Maki 9:32 - Loina Tabu Auwauna NT

³² Ta 'ina e'ita gete manuna nigeya simwalamwalatoni, ta esi nigeya 'idi 'Inapwana 'ena sienaenaida, manuna simatauta.

Maki 9:32 Σταυροειδείς Αναφορές

Maki 16:14

Muliyega Yesu 'ina tononoyao site elebeni si'e'ai ga Yesu matadiya 'iapwesa, ga 'i'enapa'alidi 'idi debapa'ala manuna, 'igwae, “Gosegwao taudi 'igu toololimana mulinaya si'itegu ga 'emiya sisimanaya, ta mwa'adega ga nigeya waeemisedi?”

Maki 7:18

Ga Yesu 'ieonedi, 'igwae, “Nai 'omi wate nuwami nigeya 'isabwasabwalena, aga? 'Enega nigeya wamwalamwalatoni 'aene to'ase ta'a'ani be 'ilulugu soladaya nigeya sa'i 'ida giebailida,

Maki 8:33

Ta Yesu 'iasakowasi ga 'ina tononoyao 'iduneduneyedi ga 'i'enapa'ala Pita 'ena, 'igwae, “'Oyo Seitani, gete tuga 'upilisinegu! Manuna 'imu nuwanuwa tomota 'idi nuwanuwa, ta nigeya Yaubada 'ina nuwanuwa nadigega.”

Maki 9:10

'Enega yage nina sisa'u kwaiyena, ta taudimo sionaona, sigwae, “'Ina ona nina toololimana manuna mwa'adega 'ana mwalatoi?”

Luke 18:34

Ta 'ina tononoyao nidi nigeya 'ebweu wate 'ina ona nina 'ana nuwasabwalena 'ediya 'ilugulugu.

Luke 2:50

Ta tamana be sinana nigeya nuwadi 'isabwasabwalena 'ina ona manuna.

Luke 24:45

Gote 'ena nuwadi 'igiesabwalenina ga Buki Tabu simwalatonina.

Luke 9:45

Gote 'ena 'igiekwani 'ai'ailidi, 'enega nigeya sawesawenaya be yage gete manudi nuwadi 'isabwalena, ta Yesu 'ena nigeya sienaenaida be 'aene 'ida giemaedana 'ediya, manuna simatauta.

Yoni 12:16

Tuta gote 'ena 'ina tononoyao nigeya ona nina sinuwanuwa sabwaleni, ta esi Yesu 'ina toololimana mulinaya sinuwa'i'isina ona nina Buki Tabu 'enega, tuga nadigega to'ase tomota siguinuwena Yesu 'ena.

Yoni 16:19

Ta Yesu 'ina tononoyao 'idi nuwanuwa 'imwalatonidi be 'aene nuwanuwadi 'enaya sida enaida, 'enega 'ediya 'igwae, “To'ase manuna taumimo waenaenaidemi? 'Aene manuna yagwae, ‘Tuta gidalina 'ena be geya'abo wate wa'ita'itagu, ta tuta gidalina ma'etamo 'ena wada 'italimagu’, aga?

Yoni 4:27

Tuta gote 'enaya Yesu 'ina tononoyao ni'atu siilama ga si'itena 'idi 'Inapwana waine nina ma'iyana si'awa'awagwae, ga nuwadi 'iowana, ta tuwa tuga nigeya 'ebweu wate yaita 'ionaona “To'ase nuwanuwayo?” nai “To'ase manuna waine ma'iyayo wa'awa'awagwae?”