Maki 7:5 - Loina Tabu Auwauna NT

⁵ 'Enega gete Palisiyao be loina 'ana toe'itao nidi Yesu 'ena sienaida, sigwae, “To'ase manuna 'imu tononoyao tubudao 'idi loina nigeya si'ama'amayabedi, ta manima baibailidi si'e'ai?”

Maki 7:5 Σταυροειδείς Αναφορές

Madiu 15:2

“To'ase manuna 'imu tononoyao 'abo 'e'ai mulinaya nigeya nimadi sida 'utudi, nate tubudao 'idi loina sile'oale'oa?”

Maki 7:13

Tubumiyao 'idi loina gete 'enega, be 'imi e'ita wate yauna 'ediyega, Yaubada 'ina loina waeyage besobesoena.”

Maki 7:8

Ta Yesu 'ieonedi wate, 'igwae, “Ona'ai'aila 'imi bubuna to'umalina, 'enega Yaubada 'ina loina wasa'u kwaiyena ta tubumiyao sa'i 'idi bubuna wamulimuliyedi.”

Maki 7:9

Ta wate 'igwae, “'Aene 'omi tomwalatoi 'ai'aila, ta nigeya! Manuna Yaubada 'ina loinao waguiguitoyasedi ta esi tubumiyao 'idi bubuna wagiyai'i'isidi.

Guinuwa 21:21

ga aleyo sinonona 'aene 'oyo me Yudia taudi mali senao 'adi tomiyanao 'ue'ie'itadi be 'aene Mosese 'ina loina sida guitoyasa, ta 'ueoeonadi 'aene geya'abo natudiyao me'olotodi sida lodalodabadi be tubudao 'idi bubuna geya'abo sida mulimuliye.

Guinuwa 21:24

'Enega 'oyo ma'ediya wagie'esasemi be watauya Anuwa Tabu 'ena, be 'aene 'uya'uyadi sida sui be sida taliya Yaubada 'ena, be 'imi guinuwa nina 'ana maisa maibo'ana 'oyo 'uemaisi, be gete 'enega tomota maibo'adi sida mwalatoniyo 'aene Mosese 'ina loina 'umulimuliye, ta 'awato'umalina nidi manuyo sinonodiya, maibo'adi ona besobeso.

Loma 4:12

Ta 'abo'ada wate Ebelaamo tamadai, 'abo lodaba ta'ewena, be nigeya 'aene lodaba tuga manuna, ta 'ida emisa esiya, nadigega tuga lowa Ebelaamo 'ina emisa 'enega, tuta nina nigeya lodaba 'i'ewa'ewa.

Galetia 1:14

'Enega 'agu 'epatao Yudia solanaya yaewaiwai sinedi, manuna tubudao 'idi bubuna manuna yaetapewa sinabwana ta 'agu 'epatao 'idi etapewa tupwana namo.

2 Tesalonaika 3:11

Ni'atu tetelimi 'anonona 'aene 'aidi 'emiyega tologwautoyasa, ta nigeya sida miyabaula be sida paisewa.

2 Tesalonaika 3:6

Gosemao, 'aemataluwemi wate, 'ida 'Inapwana Yesu Keliso 'ana esanega, be 'eguma 'aina tasidao loogwautoyasidi, geya'abo wa'ita'ita naodi, manuna gwautoyasa 'ina 'eda 'abo'ama nigeya 'ae'ie'itami, ta gwaunuwa 'ina 'eda esi.