Maki 8:17 - Loina Tabu Auwauna NT

¹⁷ Ta Yesu 'idi nuwanuwa ni'atu 'imwalatonina ga 'ieonedi, “To'ase manuna waonaona 'aene nigeya 'ami 'abwagamo? Nate nigeya manuna yaonaona. Mwa'adega 'imi nuwanuwa sipotaya ga nigeya sawesawenaya be 'igu ona wasinapudi.

Maki 8:17 Σταυροειδείς Αναφορές

Madiu 12:15

Ta 'idi loinakwaiya nina Yesu ni'atu 'imwalatonina, 'enega sena gote 'ipilisinena ga 'itauya mali senaya, ta tomota yaudi simuliyena, ga gote 'ena tole'oasa maibo'adi 'igiebobo'anedi,

Madiu 15:17

'enega nigeya wamwalamwalatoni 'aene to'ase 'awadega 'ilugulugu gamwadaya 'itatauya, be muliyega 'itatauya sumwana 'enaya.

Madiu 16:7

'Enega tonono nidi taudimo 'ediya sigwae, “Nai Yesu 'ina ona 'alena getei manuna 'ada 'abwaga tanuwa pupulena.”

Maki 16:14

Muliyega Yesu 'ina tononoyao site elebeni si'e'ai ga Yesu matadiya 'iapwesa, ga 'i'enapa'alidi 'idi debapa'ala manuna, 'igwae, “Gosegwao taudi 'igu toololimana mulinaya si'itegu ga 'emiya sisimanaya, ta mwa'adega ga nigeya waeemisedi?”

Maki 2:8

Ta Yesu ni'atu 'atenaya 'idi nuwanuwa 'imwalatonina, 'enega 'ieonedi, “To'ase manuna nate nadigega wanuwanuwa'esa?

Maki 3:5

Ta Yesu 'idune masimasiyedi ma ina gamwasowala ta ma ina nuwamwau 'idi debapa'ala manuna, ga tai nina 'ieonena, 'igwae, “Nimayo 'uyasitoto,” ga tai nimana 'iyasitotona ga 'ibobo'ana.

Maki 6:52

Ta nuwadi 'iowana sinabwana, manuna Yesu 'ina waiwai manuna nigeya sinuwanuwa sabwaleni. 'Eguma tuta nina tomota yaudi 'adi beledi Yesu 'ieguyai be 'alena sida mwalatoni be 'enega sida nuwasabwaleni, ta tuga nigeya simwalamwalatoni, manuna debapa'alidi.

Maki 8:16

'Enega tonono nidi taudimo 'ediya sigwae, “Nai Yesu 'ina ona 'alena gete, manuna 'ada 'abwaga tanuwa pupulena.”

Luke 24:25

'Enega Yesu 'ediya 'igwae, “Kwanikwanimi, manuna nigeya gimi palopitao 'idi onao wada emisedi.

Yoni 16:30

Gete 'enega ni'atu 'amwalatoi 'ai'ailimu 'aene 'oyo yage yauyaudi 'umwalamwalatonidi. 'Enega geya'abo wate 'aenaenaideyo, manuna ni'atu 'ima nuwanuwa maibo'adi 'umwalamwalatonidi. 'Enega tuga 'aemiseyo 'aene 'oyo Yaubada 'enega 'umai.”

Yoni 21:17

Ta Yesu wate 'ina ona 'etonina Pita 'ena 'igwae, “Saimoni, 'oyo Yoni natuna, 'uobobomeguya?” Ga gote 'ena Pita nuwana 'imwau, manuna Yesu 'ienaenaida matoi 'enaya, 'igwae, “'Uobobomeguya?” Ta Pita 'iona limana ga 'ena 'igwae, “'Inapwana yage yauyauna 'umwalamwalatonidi, 'enega 'umwalatonigu 'aene yaobobomemu.” Ga Yesu wate 'ena 'iona, 'igwae, “'Igu sipiyao 'u'ita'i'isidi.

E'ita'ita 2:23

Ta wate natunao yada loemwawasidi, be 'enega ekalesiyao maibo'adi sida mwalatonigu 'aene 'abo'agu tomota yauyaudi 'idi nuwanuwa 'atediya maibo'ana yamwalamwalatoni, ta wate maibo'ami 'emiya yada e'isa to'ase nadigega 'imi guinuwao, nai bobo'adi, nai to'umalina.