Maki 8:13 - Loina Tabu Auwauna NT

¹³ 'Enega 'ipilisinedi ga wagaya 'igelu limana ga siabala mali senaya.

Maki 8:13 Σταυροειδείς Αναφορές

Madiu 15:14

Ta tuwa tuga, Palisiyao nidi sida miyami 'ana laba sibebe'u, manuna taudi toanuganao matakebokebodi, be 'eguma gosediyao matakebokebodi sianuganedi, 'iabe maibo'adi gaulaya sibebe'u.”

Madiu 7:6

Geya'abo Yaubada 'ina yageyao 'u'ebwa'ebwaya kedewa 'ediya, 'abona nai siguitoyasedi ta sigo'iyo. Nigeya sawesawenaya be wate 'imi bagi bawe wa'ebwa'ebwa'edi 'abona nai siabaibailidi.

Maki 8:12

Ta Yesu ma ina nuwamwau 'ieonedi, 'igwae, “Mwa'adega ga 'enega 'epata gete 'omi nuwanuwami we'iwe'iyaya, ta esi geya'abo 'ebweu wate we'iwe'iyaya wa'ita'ita.”

Maki 8:14

Ta 'adi 'abwaga nigeya si'ewa'ewa manuna sinuwa pupuledi, ta beledi 'ebweuna namo wagaya 'itupwa.

Luke 8:37

'Enega me Gelasine maibo'adi simatauta sinabwana ga Yesu sie'idi'idiyena be 'aene 'ida ebesinedi. 'Enega Yesu wagaya 'idolo sabi gelu be sitatauya.

Yoni 12:36

Ta 'abo maedana 'emiya 'imiyami, maedana nina 'ena wada emisa, be 'enega 'omi maedana natunao ga maemaedanimi. Yesu 'ina ona gete 'i'inanedi ga 'ipilisinedi ta 'ediyega 'ikwaiya.

Yoni 8:21

'Enega Yesu wate 'ediya 'igwae, “Ma'etamo yapilisinemi be 'omi wada 'ebesa yogenegu, be tuwa tuga ma imi bubuna to'umalina wamwamwawasa. Manuna sena nina 'ena yatautauya 'omi nigeya sawesawemiya be 'ena wawawai.”

Guinuwa 18:6

'Enega siegewagewana ta si'awa kabokabo, ta Paulo 'ana 'oama 'iloutuutuna matadiya, nate 'idi loguitoyasa 'ana 'ebe'ita 'iguinuwena, ga 'ieonedi, “'Omi ma'etamo waesilae 'imi guitoyasa gete manuna, be nate taumimo 'imi loinega ta nigeya 'abo'agu 'igu loinega. 'Enega yaebesinemi be tetela yada tauye taudi nigeya me Yudia 'ediya.”

Guinuwa 27:2

Ga Adilamitio 'enega wagega 'agelu, tauna waga nina 'iabe 'ipipili Esia le'awina 'asanao 'ediya, ga 'atupa, Alisitako ma'emai, tauna goma Masidoniana, sena Tesalonaika 'enega.