Pilipai 3:8 - Loina Tabu Auwauna NT

⁸ Ona'ai'aila, 'igu 'Inapwana Yesu Keliso 'ana mwalatoi bobo'ana wawasae, ga esaesa bale'u 'ibobo'ana sinedi, 'enega esaesao nidi ya'awa yage besobesoedi, ga Keliso nina manuna yage maibo'adi yaloseyedi ga ya'awa to'umaliyedi, manuna nuwanuwagu Keliso namo,

Pilipai 3:8 Σταυροειδείς Αναφορές

Luke 1:43

Ta mwa'adega ga 'enega 'oyo 'igu 'Inapwana sinana, ta 'umai ga 'uayausigu?

Luke 11:20

Ta 'abo'agu esi Yaubada 'ina waiwaiyega yaluyaluwa bi'i yaula apwesedi, 'enega wada mwalatoni 'aene Yaubada 'ina loina ni'atu 'iapwesama 'emiya.

Yoni 14:20

Ta 'asiyata gote 'ena wada mwalatonigu 'aene 'abo'agu Tamagu 'ena yamiyami, ta 'omi 'eguya wamiyami ta 'abo'agu 'emiya yamiyami.

Yoni 14:7

'Enega Yesu wate 'ediya 'igwae, “'Abo'agu ni'atu wamwalatonigu, 'enega wate Tamagu wamwalatonina. Ona'ai'aila, Tamagu ni'atu wamwalatonina, ta wate wa'itena.”

Yoni 16:3

'Idi guinuwa getedi to'umalidi 'emiya sida guinuwedi manuna nigeya Tamagu be 'abo'agu simwalamwalatonima.

Yoni 17:3

Ta yawasi ataya gete 'abo tomota simwalatoniyo 'aene 'oyo tuga tebweuyo Yaubada 'ai'aila, be wate 'abo To'etoseyana nigu simwalatonigu 'aene 'oyo 'uetuneguma.

Yoni 17:8

Manuna ona nina 'u'ebwa'eguya ni'atu yae'itedi ta 'atediya sisa'una, 'enega simwalatoi 'ai'ailiguya 'aene 'oyo 'emuyega yamai, ta wate siemiseguya 'aene 'oyo 'uetuneguma.

Yoni 20:13

'Enega siteluwa nidi Meli sieonena, sigwae, “To'ase manuna 'udedoi?” Ga 'ieonedi, “'Igu 'Inapwana 'ali'aliyega si'ewa apwesena ga nigeya yamwalamwalatoni mane 'ena sisa'una.”

Yoni 20:28

'Enega Tomasi 'igwae, “'Oyo 'igu 'Inapwana ta 'igu Yaubada.”

Guinuwa 20:24

“Ta nigeya sa'i yawasigu manuna yada nuwanuwa be yaegagalena. Nate namo 'igu 'eda, nai 'igu paisewa nina, 'Inapwana Yesu 'i'ebwa'eguya manuna yanuwanuwa be 'aene yada losaloni, nate 'ada oboboma Yaubada 'enega 'ana simana.

Loma 8:18

Ta 'elouyao gete tuga talobalobadi yanuwena 'aene nigeya yage sinabwana, manuna miya bobo'ana nidi ma'etamo talobadi, bobo'ana wawasae,

Loma 8:39

nai toloinao galewaya nai bale'uya 'idi waiwaiyega. Manuna nigeya 'ebweu yaita sawesawenaya Yaubada 'ina oboboma nina, 'ida 'Inapwana Yesu Keliso 'enega, 'ida 'ewayaule 'edega.

1 Kolinita 2:2

ta esi nuwanuwagu be Yesu Keliso namo manuna yada loguguya 'emiya, tauna siloemwawasina kelose 'enaya.

1 Kolinita 9:10

ta esi 'ionaona 'ina topaisewao 'abo'ada manuda. 'Enega loina gete 'isa'una be 'ada emisa be 'aene 'ima paisewa 'ediyega 'ama masula 'ada loba, nadigega taudi todauna be wate tosesoi siemiemisa be masula nidi 'idi bagulega sida 'e'ai.

2 Kolinita 4:4

Taudi nigeya siemiemisa, manuna bale'u gete 'ina 'inapwana ni'atu 'igiekebodi, be 'enega maedana geya'abo si'ita'ita, nate Keliso 'ina esaesa tetelina, tauna 'ana 'ita Yaubada nadigega.

2 Kolinita 4:6

Manuna Yaubada nina 'igwae, “Guguyoi 'ena maedana 'ida sae,” be Yaubada 'atemaya 'isaesae, 'enega tauna 'ina maedana Keliso manininaya 'a'ita'ita.

Galetia 1:16

ta tauna 'ina nuwenuwega Natuna 'eguya 'ie'itaena, be yada etosimana manuna, sena apwesa 'ediya. 'Enega nigeya yatautauya tomota 'ediya sabi enaida tetela gete manuna.

Epeso 4:13

be 'enega maibo'ada tada emisa leleleya, be wate Yaubada Natuna tada mwalamwalatoni ma ida bubuna matuwadi, nadigega Keliso 'ina bubuna matuwana, ta bobo'ana maibo'ana.

Pilipai 1:1

'Abo'agu ta Timoti ma'iyagu 'aguiguinuwa To'etoseyana Yesu manuna, 'imi leta 'a'etoladinawa 'omi me Pilipai Yesu Keliso 'ina toekalesiyao, be wate 'imi toanuganao be 'imi dikoniyao ma'emiyao.

Pilipai 3:10

Nuwanuwagu wate Keliso yada mwalatoni be 'ina toololimana 'ana waiwai yada lotoo, be 'ina 'elouya wate tauna nadigega yada lotoodi, nai 'ina mwawasa yada etotowane,

Pilipai 3:12

Nigeya 'aene ni'atu toololimana yalobena, nai 'igu bubuna ni'atu maibo'ana sibobo'ana, ta esi gete 'igu 'ebe masi be 'aene yada giyai, manuna yage gete manuna Yesu Keliso ni'atu 'igiyaigu.

Pilipai 3:7

Ta esi 'agu esana nina sinabwana ya'awa yage besobesoena, manuna Keliso namo 'ena yatagwalegu.

2 Timoti 4:6

Ta 'abo'agu ni'atu be 'igu guinuwa yalosaloni be bale'u gete yapilisine.

Ibeliu 3:14

'Abo'ada lowa 'ida emisa Keliso 'ena tasa'una, ta 'abo 'ida emisa nina tagiyai'i'isi be 'ana laba tuta 'ana 'ebe losalowa 'enaya, Keliso ma'edai taegwausowala leleleya.

1 Pita 2:7

Ta 'omi yaisigedi 'ola gete waemisena, 'emiya 'ola bobo'ana wawasae, ta yaisigedi taudi nigeya 'ena siemiemisa manudi Buki Tabu 'ena 'isimana, 'igwae, “'Ola nina lowa to'abi anuwa siguitoyasena, ta gete tugai ni'atu sietoolona be 'ie'ola nugana, be 'ola maibo'adi 'iloinedi.”

2 Pita 1:2

'Enega Yaubada be 'ida 'Inapwana Yesu 'adi mwalatoi 'enega, oboboma 'ai'aila be gwausowala 'emiya sida siwa.

2 Pita 1:3

Yaubada nina 'ina waiwaiyega 'ilemeda ga 'iobobomeda, ta yage yauna yawasida be 'ida bubuna 'esasena manudi 'i'ebwa'eda. Manuna tauna tamwalatonina 'aene 'iesinuweda be 'ina esaesa ta 'ina bubuna palupaluna 'i'ebwa'eda.

2 Pita 1:8

'Enega 'eguma yage nidi 'emiya sisinasinabwa 'ai'aila, 'ida 'Inapwana Yesu Keliso 'ana mwalatoi 'enaya waewaiwai, ta geya'abo 'imi paisewa simudamudala.

2 Pita 3:18

Ta esi 'ida 'Inapwana, tauna 'ada To'etoseyana Yesu Keliso, 'ana mwalatoi be 'ina oboboma 'emiya 'ida sinabwa, ta tauna tada tupu atae. Eimeni. 'Abo'agu Saimoni Pita

1 Yoni 1:3

Tauna 'a'itena ta 'anonona ga 'emiya 'asimanena be 'aene 'omi ma'emao taegosigosiyana leleleya, ta wate Tamada be Natuna Yesu Keliso ma'edao taegosigosiyana leleleya.

1 Yoni 2:19

ta Keliso 'ana talauwalao nidi 'adi 'ita 'atuwa Keliso 'ana toemisao, ta nigeya. Manuna taudi 'eguma 'ida boda 'ai'aila, 'etamo ma'edao tamiyami. Ta nigeya sa'i! Ni'atu sipilisineda.

1 Yoni 5:20

Ta wate tamwalamwalatoni 'aene Yaubada Natuna ni'atu 'imai 'edaya, ga 'igienuwa sabwalenida 'aene Yaubada Topalupaluna, ta 'enaya tamiyami, manuna 'abo'ada Yaubada Natuna Yesu Keliso ma'eda. Yesu nina Yaubada 'ai'aila, ta yawasida ataya 'alena.