Maki 6:48 - Loina Tabu Auwauna NT

⁴⁸ 'i'itedi 'idi neya 'enega silo'ame'ame manuna yagila matadiyega 'imeema. Ta tomwa uliulitaya Yesu ola debanega 'itauyama be 'aene selabediyega 'ialogedo be 'ida pilisinedi.

Maki 6:48 Σταυροειδείς Αναφορές

Madiu 14:24

Ta tonono nidi 'idi waga ni'atu sineyena ga sidolo bwagabwagaya, ga lisu sinabwana silobena ga 'idi waga 'ilobunibuni, ta wate yagila matadiyega 'imeema.

Madiu 24:43

Ta wanuwa'i'isi 'aene 'abo yaita tonianuwa 'ida mwalatonina to tuta boiboi solanaya to'ipwala 'ilugulugu 'ina anuwaya, 'ida gibubuna 'ai'aila ta 'ida yaweyawe be geya'abo 'ina anuwa 'ibwalebwale.

Maki 13:35

'Enega 'ilobwenemi be walomata'i'ita be wayamwayamwagu, manuna toni anuwa 'ina mai 'ana tuta nigeya wamwalamwalatoni, nai 'asuinuwanuwaya, nai niuniuwanaya, nai tomwa uliulitaya, nai gonagonaya.

Maki 6:47

Ga ni'atu 'iboi, ta 'ina tononoyao bwagabwagaya si'ada'adau, ta tauna sa'i tebweuna dabalaya

Maki 6:49

Gote 'ena 'ina tononoyao maibo'adi Yesu si'itena ola debanega 'imeemai ga sinuwena 'aene welabana,

Luke 12:38

Ta wate 'abo 'ina tuta ilama 'enaya 'iso'iso'i be niuniuwanaya nai tomwa uliulitaya 'iapwesama be tuga nadigega 'idi miya nina ta 'ilobadi, 'iabe wate sigwausowala sinabwana.

Luke 24:28

Ta sena nina 'ena sitautauya ni'atu be selabenaya siapwesa ga Yesu 'ieonedi, 'igwae, “Wamiyamiya ta yatatauya.”

Yoni 1:13

'Enega tomota getedi tada eesedi 'aene taudi ni'atu situbuwa limana, ta tubuwa limana nina nigeya nadigega tomota laladi nai 'idi nuwanuwa 'enega, ta esi tubuwa limana nina Yaubada 'enega.