Maki 8:31 - Loina Tabu Auwauna NT

³¹ Ta wate 'ilolagata be to'ase ma'etamo 'ilobai 'ie'itaena 'ediya, 'igwae, “'Abo'agu Tomota Natuna ma'etamo 'elouya sinabwana yaloba. Manuna 'inapwanao be totaliyao sinabwadi be loina 'ana toe'itao 'iabe sie'idi'idiyegu be siloemwawasigu ta 'asiyata 'etoi mulinaya yada toololimana.”

Maki 8:31 Σταυροειδείς Αναφορές

Madiu 12:40

manuna tauna Yona nina 'asiyata 'etoi be boiboi 'etoi 'ediya iyana sinabwana gamwanaya 'imiyami, ta 'abo'agu Tomota Natuna wate nadigega 'asiyata 'etoi be boiboi 'etoi 'ediya bale'u solanaya yada miyami.

Madiu 21:42

'Enega Yesu wate onasemalimali Buki Tabu 'enega 'isimanena, 'igwae, “Nai Buki Tabu 'ina simana nigeya wanuwanuwa'i'isi, 'igwae, ‘'Ola nina lowa to'abi anuwa siguitoyasena, ta gete tugai ni'atu sietoolona be 'ie'ola nugana, be 'ola maibo'adi 'iloinedi. Nate 'Inapwana 'ina guinuwa 'ebe nuwaowana 'edaya.’

Madiu 27:63

ta sigwae, “'Inapwana, tokabo nina lowa mayawasina 'imiyami 'ina ona 'anuwa'i'isina 'igwae, ‘'Asiyata 'etoi beo mwawasega yada toolo limana.’

Maki 12:10

'Enega Yesu wate onasemalimali Buki Tabu 'enega 'isimanena, 'igwae, “Wanuwa'i'isi Buki Tabu 'ina simana gete nadigega: ‘'Ola nina lowa to'abi anuwa siguitoyasena. Ta gete tugai ni'atu sietoolona be 'ie'ola nugana, be 'ola maibo'adi 'iloinedi.

Luke 17:25

“Ta muliyega be yage nidi siapwesa, nugana 'epata getedi sida guitoyasegu, be 'ediyega 'elouya yada lobadi.

Luke 24:26

To'etoseyana nina 'ilobwene 'ai'ailina be 'elouya nidi 'ida lobadi be 'enega muliyega 'ana esana 'isinabwa.”

Luke 24:44

Ta 'ieonedi, 'igwae, “Ona nidi ni'atu yaemwasalidi 'emiya tuta nina 'abo'agu ma'emi, maibo'ana manugu si'etoladina Mosese 'ina buki 'enaya be palopitao 'idi buki 'ediya ta wate wali Same 'ediya, be 'enega 'igu simana nina 'ana mwalatoi 'ai'aila 'ida apwesa.”

Yoni 12:48

Manuna 'abo yaita nai 'oyo 'uguitoyasegu, ta wate 'igu ona 'uguitoyasedi, ma'etamo tuta 'ana 'ebe losalowa 'enaya loina 'uloba, nigeya 'abo'agu 'eguyega, ta esi manuna 'igu ona nina 'uguitoyasena.

Yoni 2:19

Ta Yesu 'ediya 'igwae, “Anuwa gete 'eguma waligei, 'asiyata 'etoi 'ena yada 'abilima.”

Guinuwa 7:35

“Ona'ai'aila, Mosese nina lowa siguitoyasena, sigwae, ‘'Oyo sana yaita ga 'utoo be 'uetoloina 'emaya?’ Ta esi tauna Yaubada 'iesinuwena be 'ida loinedi, ta wate 'ida 'etoseyedi, anilose 'ina lemega, tuta nina mitawaya 'iapwesa 'ena.

1 Kolinita 15:4

ga sisa'u 'ali'aliyena ta 'asiyata 'etonina 'enaya 'itoolo limana, nadigega wate Buki Tabu 'isimana.