Taito 2:12 - Loina Tabu Auwauna NT

¹² ta 'ie'iteda be 'aene bubuna besobeso ta nuwanuwa to'umalidi tada guitoyasedi, ta esi tada miya bubuna bobo'adi ta palupaludi 'ediyega.

Taito 2:12 Σταυροειδείς Αναφορές

Madiu 12:32

“'Abo'agu Tomota Natuna be 'eguma yaita 'i'awa to'umaliyegu Yaubada 'iabe ona nina 'ida nuwatau, ta 'abo yaita Yaluyaluwa Tabuna 'i'awa to'umaliyei geya'abo sa'i Yaubada 'inuwanuwatau tuta gete 'enaya be tuta simeemai 'ediya.”

Madiu 16:24

Muliyega Yesu 'ina tononoyao 'ieonedi, 'igwae, “Yaita 'eguma nuwanuwana be 'imuliyegu, 'ilobwenena be tauna 'ina nuwanuwa 'ida guitoyase, be tauna 'ana kelose 'i'aali, be 'enega 'imwamwawasa, nate nadigega 'agu muliya nina 'ana 'eda.

Madiu 28:20

Ta loina maibo'ana ni'atu ya'ebwa'emi wae'itadi be taudi wate sida muliyedi. Ona'ai'aila, 'abo'agu ma'emiya yada miyami tuta yauyauna, batuwa ga 'ana laba bale'u 'ana 'ebe losalowa 'enaya.”

Luke 1:6

Ta siteluwa nidi Yaubada matanaya sibubuna palupaluna, manuna Yaubada 'ina loina maibo'ana siematamatana 'ai'ailena.

Luke 1:75

ta wate 'aene ma ida bubuna 'esasena ta palupaluna 'asiyata 'ebweuna 'ebweuna.

Yoni 14:30

“Nai geya'abo tuta dudulana yaonaona 'emiya, manuna ni'atu gabula 'ana 'inapwana to'umalina 'imeema, ta tauna nigeya 'ebweu wate 'ina waiwai 'eguya,

Yoni 6:25

Ta silobena Galili olana mali esenaya, ga sieonena, sigwae, “'Inapwana, maisa 'umai?”

Guinuwa 24:16

“'Enega tuta maibo'ana 'ediya yatootoo waiwai 'aene yada bubuna palupalu, Yaubada matanaya, be wate tomota 'ediya.

Guinuwa 24:25

Ta Pilikesa 'atena 'isa'ala, tuta nina Paulo 'ina guguya 'inonona, bubuna palupaluna, be 'atepa'ala, be bwa'omatana 'imeemai manudi, ga Pilikesa 'igwae, “Tuwa! Ta 'uila, be 'abo to tuta kapekapeyana 'eguya 'enega yada bwauyeyo wate.”

Loma 12:2

Ta geya'abo bubuna bale'u 'ediya watagwatagwalemi, ta esi oomi maibo'ana wada tagwaledi Yaubada 'enaya, be 'enega Yaubada 'imi nuwanuwao 'ida gieauwaudi, be tauna 'ina nuwena bobo'adi, be gwaugwausowalidi, ta palupaludi wada mwalatonidi.

Loma 6:12

'Enega gete tuga geya'abo to'umalina bwalami 'iloiloinedi be 'aene 'imi yalakwaiyao wamulimuliyedi. Geya'abo sa'i!

Loma 6:19

Bale'u yagenao 'ediyega yae'itemi, manuna nuwami nigeya 'isabwasabwalena 'ai'aila. Lowa welawela'ami watagwaledi be 'aene sida bubuna to'umalina, be wate 'aene 'imi guinuwa to'umalina 'ida sinabwa 'ai'aila, 'enega gete tuga welawela'ami wada tagwaledi be sida bubuna palupaluna, be wate 'imi guinuwa 'ida bobo'ana 'ai'aila.

Loma 8:13

'abona nai tamwamwawasa. Ta esi 'eguma bubuna tomotai taguitoyase be Yaubada Yaluyaluwana tamuliye, 'iabe Yaluyaluwanana 'enega 'ida bubuna tomotai nina taloemwawasi, be 'enega yawasida bobo'ana taloba,

2 Kolinita 1:12

'Ebweu yage manuna yagwausowala sinabwana, ta yanuwena ona'ai'aila 'ima bubuna 'esasena ta palupaluna tomota 'ediya, nigeya sinasinapu bale'u 'ediyega, ta esi Yaubada 'ina oboboma 'emaya 'enega, ta wate nadigega 'aguinuwa sinabwana 'emiya.

2 Kolinita 7:1

Gosegwao, Yaubada 'ina onaoboboma getedi tada nonodi be ooda be yaluyaluwada tagie'esasedi yage baibailidi 'ediyega, be ta'esasa 'ai'aila ma ida 'amayaba Yaubada 'ena.

Galetia 1:4

Manuna Tamada Yaubada 'ina nuwanuwa gete nadigega, ga Yesu tauna 'itagwalena ga 'imwawasa 'ida loegesiyao manudi, be 'enega tuta gete to'umalina 'ina waiwaiyega 'i'etoseyeda,

Galetia 5:24

Ta wate 'eguma Yesu Keliso 'iloineda, ooda 'ina bubuna to'umalidi be yalakwaiyao 'iloemwawasidi 'ana kelose 'enaya.

Epeso 1:4

Manuna lowaenei 'etamo bale'u nigeya 'imwelumwelului, ta 'igimi esinuweda be 'aene taeboda 'ebweu Keliso ma'edai, be Yaubada nina matanaya adelida 'esaseda, ta nigeya 'ada 'ebe e'ewamo.

Epeso 2:2

Ona'ai'aila, lowa bubuna bale'u waguiguinuwedi, manuna yaluyaluwa to'umalidi ta waiwaidi 'idi 'inapwana, tauna tomiya mwatui waematamatanena. Tauna yaluyaluwa nina taudi tole'oa loina simulimuliye be 'atediya 'imiyami.

Kolose 1:22

ta Yesu oona 'ina mwawasa 'enega 'i'au'ewemi ga Yaubada ma'emi waegosigosiyana limana, ma imi bubuna bobo'ana ta 'esasena matanaya,

1 Tesalonaika 4:7

Manuna Yaubada 'iesinuweda nigeya bubuna baibailidi manudi, ta 'esasedi esi manudi.

1 Tesalonaika 4:9

Ta gosedao 'adi oboboma manuna geya'abo 'a'eto'etoladiwa, manuna Yaubada tauna ni'atu 'ie'itemi be taumimo wada eoboobobomemi.

1 Timoti 4:12

Tomota geya'abo sisinasinaliyo manuna 'aene 'oyo tubuwau tuga, ta esi 'imu ona bobo'ana, be 'imu guinuwa bobo'ana, 'imu oboboma, 'imu emisa, be 'imu bubuna 'esasena 'ediyega be 'oyo 'ebe'ita taudi 'ediya.

1 Timoti 6:17

Ta bale'u 'ana toesaesao 'uemataluwedi be geya'abo sinuwanuwa tu'e 'idi esaesa manudi, ta wate geya'abo siemiemisa 'aene ma'etamo 'ebe lema sinabwana 'idi esaesa 'ediyega silobaloba, manuna esaesa nidi sawasawalidi. Ta esi Yaubada namo 'ena sida emisa, manuna Yaubada tauna To'ebwaya bobo'ana, ta 'ida 'ebe gwausowala maibo'ana tauna 'enega siapweapwesama.

1 Timoti 6:9

Taudi esaesa 'ana toyalao ma'etamo Seitani 'ina sikwa 'enega 'i'onadi, ta taudimo 'idi nuwanuwagesi 'ediyega sigie to'umaliyedi, be ma'etamo taudi esilae 'ai'aila siloba.

2 Timoti 3:12

Ona'ai'aila, 'eguma 'abo'ada Yesu Keliso taemise, ta tatagwaleda 'ina 'eda bobo'ana 'enaya, ma'etamo miyamwau tomota 'ediyega taloba.

2 Timoti 4:10

Dimasa ni'atu 'iebesinegu, manuna bubuna bale'u nuwana 'i'ewena ga ni'atu 'itauya Tesalonaika. Kelesenisi wate ni'atu 'itauya Galetia, ta Taito ni'atu 'itauya Dalimetia. Taudi 'agu tolemao nidi maibo'adi ni'atu sipilisinegu.

Taito 3:3

Ona'ai'aila, 'abo'ada lowa uwauwada ta loguitoyasa 'aleda, ga yalakwaiya be gwausowala besobeso 'adi nuwa'ewa 'enega 'eda bobo'ana tapilisinena. Ta wate lowa etalauwala be e'ipi'ipi 'aleda, ta mali tomota 'edaya sinuwa to'umali, ga 'abo'ada wate 'ediya tanuwa to'umali.

Ibeliu 8:11

'Enega nigeya sawesawenaya be tasidiyao sie'itadi, nai sigwae, “Yaubada wada mwalatoni,” manuna maibo'adi ni'atu simwalamwalatonigu, taudi ma 'adi esana sinabwadi be wate taudi togomabeso.

Yemesa 1:27

Ta esi tapwalolo 'esasena be palupaluna Yaubada Tamada matanaya gete, 'aene taudi sinasinagenidi be kwabulao 'idi miyamwau 'enaya tada lemedi, ta wate geya'abo bubuna bale'u 'enega tagiegie bailida.

2 Pita 2:9

'Enega tamwalamwalatoni 'aene Yaubada tobobo'adi 'ebe tooyao 'ediyega 'ida 'etoseyedi, ta toto'umalidi 'iloinedi be 'ana laba 'asiyata bwa'omatana 'enaya.

2 Pita 3:11

Ta 'abo yage nidi maibo'ana ma'etamo sisasawala, 'ilobwenena be ma imi bubuna 'esasena ta ma imi 'amayaba Yaubada 'enaya wada guinuwa.

1 Yoni 2:27

Ta mwalatoi nina ni'atu wamwalatonina, manuna Yaubada Yaluyaluwana ni'atu 'i'ebwa'emi, ga ma'emi wamiyami, ta 'ie'itemi. 'Enega nigeya 'ebweu wate tai sawesawenaya be 'ie'itami, ta esi Yaubada 'ina 'ebwaya 'enega mwalatoi yauna wasinapuna, nate mwalatoi 'ai'aila manuna. Yaubada Yaluyaluwana nigeya sawesawenaya be 'ikaboeda. 'Enega 'ina e'itao wamuliyedi, be Keliso ma'emi wamiyami, ta geya'abo wapilipilisine.

1 Yoni 2:6

'Enega 'eguma yaita 'oyo 'ugwae, “'Abo'agu Yaubada gosiyagu ta ma'iyagu 'amiyami,” 'ilobwene 'ai'ailiyo be 'uda bubuna nadigega Yesu 'ina bubuna.

1 Yoni 5:19

Ta wate 'abo'ada tamwalamwalatoni 'aene Yaubada 'ienatuneda, ta sa'i bale'u bubunina 'ana tomuliyao yauyaudi toto'umalina nina 'ina bodao.

E'ita'ita 14:12

Ona gete 'enega Yaubada 'ina tomotaiyao sida 'alama'i'ita, taudi 'ina loina 'ana toematamatanao ta Yesu 'ana toemisao.