Pilipai 3:6 - Loina Tabu Auwauna NT

⁶ ga yaetapewa sinabwana toekalesiyao 'adi gie'elouya 'enaya, ta nigeya 'ebweu wate Mosese 'ina loina yale'oale'oa.

Pilipai 3:6 Σταυροειδείς Αναφορές

Madiu 23:25

“'Omi loina 'ana toe'itao be Palisiyao nuwa'ole'olemi sa'i, manuna 'imi kaboega keiga be gaeba apwesaya wagie'esasedi ta esi soladi baibailidi, nate 'ipwala be bubuna to'umalidi siloemaedi.

Madiu 5:20

Wate yaeonami 'aene 'ilobwenemi be 'imi bubuna taudi Palisiyao be loina 'ana toe'itao 'idi bubuna 'ida bobo'ana sinedi. Ta 'eguma nigeya, geya'abo Yaubada 'ina 'ebeloina 'ena walugulugu.

Luke 1:6

Ta siteluwa nidi Yaubada matanaya sibubuna palupaluna, manuna Yaubada 'ina loina maibo'ana siematamatana 'ai'ailena.

Guinuwa 21:20

Ta maibo'adi sinonona ga Yaubada situpuna, ta sieonena, sigwae, “Tasimai, 'u'ita tausani yauna ni'atu Yesu 'ena siemisa, ta yaudi toemisa nidi me Yudia, ga Mosese 'ina loina simulimuliye,

Guinuwa 22:5

Totaliya sinabwana ta 'imi 'inapwanao maibo'adi 'igu guinuwa gete simwalamwalatoni, manuna taudi leta si'ebwa'eguya toloinao me Yudia Damasiko 'ena manudi, be 'aene yada tauya be 'ediyega tagwala yada 'ewanugana, ta 'enega toemisao yada giyaidi be yame'edi Yelusalema, be sida gie'elouyaedi.

Guinuwa 26:5

ta tuta dudulana 'enega simwalamwalatonigu 'aene 'abo'ama boda Palisi, ta Palisiyao 'ima loina waiwaina yamuliya 'ai'ailina, be 'abo 'uenaidedi ta nuwanuwadi sie'isa, 'iabe si'awa 'ai'aila.

Guinuwa 8:3

Ta Saulo sa'i toekalesiyao 'ie'ediluluyedi ga manudi 'ilugulugu anuwa 'ebweuna 'ebweuna 'ediya, ta 'eguma toekalesiyao me'olotodi be mewainedi 'ilobalobadi, 'igiyaidi tuga, be deliya 'isa'u luguyedi.

Loma 7:9

'Abo'agu wate nadigega lowa mayawasigu yamiyami, nigeya 'ebweu wate loina 'eguya 'imiyami, ta tuta nina loina 'iapwesama ga to'umalina 'eguya 'iewaiwai,

1 Kolinita 10:32

'Enega geya'abo mali tomota wagiegie nuwamwauyedi, nai me Yudia, nai taudi nigeya me Yudia, nai Yaubada 'ina toekalesiyao,

1 Kolinita 15:9

Ta wate 'abo'agu tai to'umaligu. Manuna Yaubada 'ana toemisao yagie'elouyaedi 'enega Keliso 'ana tosimanao maibo'adi sibobo'ana sinegu.

Pilipai 2:15

be 'aene 'omi Yaubada natunao bobo'ami ta 'esasemi, ta nigeya 'ebweu wate 'imi to'umalinamo, be me bale'u 'idi mayale 'omi. Manuna taudi 'idi bubuna guguyoi ta taudi adelidi toto'umalidi.

Pilipai 3:9

ta wate nuwanuwagu Keliso ma'iyagu 'ada miyami, nigeya 'aene taugu 'igu bubuna palupalunega, nai Mosese 'ina loinao 'ediyega, ta esi emisa Keliso 'enaya 'enega, nate 'ida bubuna palupaluna Yaubada 'i'ebwa'eda 'ida emisa Keliso 'enaya manuna.

1 Timoti 1:13

Tuta lowa nigeya nadigega, manuna tuta nina 'ena Keliso ya'awa to'umaliyena ta 'ina bodao yaetalauwaledi, ta tuwa tuga Yaubada 'imwalatonina 'aene yage nidi to'umalidi yaguinuwedi taugu 'igu emwagemwageyega, ta wate nigeya yaemiemise, 'enega 'i'atenuwa 'ole'oleyegu,