Maki 8:2 - Loina Tabu Auwauna NT

² “Tomota getedi ya'atenuwa 'ole'oleyedi manuna ni'atu 'asiyata 'etoi bada ma'egwao 'amiyami ta nigeya 'adi masulamo.

Maki 8:2 Σταυροειδείς Αναφορές

Madiu 14:14

Ta tuta nina Yesu wagega 'isuya dabalaya pwalu sinabwana 'i'itedi, ga 'ina nuwa'ole'oleyega tole'oasao 'igiebobo'anedi.

Madiu 20:34

Ta Yesu 'i'atenuwa 'ole'eleyedi ga matadi 'igitoodi, ga si'esasedi, ta 'enega Yesu wate simuliyena.

Madiu 9:36

Ta pwalu 'i'itedi ga 'i'atenuwa 'ole'oleyedi, manuna 'adi mwauyao 'ediyega nigeya 'adi tolemamo, 'atuwa sipi kwanikwanidi nigeya 'adi to'ita'i'itamo.

Maki 1:41

'Enega Yesu 'i'atenuwa 'ole'oleyena ga nimanega tai bwalana 'igitoona ta 'igwae, “O bobo'ana! 'Uda 'esasa!”

Maki 5:19

Ta Yesu 'igwae, “Nigeya sawesawenaya, ta esi 'uila be 'utatauya 'imu susuyao 'ediya be Yaubada 'ina 'atenuwa'ole'oleyega 'igiebobo'anemuya 'uemwasali be sida nono.”

Maki 6:32

'Enega taudimo waga sigeluna ga sitauya 'ebweu sena mwatui daitaya.

Maki 6:34

Ta muliyega waga 'ilugu ga Yesu 'isuya dabalaya ga boda sinabwana kaukauya 'i'itedi, ta 'i'atenuwa 'ole'oleyedi manuna taudi 'atuwa nadigega sipiyao nigeya 'adi to'ita'i'itamo, 'enega 'ilolagata ga sinasinapu yauna 'ie'ie'ita 'ediya.

Maki 8:3

'Enega 'eguma mabotanidi yaetune iledi 'etamo 'edaya sitatai, manuna 'aidi 'edasolega simai.”

Maki 9:22

'Enega 'abo 'itatai 'aina tuta 'ibebe'u kaiwe 'ala'alasidi 'ediya ta 'aina tuta bwasi ni'udi 'ediya be 'iabe 'iloemwawasi. 'Enega 'abo kapekapeyana 'uda 'atenuwa 'ole'oleyema be 'ulemema.”

Luke 15:20

“Gete nadigega 'inuwanuwa'esa, ga 'enega 'itoolo ga tamana manuna 'itauya, ga 'edasolega tamana 'i'itenama 'imeema ga ma ina 'atenuwa'ole'ole 'ipili 'enaya ga 'iatubwalina ga ma'iyana siededoi.

Luke 7:13

Gote 'ena Yesu kwabula nina 'i'itena ga 'i'atenuwa 'ole'oleyena ga 'ieonena, “Geya'abo 'udedo.”

Ibeliu 2:17

'Enega Yesu 'ietomotai 'abo'ada tasinao nadigega, ga 'ietotaliya sinabwana ma ina 'atenuwa'ole'ole manuda, ga Yaubada 'ina guinuwa 'ena 'ietapewa, ta 'italiya 'ida bubuna to'umalidi manudi be 'aene Yaubada 'ida nuwataudi.

Ibeliu 4:15

'Aidi totaliyao nigeya si'ate'atenuwa 'ole'oleyeda 'ida nenetao manudi, ta Yesu esi 'ida miyamwau 'inuwa sabwalenidi ta 'i'atenuwa 'ole'oleyeda, manuna lowa bale'uya Seitani 'ina 'ebetoo maibo'ana 'ilobedi nadigega 'abo'ada talobaloba 'esedi, ta Yesu nigeya 'ebweu wate 'iloeloegesi.

Ibeliu 5:2

'Ida totaliyao nidi sida bubuna nuwana toemwagemwageyao be toloegesiyao 'ediya, manuna totaliyao tomota tuga, ma idi neneta.