Taito 2:15 - Loina Tabu Auwauna NT

¹⁵ E'ita getedi 'ue'itaedi tomota 'ediya, ta loina palupaluna 'enega 'uguguyadi be sida bubuna bobo'ana. Geya'abo 'ebweu yaita 'ie'idi'idiyeyo.

Taito 2:15 Σταυροειδείς Αναφορές

Madiu 7:29

ta sigwae, “E'ita gete palupaluna ta waiwaina, ta 'ida loina 'ana toe'itao 'idi e'ita nenetana.”

Maki 1:22

Ta tomota maibo'adi nuwadi 'iowana 'ina e'ita manuna, ga sigwae, “E'ita gete palupaluna ta waiwaina, ta 'ida loina 'ana toe'itao 'idi e'ita nenetana.”

Maki 1:27

'Enega tomota maibo'adi silosuyaedi ga taudimo sienaidedi, sigwae, “Mwa'adega e'ita auwauna gete? Gete tai nina 'ina loinega yaluyaluwa bi'i 'iloiloinedi ta siematamatane.”

Luke 4:36

'Enega maibo'adi silosuyaedi ga taudimo sienaidedi, sigwae, “Mwa'adega sana gete? Ga ona namo 'ina waiwai 'enega yaluyaluwa bi'i 'iloinedi ga siapwesa.”

1 Kolinita 16:11

Ta geya'abo yaita Timoti nina 'ie'idi'idiye, ta tuta nina 'iilama 'eguya wada leme be ma ina gwausowala 'ida ila limanama, manuna tauna ta 'aidi wate gosedao yayamwayamwadi.

1 Timoti 5:20

Ta 'eguma toanugana 'ina to'umalina wa'italoba, 'uda 'enapa'ali tomota yaudi matadiya, be 'enega taudi wate loegesi nina geya'abo 'ena silugulugu.

2 Timoti 4:2

'Amu loina nina gete: Tuta maibo'ana 'uetapewa waiwai be tetelina 'usimane, tuta mwau ta tuta gwausowala 'ediya, be tomota 'ediya 'uloguguya be siemisa, ta wate 'ugiepaludi be 'ugiewaiwaiyedi, ta yage nidi getedi 'ue'ita 'ai'ailidi ma imu 'alama'i'ita.

Taito 1:13

Palopita nina 'ina ona gete ona'ai'aila. 'Enega 'u'enapa'alidi be 'aene sinuwa'ebuni be siemisa 'ai'aila.

1 Pita 4:11

'Enega yaisigedi 'omi waetosimana wada etosimana tuga nadigega Yaubada 'ina ona wasimasimane, ta 'abo yaisigedi 'omi walemalema wada lema tuga 'imi waiwai maibo'anega, nadigega waiwai nina 'i'ebwa'emi, be 'enega guinuwa maibo'adi 'ediyega tomota Yesu Keliso sida mwalatoni be Yaubada sida tupu, manuna tauna Toesaesa sana, ta Toewaiwai sana, tuta maibo'ana 'ediya. Eimeni.