Maki 9:20 - Loina Tabu Auwauna NT

²⁰ 'Enega gwama nina sime'ena 'enaya, ta yaluyaluwa bi'i Yesu 'i'itena, 'enega 'iginao ga gwama 'itai ga bale'uya 'ibe'u ga 'idededela ta 'awanega busobuso siapweapwesa.

Maki 9:20 Σταυροειδείς Αναφορές

Maki 1:26

'Enega yaluyaluwa bi'i tai nina 'igietaina ga 'idededela ta 'imagana toila ga muliyega yaluyaluwa bi'i tai solanega 'iapwesa.

Maki 9:18

ta 'aina tuta yaluyaluwa bi'i 'ina guinuwega 'itatai ta 'awanega busobuso siapweapwesa, ta 'iesala'i'ita be 'idededela. Ta 'imu tononoyao ni'atu yasidedi be 'aene yaluyaluwa bi'i gwama 'enega siula apwese, ta nigeya sawesawediya.”

Maki 9:19

Ta Yesu 'ieonedi, 'igwae, “'Omi sana mwa'adega? Ga debami pa'ala yaita! Ni'atu 'imi debapa'ala 'enega yalo'ame'ame. Baga gwama nina wame'e 'eguya be ya'ita.”

Maki 9:21

Ta Yesu gwama tamana 'ieonena, “To tuta 'ena 'ina le'oasa 'ie'ale?” Ga tamana 'igwae, “'Ina tuta gwamega.

Maki 9:26

'Enega yaluyaluwa nina 'imagamagana ga gwama 'ana lobwebwai 'iginaona ga 'idededela sinabwana, ta yaluyaluwa bi'i 'enega 'iapwesa ga 'itauya. Ta boda gwama si'itena 'ana 'ita 'atuwa 'imwawasa, ga simatauta ta sigwae, “Ni'atu 'imwawasa.”

Luke 4:35

Ta Yesu 'iloinena, 'igwae, “'Ulosa'u, be tai nate 'enega 'uapwesama.” Ga palupaluna boda matadiya yaluyaluwa bi'i nina tai 'iulaena bale'uya ta 'enega yaluyaluwa bi'i 'iapwesa, ta nigeya 'ebweu esilae tai nina 'ilobaloba.

Luke 8:29

Ona gete 'i'inanena manuna Yesu ni'atu 'ieonena, 'igwae, “Yaluyaluwa bi'i niyo, tai gete 'enega 'uapwesama.” Ta wada nuwa'i'isi 'aene tai nina lowa tuta yauna yaluyaluwa nina 'igiegie kabaleyae, 'enega sigiyaina ga nimana be 'aena siyoniyonidi malakwa kainumu 'ediyega, ta tuga kainumu nidi 'ilasalasadi ta wate yaluyaluwa nina tai nina 'itauyena sena mwatui daitaya.

Luke 9:39

Ta tuta yauna 'abo yaluyaluwa bi'i gwama nina 'igiyai, natuguna 'ibwaubwau sinabwana ta 'ana lobwebwai manuna 'itatai ta 'awanega busobuso siapweapwesa. Tuta yauyauna nadigega 'igiegie 'elouyae.

Luke 9:42

Ta ni'atu gwama nina 'imai Yesu 'ena, ga yaluyaluwa bi'i gwama nina 'iula mwa'utena bale'uya ga 'itaiya. 'Enega Yesu 'iloina ga yaluyaluwa nina 'iapwesa ga gwama 'ibobo'ana. Ga muliyega Yesu gwama nina 'i'au'ewena tamana 'ena.

Yoni 8:44

Yamwalatonimi 'omi Seitani natunao, 'enega nuwanuwami be tamamiya 'ina nuwanuwa wada guinuwe. Tuta 'ana 'ebe e'ale 'enega ga batuwa, tauna toloemwawasa, ta nigeya 'ebweu wate 'eda palupaluna 'enega 'ida tauya, manuna tauna nigeya 'ebweu 'eda palupaluna 'ena 'imiyami. Tuta yauna kaboega 'ionaona, manuna tauna tuga adelina nadigega, ta wate tokaboyao maibo'adi tamadiya.

1 Pita 5:8

'Enega wada lomata'i'ita 'ai'ailemi 'ami talauwala Seitani 'enega. Manuna Seitani tauna nadigega bosasa mitawaya, tuta yauyauna 'isakosakowasi ta 'i'ebe'ebesa be 'aene 'ana tai 'ida loba, be 'ida 'ani.