Maki 8:32 - Loina Tabu Auwauna NT

³² Yesu 'ina ona gete 'enega 'isa'uapwese 'ai'ailina 'ina mwawasa manuna. 'Enega Pita Yesu ma'alenaya 'itauyena ga 'i'etobodena be 'aene geya'abo yage nidi siapweapwesa Yesu 'enaya.

Maki 8:32 Σταυροειδείς Αναφορές

Madiu 16:22

'Enega Pita Yesu ma'alenaya 'itauyena, ga 'i'enapa'alina, 'igwae, “'Inapwana, yage gete geya'abo 'emuya 'iapweapwesa!”

Maki 4:38

Ta Yesu waga kuliginaya 'ana gedu 'isa'una ga 'i'eno mwataya, ta 'ina tononoyao silowanowanona ga sigwae, “'Inapwana 'utoolo be 'ulemeda. 'Iabe tamwamwawasa!”

Luke 10:40

Ta Malida 'igimagimasula, ma ina paisewa yauna. 'Enega Malida 'imai Yesu 'ena ga 'igwae, “'Inapwana, mwa'adega ga tasigu ma'iyayo wamiyami ta nigeya 'ida lemegu? Sawesawenaya 'ueona be 'ilemegu, aga?”

Yoni 10:24

Ga gote 'ena me Yudia nidi Yesu siasakowasiyena ga sieonena, sigwae, “'Oyo tuta yauna 'ugiegie nuwanaluwema, ta to tuta 'ena be 'enega 'emaya 'uda simana 'ai'aila 'aene 'oyo To'etoseyana nina?”

Yoni 11:14

'Enega Yesu 'ediya 'iona apwesa 'ai'aila, 'igwae, “Lasalo ni'atu 'imwawasa,

Yoni 16:25

Ta Yesu wate 'ediya 'igwae, “Ni'atu ona semalimaliyega yage getedi yasimanedi 'emiya. Ta ma'etamo tuta 'ida mai be geya'abo wate ona semalimaliyega yaeonami, ta esi Tamagu manuna yada onaapwesa 'ai'aila 'emiya.

Yoni 16:29

'Enega 'ina tononoyao sinonona ga sieonena, sigwae, “'Inapwana, gete tuga ni'atu 'uona apwesa 'ai'aila 'emaya, ta nigeya ona semalimaliyega.

Yoni 18:20

'Enega Yesu 'ieonena, ga 'igwae, “'Abo'agu 'igu e'ita apwesaya tomota 'ediya anuwa tapwalolo soladiya ta wate Anuwa Tabu solanaya, 'enega me Yudia maibo'adi tuta nina 'ena silugulugu ga ni'atu 'igu e'itao sinonodi, manuna nigeya 'ediyega yada e'ita kwaiya.