Pilipai 3:2 - Loina Tabu Auwauna NT

² Wa'ita'i'isimi toto'umalidi 'idi bubuna 'atuwa kedewa, taudi tolodaba 'adi bodao 'ediyega,

Pilipai 3:2 Σταυροειδείς Αναφορές

Madiu 24:10

be mwau nidi manudi 'etamo yaumi waneeneta be taumimo gosemiyao wasipupuyedi nai waetalauwalaedi.

Madiu 7:15

Tosimana kabokabodi 'ediyega wa'ita'i'isimi. Manuna 'aidi ma'etamo 'emiya simamai, 'adi 'ita 'atuwa sipi panapanaisidi, ta soladiya esiya 'atuwa kedewa bosasa.

Madiu 7:6

Geya'abo Yaubada 'ina yageyao 'u'ebwa'ebwaya kedewa 'ediya, 'abona nai siguitoyasedi ta sigo'iyo. Nigeya sawesawenaya be wate 'imi bagi bawe wa'ebwa'ebwa'edi 'abona nai siabaibailidi.

Loma 2:28

Ta goma Yudia 'ai'aila 'aene lodaba nina nigeya yage apweapwesana bwaladiya, ta esi yage kwaikwaiyina 'atediya, Yaubada Yaluyaluwana 'enega, ta nigeya tomota 'ediyega. 'Enega taudi 'abo tomota nigeya si'awa'awa bobo'anedi, Yaubada esi 'ida 'awabobo'anedi.

2 Kolinita 11:13

Manuna tokabo nidi 'adi 'ita 'atuwa Keliso 'ana tosimanao ta esi to'umalina siguiguinuwe.

Galetia 5:13

Gosegwao, Yaubada ni'atu 'iesinuwemi ga li'ali'amimi, ta geya'abo wanuwena 'aene nigeya 'ami loinamo be bubuna bale'u wamulimuliyedi, ta esi oboboma 'ina loinega wada tauya be taumimo wada elemalema limanemi.

Galetia 5:15

'Eguma loina gete wapilisine be taumimo 'emiya waetalauwala, ma'etamo 'ami boda waloesawali.

Galetia 5:6

Ona'ai'aila, Yesu Keliso 'enaya me Yudia 'adi we'iwe'iyaya, nate bwaladi silodaba, nigeya 'igiepaepaluyeda, be wate 'abo lodaba taguitoyase geya'abo 'ada 'awapalupalu talobaloba. Nate namo 'eguma Yesu taemise be taobobome, tauna 'ada togiepalu.

Pilipai 3:19

Taudi 'idi 'ebe losalowa sida esilae, manuna 'idi 'ebe emisa gamwapawa manuna, be yage 'ebe omayamayao situputupudi, manuna yage bale'u namo nuwanuwadi.

Pilipai 3:3

'Abo Yaubada 'ena tabwagobwago yaluyaluwana 'enega, ga Yesu Keliso namo tatupuna, ta nigeya bubuna bale'u 'ena taemiemisa, gote 'enega tamwalatoni 'aene ni'atu lodaba 'ai'aila ta'ewena.

1 Timoti 1:19

ma imu emisa waiwaina ta ma imu nuwanuwa bobo'ana, tuta maibo'ana 'ediya. Manuna 'aina gosedao nuwanuwa bobo'ana siguitoyasena, 'enega 'idi emisa 'ineneta ga sibe'u.

Taito 1:16

Taudi siona 'aene Yaubada simwalamwalatoni, ta 'idi guinuwao 'ediyega Yaubada sieyaseyaseyena, manuna taudi toto'umalidi ta loina sinala 'aledi, ta guinuwa bobo'ana nigeya 'ebweu wate 'ilobwelobwenedi.

2 Pita 2:22

Ta 'idi bubuna nina nadigega tuga onasemalimali 'ebweu 'igwae, “Kedewa tauna maiwana 'ida 'elima.” Ta wate, “Bawe bwalana tagie'esasai, ta muliyega 'iila be 'iesepwasepwala limana.”

Yude 1:4

Mwau nina ni'atu 'emiya 'iapwesa, nate 'aina toto'umalidi sikaboemi ga 'ami boda 'ena silugu, 'enega Yaubada 'ina oboboma 'edaya taudi 'idi e'itega sisa'u gelasena ga loelata 'ana guinuwa 'enaya, ta wate 'ida Yaubada be 'Inapwana Yesu Keliso siguitoyasedi. Taudi 'idi to'umalinao manudi 'adi loina mwauna lowaenei Yaubada 'isa'una.

E'ita'ita 2:9

“Ni'atu yamwalatonina 'imi 'elouyao, nate 'omi gomagomabesomi, ta esi wada nuwa'i'isi 'aene 'omi ma imi esaesa, ta wate ni'atu yamwalamwalatoni 'aene 'aidi Seitani 'ina bodao si'awa'awa to'umaliyemi, ta wate sigwae, ‘'Abo'ama me Yudia,’ ta nigeya. Taudi esiya tuga Seitani 'ina bodao.

E'ita'ita 21:8

Ta esi taudi 'ate nenetadi be taudi nigeya siemiemisa be tosogalao be toloemwawasao be toloyaweyao be Taumudumudulele magosenao be gulewa 'adi toemisao, be toekabokaboyao, taudi getedi 'idi sena yaiyai sinabwana, nate mwawasa 'eluwena.”

E'ita'ita 22:15

Ta 'asa nina 'atamaninaya 'adi tomiyanao, nate kedewao, be Taumudumudulele magosenao, be toloelatao, be toloemwawasao, be gulewa 'adi toemisao, be wate toekabokaboyao.

E'ita'ita 3:9

“Ta wada enono 'ai'aila taudi Seitani 'ina bodao manudi, manuna sikabo ga sigwae 'aene taudi me Yudia, ta nigeya sa'i. 'Enega 'etamo yaloinedi be simamai matamiya be 'emiya sida bwagobwago, be 'enega maibo'adi sida mwalatoni 'aene 'omi yaobobomemi.