Maki 9:25 - Loina Tabu Auwauna NT

²⁵ Ta Yesu boda yauyaudi sipilipilima 'i'itedi, 'enega yaluyaluwa bi'i 'i'enapa'alina, 'igwae, “'Oyo yaluyaluwa to'umaliyo 'imu lobwebwai 'enega gwama 'ieuwauwa, yaloineyo be 'upilisine atae be geya'abo wate 'ebweu tuta 'ulugulugu limana 'ena.”

Maki 9:25 Σταυροειδείς Αναφορές

Madiu 12:22

'Ebweuna tai, lowa yaluyaluwa bi'i 'idi guinuwega matana sikebona, ta wate meyana 'ilido, 'enega sime'ena Yesu 'ena ga 'igiebobo'anena, ga muliyega tai nina 'ie'ale be 'iona ta 'i'ita.

Madiu 17:18

'Enega Yesu yaluyaluwa bi'i 'iloinena ga lobwebwai gwama nina 'enega 'iapwesa ga 'ibobo'ana limana.

Maki 9:15

Ga tuta nina pwalu Yesu si'inanena nuwadi 'iowana sinabwana, ga 'enaya sipili manini sabi 'itana.

Maki 9:24

Gote 'ena tai nina 'iona toitoila, 'igwae, “Ona'ai'aila yaemisa, ta nigeya emisa 'ai'aila. Nuwanuwagu be 'igu emisa 'ugiewaiwaiye.”

Maki 9:26

'Enega yaluyaluwa nina 'imagamagana ga gwama 'ana lobwebwai 'iginaona ga 'idededela sinabwana, ta yaluyaluwa bi'i 'enega 'iapwesa ga 'itauya. Ta boda gwama si'itena 'ana 'ita 'atuwa 'imwawasa, ga simatauta ta sigwae, “Ni'atu 'imwawasa.”

Luke 11:14

Ta tuta nina Yesu 'ebweu tai 'ilobena, tauna yaluyaluwa bi'i 'ina guinuwega meyana 'ilido ga nigeya 'ida ona, 'enega Yesu yaluyaluwa bi'i 'iula apwesena, ta 'enega tai nina 'ibobo'ana ga 'iona. Gote 'ena tomota si'itenaya ga nuwadi 'iowana.

Luke 4:35

Ta Yesu 'iloinena, 'igwae, “'Ulosa'u, be tai nate 'enega 'uapwesama.” Ga palupaluna boda matadiya yaluyaluwa bi'i nina tai 'iulaena bale'uya ta 'enega yaluyaluwa bi'i 'iapwesa, ta nigeya 'ebweu esilae tai nina 'ilobaloba.

Luke 4:41

Ta wate yaudi 'ediyega yaluyaluwa bi'i siapweapwesa ta sibwaubwau, sigwae, “Ona'ai'aila sa'i, 'oyo Yaubada Natuna!” Ga Yesu 'i'etobodedi be geya'abo nadigega sionaona'esa, manuna ni'atu simwalatonina 'aene tauna To'etoseyana nina Yaubada 'enega.

Luke 8:29

Ona gete 'i'inanena manuna Yesu ni'atu 'ieonena, 'igwae, “Yaluyaluwa bi'i niyo, tai gete 'enega 'uapwesama.” Ta wada nuwa'i'isi 'aene tai nina lowa tuta yauna yaluyaluwa nina 'igiegie kabaleyae, 'enega sigiyaina ga nimana be 'aena siyoniyonidi malakwa kainumu 'ediyega, ta tuga kainumu nidi 'ilasalasadi ta wate yaluyaluwa nina tai nina 'itauyena sena mwatui daitaya.

Luke 9:42

Ta ni'atu gwama nina 'imai Yesu 'ena, ga yaluyaluwa bi'i gwama nina 'iula mwa'utena bale'uya ga 'itaiya. 'Enega Yesu 'iloina ga yaluyaluwa nina 'iapwesa ga gwama 'ibobo'ana. Ga muliyega Yesu gwama nina 'i'au'ewena tamana 'ena.

Guinuwa 16:18

Gomagweine nina gete nadigega 'ibwaubwau 'asiyata yaudi 'ediya, 'enega Paulo 'ie'oata'oata, ga 'isanasakowasi, ta yaluyaluwa nina 'ieonena, 'igwae, “Yesu Keliso 'ana esanega yaloineyo be gomagweine nate 'enega 'uapwesa.” Ga gote tuta nina 'enaya 'iapwesa.

Yude 1:9

Ta aniloseyao 'idi toanugana Maikeli lowaenei 'iegewagewana Seitani 'enaya, Mosese kokowana manuna, ta Maikeli nina nigeya Seitani 'iba'eba'e. Nate namo 'igwae, “'Inapwana 'i'etobodeyo.”