Taito 2:5 - Loina Tabu Auwauna NT

⁵ Ta ma idi 'amayaba ta bubuna 'esasena 'ediyega 'idi anuwao sida 'ita'i'isidi. Wate sida oboboma ta mwanediyao 'enadi sida ematamatanedi, be 'enega Yaubada 'ina ona tomota sida 'amayabe, ta geya'abo si'awa'awa to'umaliye.

Taito 2:5 Σταυροειδείς Αναφορές

Guinuwa 9:36

Ta 'asa Yopa 'ena, Yesu 'ana tomuliya 'ebweu waine 'imiyami, 'ana esana Tabita, ta 'ana gibui Dokasa, ta Dokasa 'ana gibui yobai 'ana esana diya, ta waine nina lema be oboboma 'alena,

Guinuwa 9:39

'Enega Pita 'itoolo ga ma'edi simai Yopa 'ena. 'Enega toekalesiyao Pita si'au'ewena anuwa nina solanaya. Ta kwabulao yaudi Pita sitoolo sakowasiyena ta sidedoi, ta 'adi 'oamao sie'itaena manuna lowa Dokasa tuta mayawasina 'adi 'oamao nidi 'iguinuwedi, ga 'i'ebwa'edi, ga sigwae, “'Oama getedi tauna Dokasa 'ana saisailao lowa mayawasinaya ma'emai 'amiyami.”

Loma 14:16

Ta 'e'ai nina 'emuya 'aene bobo'ana, ta esi mali tomota 'ediya nigeya, be 'abo si'itayo 'u'e'ai 'iabe si'awa to'umaliyeyo.

Loma 2:24

Nadigega Buki Tabu 'ina simana 'igwae, “'Omi me Yudia, 'imi bubuna manuna, taudi nigeya me Yudia Yaubada si'awa to'umaliyena.”

1 Kolinita 11:3

'Enega nuwanuwagu be wada mwalatoni 'aene Keliso me'olotoda 'ida 'Inapwana, ta esi iine 'idi 'inapwanao nate mwanediyao, ta Keliso 'ina 'Inapwana Yaubada.

1 Kolinita 14:34

Ta iine 'omi, 'ilobwenemi be tapwalolo 'enaya wa'alaenono tuga be ona wanonodi. Manuna Buki Tabu 'enaya Mosese 'ina loina iine manudi gete nadigega, ta wate nadigega loina toekalesiyao manudi sena maibo'ana 'ediya.

Epeso 5:33

'Enega 'ilobwenemi be 'ebweuna 'ebweuna mwanena 'ida obobome tauna 'atuwa, be waine aiai nina 'ilobwenena be mwanena 'ida 'amayabe.

Kolose 3:18

'Ida 'Inapwana 'ina tomotaiyao 'abo'ada 'ada lobwene 'aene iine aiai nimi mwanemiyao 'idi onao wada ematamatanedi.

1 Timoti 5:10

ta tomota matadiya 'idi bubuna palupaluna, manuna natudiyao 'adi 'iyabwebwe 'enaya siguinuwa 'ai'aila, be 'owagao ta wate toekalesiyao 'adi 'itanao 'enaya, be tomiyamwau wate 'adi lema 'enaya, be 'abo 'atenuwa'ole'ole 'aledi, 'ilobwenedi be toekalesiyao 'ediya silulugu, be toekalesiyao nidi 'ediyega 'adi lema, nai 'e'ai, nai 'oama, sida loba.

1 Timoti 6:1

'Ali'eiyao 'idi 'inapwanao sida 'amayabedi be sida ematamatanedi. 'Eguma nigeya, 'aina tomota 'ida e'itao si'awa to'umaliyedi, ta sigwae, “Yaubada 'ana toemisao taudi, ta nigeya sida guinuwa palupalu.”

Taito 2:4

be 'enega iine nidi mwanediyao ta natudiyao siobobomedi.