megwamana 'ida etoloina tomatuwa 'ena.” Taudi Yekobe be Iso. Gete 'enega tamwalatoi 'ai'ailina 'aene gogama nidi nigeya 'idi guinuwa bobo'ana nai to'umalina 'ediyega 'iesiesinuwedi, ta esi tauna 'ina onaupaupa 'enega, manuna Yaubada nigeya tomota 'idi guinuwega 'ida esinuwedi, ta esi taunamo 'ina nuwenuwega.

Loma 9:16

Gete 'enega 'ie'iteda 'aene Yaubada 'ina oboboma nigeya 'ida apwesa daita, tomota 'ida nuwanuwao nai 'ida guinuwao 'ediyega, ta esi tauna tuga 'ina 'atenuwa 'ole'oleyega.

Loma 9:30

Gete 'enega tamwalamwalatoni 'aene taudi nigeya me Yudia nigeya sitootoo be 'aene Yaubada 'ida 'awapalupaluyedi, ta esi 'idi emisa tuga 'enega 'awapalupalu silobena.

1 Kolinita 6:11

Manuna 'aimi lowa wabubuna nadigega, ta esi gete tuga Yaubada ni'atu 'i'utumi ga wa'esasemi, manuna 'ida 'Inapwana Yesu Keliso 'ana esanega, ta Yaluyaluwa Tabuna 'ina guinuwega, ni'atu 'igiepaepalumi.

Galetia 2:16

'enega tamwalamwalatoni 'aene Yaubada tomota 'i'awa'awa palupaluyeda nigeya Mosese 'ina loina 'ana ematamatana 'enega, ta esi 'ida emisa Yesu Keliso 'enaya 'enega. Manuna 'abo'ada 'ida emisa Yesu Keliso 'ena tasa'una be Yaubada 'i'awa palupaluyeda. Ta esi 'ida emisa nigeya Mosese 'ina loina 'ana ematamatana 'ena tasa'usa'u, manuna Yaubada nigeya tomota 'i'awa'awa palupaluyeda Mosese 'ina loina 'ana ematamatana manuna.

Epeso 2:4

Ta 'enega 'ida loegesiyao siloemwawasida, ta esi Yaubada 'ina 'atenuwa'ole'ole tosinabwa sana ga 'ina oboboma sinabwana 'edaya 'ediyega 'igietoolo limeda, Keliso ma'edai. Yaubada tauna 'ina 'ebwayadaita 'enega 'i'etoseyeda,

Epeso 4:23

ta esi 'imi nuwanuwao be 'atemi sida eauwau,

Epeso 5:26

'ada gie'esasa manuna, nate 'ida to'umalina 'ana 'ebe'utu bwasina 'ina ona 'enega,

Kolose 3:10

ta bubuna auwauna walobena, manuna Tomweluluwa nina tuta maibo'ana 'igiegie auwaumi, be 'aene tauna wada mwalamwalatoni be 'ina bubuna wada etotowane.

2 Timoti 1:9

Yaubada nina 'i'etoseyeda ga 'ibwauyeda 'ina guinuwa bobo'adi sabi guinuwedi. Ona'ai'aila, nigeya 'abo'ada 'ida bobo'ana manuna ga 'enega 'iesinuweda, ta esi tauna 'ina nuwena ta 'ina oboboma 'edaya lowaenei Yesu Keliso 'enega manuna,

Taito 3:4

Ta muliyega Yaubada tauna 'ada To'etoseyana 'ina oboboma be 'ina 'atenuwa'ole'ole 'igieapwesena,

Ibeliu 10:22

'Enega Yaubada tada loselabe ma ida 'atetagwala be ma ida emisa 'ai'aila be 'enega ooda tada gie'esasedi bwasi bobo'ana 'enega, ta wate 'ida nuwanuwa sida 'esasa, manuna Yesu 'ina loseuseula 'enega 'ida nuwanuwa to'umalidi 'igie'esasedi.

Ibeliu 4:16

'Enega ma ida 'atepatu talalaga be tasidasida 'ada Toloina nina 'ena, be 'enega 'ida miyamwau 'ediya 'ida 'atenuwa 'ole'oleyeda, be wate 'ilemeda.

Ibeliu 6:6

ta 'abo muliyega sibebe'u, nigeya sawesawenaya be tagie nuwa'ebui limadi, manuna taudi 'idi bubunega Yaubada Natuna ni'atu sigiekelose limena, ta 'ana esana 'ie'ebe tuyeya.

1 Pita 1:3

Yaubada tada tupu, tauna 'ida 'Inapwana Yesu Keliso tamana, manuna 'i'atenuwa 'ole'oleyeda sinabwana, ga tubuwa auwauna 'i'ebwa'eda Yesu Keliso 'ina toololimana mwawasega 'enega. Gete manuna tuta yauna tanuwayaina 'aene 'ina obobomao galewaya ma'etamo talobadi.

1 Pita 2:10

Ona'ai'aila, tuta lowa 'ediya 'omi nigeya waeboda 'ebweu, ta gete tuga ni'atu Yaubada 'ena waeboda 'ebweuna; ta lowa wate Yaubada 'ina 'atenuwa'ole'ole nigeya 'emiya 'imiyami, ta gete tuga ni'atu walobena.

1 Pita 3:21

Bwasi nina gete 'ie'ita 'ai'aila 'edaya 'aene gete tuga bwasi nina 'ebe bapitaiso 'i'etoseyeda. Ta bapitaiso nina 'enega nigeya 'aene bwalada 'ana 'utu namo manuna, ta esi 'ida sidesidega Yaubada 'ateda 'igie'esasadi, Yesu Keliso 'ina toololimana 'enega,