Pilipai 4:17 - Loina Tabu Auwauna NT

¹⁷ 'Igu ona gete nigeya 'aene nuwanuwagu 'ebwayadaita wada 'ebwa'egu, ta esi 'aene 'imi 'ebwayadaita uwana 'emiya 'ida sinabwa 'ami lema 'ai'aila manuna.

Pilipai 4:17 Σταυροειδείς Αναφορές

Yoni 15:16

“Ta wada nuwa'i'isi 'aene 'omi nigeya waesiesinuwegu be yada e'inapwana 'emiya, ta esi 'abo'agu yaesinuwemi be yada etunemi be wada paisewa, ta 'imi paisewa nina 'enega uwami bobo'ana sida apwesa, ta uwami nidi sida miyaataya. Ta wate 'abo to'ase 'agu esanega wasidei, Tamagu 'ida 'ebwa'emi.

Yoni 15:8

'Abo wamuliya 'ai'ailigu, uwami 'ida bobo'ana, be 'enega Tamagu 'ina waiwai tomota sida 'ita.

Loma 15:28

'Enega gete namo 'igu paisewa nina yada losaloni, nate 'ebwayadaita nina gete me Yelusalema yada 'ebwa'edi, be muliyega yawawa 'emiya be yayausimi, be 'enega 'emiyega yada gelu limana be yatatauya Sipeini 'ena.

2 Kolinita 11:16

Yada eonami wate geya'abo wa'awa'awa uwauwaegu, ta 'eguma wa'awa uwauwaegu tuga, bobo'ana, ta esi 'igu ona uwauwa wada nono be 'enega tupwana yada onagagasa.

2 Kolinita 9:5

'Enega yanuwena 'aene 'ilobwenena be tasidao nidi sida wai nugana sabi lememi 'imi 'ebwayadaita nina waona upaupaena 'ana gibubu manuna, be 'abo'agu tuta muliyega wate yawawai. Manuna geya'abo lo'aeetuetune 'enega wa'ebwa'ebwaya daita, ta esi 'atetagwalega.

Pilipai 1:11

ta ma imi guinuwa bobo'adi Yesu Keliso 'ina waiwaiyega, manudi tomota Yaubada sida tupui be sida 'awa eseese.

Pilipai 4:11

Ta geya'abo sa'i yalomulomugi 'igu miya mwau lowa 'ediya, manuna ni'atu yamwalatonina ga sawesaweguya miya maibo'adi 'ediya yagwaugwausowala tuga,

1 Tesalonaika 2:5

Ta Wamwalamwalatoni lowa 'awai 'emiya nigeya ma ima ona dibidibidi, ta Yaubada wate 'imwalatonina 'aene nigeya 'aonaona 'awa yalayala 'emiya be 'aene 'imi gwegweyao 'a'ewadi.

1 Timoti 3:3

ta geya'abo bwasi waiwai 'inumanuma kabaleya, be wate geya'abo 'igamwagamwasowala, ta esi 'ina bubuna ma'anuwaena, ta nigeya 'ida egewagewana, ta geya'abo esaesa 'ena 'ina yala 'isa'usa'u.

1 Timoti 6:10

Manuna esaesa 'ana yala to'umalina maibo'ana 'aledi, ta wate esaesa 'ana 'ebesa waiwai 'enega 'aina gosedao tapwalolo 'ai'aila sipilisinena, ta 'ebe nuwamwau yaudi silobedi.

Taito 1:7

Manuna toanuganao Yaubada manuna siguiguinuwa, 'enega 'ilobwenedi be sida bubuna bobo'ana, ta geya'abo sioopa'ala nai sigamwagamwasowala, nai bwasi waiwaina sinumanuma kabaleya, nai tomota 'adi tounuwa, nai esaesa 'ana toyalao.

Taito 3:14

Ta 'ida bodao maibo'adi 'ue'itadi be sida gwaunuwa, 'enega sawesawediya tomiyamwau silemedi, ta geya'abo simiyamiya daidaita.

Ibeliu 6:10

Yaubada 'ina loina 'emiya palupaluna, 'enega 'imi guinuwao bobo'adi tuta yauyauna, be 'imi obobomao Yaubada 'ana esanega, ta 'imi lema toekalesiyao 'ediya, geya'abo 'inuwanuwa pupuledi.

1 Pita 5:2

'Enega wate yada emataluwemi 'aene 'imi bodao nidi wada 'ita'i'isidi, taudi nate Yaubada 'ina tomotaiyao. Ta wada 'ita'i'isidi 'imi 'atetagwalega tuga nadigega Yaubada 'ina nuwena, ta geya'abo ma imi logwautoyasa. Ta 'imi guinuwa wada guinuwedi, nigeya maisa manuna, ta esi tagwalega wada guinuwa.

2 Pita 2:15

'Eda palupaluna ni'atu siebesinena ga sitauya gesi, 'enega Bioli natuna 'ana esana Balami 'ina bubuna to'umalina lowaenei taudi gete tuga simuliyena, manuna tauna nuwanuwana be 'ina guinuwa to'umalina 'enega 'ida eesaesa,

2 Pita 2:3

Ta toto'umalina nidi gwegwe 'ana toyala diidigao, 'enega 'idi ona dibidibiyega ma'etamo sikaboemi be 'imi gwegwe si'ewadi. Lowaenei 'adi e'isa Yaubada 'isa'una ga 'iyamwayamwa, ta nigeya 'ida sa'ugelasa.

Yude 1:11

Nuwa'ole'oledi, manuna Keni 'ina 'eda to'umalina 'enega sitautauya, ta 'enega 'idi esaesa manuna sibubuna to'umalina, nadigega wate Balami lowa 'ina bubuna. 'Enega sida esilae, manuna loina bobo'ana siguitoyasena, nadigega Kola lowa loina 'iguitoyasena.