Taito 2:3 - Loina Tabu Auwauna NT

³ Kaiyaleyao wate 'ueonadi be 'idi bubuna ma idi 'amayaba, be geya'abo tomota si'awa'awa to'umaliyedi, be geya'abo oine sinumanuma diidiga, ta 'ilobwenedi be bubuna bobo'ana sie'itaedi iine enatunadaya 'ediya,

Taito 2:3 Σταυροειδείς Αναφορές

Loma 1:29

'Enega bubuna to'umalina maibo'ana 'iloemaedi, nadigega tomatagwegwe be, tobubuna geyogeyoi be, nadigega taudi e'ipi'ipi 'aledi be, loemwawasa 'aledi be, toegewagewana be, toekabokabo be, taudi toe'idi'idi be, taudi tolomugiyao be,

Loma 16:2

ta tuta nina 'abo 'iwawai 'emiya, nuwanuwagu be 'imi anuwaya wada bwauye, 'Inapwana 'ana esanega, manuna 'eda'eda gete nadigega Yaubada 'ina tomotaiyao 'ilobwenedi, be Pibe nina wada leme 'abo 'aina yage 'ediyega 'ikukupa, manuna tauna wate nadigega toekalesiyao yaudi 'iobobomedi, ta wate 'abo'agu nadigega 'ilemegu.

Epeso 5:3

'Omi Yaubada 'ana toemisao, 'enega 'ilobwenena be loelata be sogala be gwegwe 'ana yala wapilisinedi, ta geya'abo manudi to'ase 'ebweu waonaonae.

1 Timoti 3:11

Mwanediyao wate ma idi nuwanuwa palupaluna, be geya'abo gosediyao si'awa'awa to'umaliyedi, ta geya'abo bwasi waiwai sinumanuma diidiga, ta esi sida gwaunuwa 'ai'aila.

1 Timoti 3:8

Dikoniyao wate 'ilobwenedi be sibubuna bobo'ana ma idi nuwanuwa palupaluna, ta geya'abo bwasi waiwai sinumanuma diidiga, be geya'abo esaesa 'ena 'idi yala sisa'usa'u,

1 Timoti 5:23

Geya'abo bwasi namo 'unumanuma, manuna tuta yauna 'ule'oale'oasa ta gamwayo 'iuyauya, 'enega 'ilobwenemu be oine tupwana 'ununuma.

Taito 1:7

Manuna toanuganao Yaubada manuna siguiguinuwa, 'enega 'ilobwenedi be sida bubuna bobo'ana, ta geya'abo sioopa'ala nai sigamwagamwasowala, nai bwasi waiwaina sinumanuma kabaleya, nai tomota 'adi tounuwa, nai esaesa 'ana toyalao.

Taito 2:4

be 'enega iine nidi mwanediyao ta natudiyao siobobomedi.

Ibeliu 5:12

Tuta gete 'ilobwenemi be mali tomota wae'itadi ta nigeya sawesawemiya, manuna Yaubada tetelina 'ana 'autui nigeya wamwalamwalatoni, 'enega 'etamo 'ae'ie'itami. 'Omi susu namo 'ilobwenemi manuna masula pa'alina nigeya 'ilobwelobwenemi.

E'ita'ita 2:20

“Ta esi gete 'ena 'ebweu yage manuna nigeya yagwaugwausowala, manuna Yesibeli 'ena watagwala, tauna waine nina 'ieesena 'aene 'ebweu Yaubada 'ana tosimana, ta nigeya. Manuna waine nina esi 'igu toguinuwao loyaweyega ta wate tokwalui 'ediyega 'ilisidi, manuna tokwalui siemisena, ga 'ana masula si'ebwa'ena, ga to'ebwaya nidi sie'enina.