Maki 6:41 - Loina Tabu Auwauna NT

⁴¹ Ta beledi nima be iyana 'eluwa 'i'ewedi ga galewaya 'i'itatu'e ta 'iona oboboma masula nidi manudi, ga muliyega beledi 'igitomwedi ga 'ina tononoyao 'i'ebwa'edi be sida eguyaiye tomota 'ediya. Wate iyana nadigega 'igitomwedi ga 'ina tononoyao 'i'ebwa'edi ta 'enega sieguyaiyedi.

Maki 6:41 Σταυροειδείς Αναφορές

Madiu 14:19

'Enega pwalu 'iloinedi ga pwatulaya simiyatowa, ga beledi nima ta iyana 'eluwa 'i'ewedi, ta 'i'itatu'e galewaya, ga masula nidi manudi 'iona oboboma, ga muliyega beledi 'igitomwedi, ga 'ina tononoyao 'i'ebwa'edi ga taudi tomota 'ediya sieguyaiyedi.

Madiu 15:36

Ga beledi sebeni be iyana nidi 'i'ewedi ga manudi 'iona lokagutoki Yaubada 'ena ga 'igitomwedi, ta 'i'ebwa'edi 'ina tononoyao 'ediya, ga taudi sieguyaiyedi boda nidi 'ediya.

Madiu 26:26

'Etamo si'e'ai ta Yesu masula 'i'ewena ga manuna 'iona oboboma ta 'igitomwena ga 'ina tononoyao 'i'ebwa'edi, 'igwae, “Gete oogu wa'ewa be wa'a'ani.”

Maki 14:22

'Etamo si'e'ai ta Yesu masula 'i'ewena ga manuna 'iona oboboma ta 'igitomwena ga 'i'ebwa'edi, 'igwae, “Gete wa'ewa oogu.”

Maki 6:40

'Enega siweyalidi ga simiyatowa, 'aina boda tomota 'adi yau analedi, be 'aina boda tomota 'adi yau pipiti nadigega.

Maki 6:42

'Enega maibo'adi si'ai ga gamwadi 'ipawa.

Maki 7:34

'enega Yesu 'i'itatu'e galewaya ga 'atenuwa 'ole'oleyega 'ionaona, 'igwae, “Epapata”, nate 'ana gibui “'Uebwale.”

Maki 8:19

Tuta nina beledi nima 'enega tomota paibi tausani yae'enidiya, ta tupwa 'eisa kodo waegogonedi?” Ga sigwae, “Tuwelo.”

Luke 24:30

'Idi tuta 'e'ai 'enaya, Yesu beledi 'i'ewena ga manuna 'iona oboboma, ga muliyega 'igitomwena ga 'i'ebwa'edi.

Luke 9:16

'Enega Yesu beledi nima ta wate iyana 'eluwa 'i'ewedi, ga galewaya 'i'itatu'e, ga masula nidi manudi 'iona oboboma. Ta muliyega 'igitomwedi ga 'ina tononoyao 'i'ebwa'edi be sida eguyaiye tomota 'ediya.

Yoni 11:41

'Enega gulewa nina si'ewa yaulena ga Yesu 'i'itatu'e ga 'igwae, “Tamagu, kagutoki sinabwana, manuna tuta gete 'enaya 'unonogu.

Yoni 17:1

Ta ni'atu yage getedi Yesu 'i'inanedi ta galewa 'ena 'i'itatu'e, ga 'isidasida, 'igwae, “Tamagu, 'igu tuta ni'atu 'imai. 'Enega 'abo'agu natuyo 'agu esana 'uda gitu'eye, be 'enega 'abo'agu wate 'amu esana yada gitu'eye.

Yoni 6:11

Ga Yesu beledi nidi 'i'ewedi ga manudi Yaubada 'ena 'ilokagutoki, ga muliyega tomota nidi simiyatowaya 'ediya 'ieguyaiyena. Ga wate iyana nidi 'eluwa nadigega 'ediya 'iguinuwa'esa, ga maibo'adi si'ai ga sawesawediya.

Yoni 6:23

'Asiyata nina 'ena Taibilia 'enega waga 'aidi simai, ga sena nina 'ena boga Yesu pwalu beledi 'enega 'ie'enidi selabenaya silugu.

Guinuwa 27:35

Ta ni'atu 'iona ga beledi 'i'ewena ta manuna 'ilokagutoki Yaubada 'ena, maibo'ama matamaya, ga 'igitomwena, ga tauna 'igimi'ai.

Loma 14:6

manuna 'abo yaita 'asiyata 'aina 'inuwedi 'aene 'asiyata sinabwadi, nate tauna sa'i 'ina nuwanuwa be 'aene gote 'enega Yaubada 'i'amayabe. Wate nadigega 'abo yaita masula maibo'ana 'ie'enidi, nate tauna sa'i 'ina nuwanuwa be 'enega Yaubada 'i'amayabe, 'enega masula nidi manudi 'ilokagutoki Yaubada 'enaya. Wate nadigega 'abo yaita 'aina masula 'ediyega 'iedidigula, tauna sa'i wate 'ina nuwanuwa be 'enega Yaubada 'i'amayabe ma ina lokagutoki.

1 Kolinita 10:31

Taudi 'idi ona 'ana e'isa gete, 'aene 'ilobweneda be 'ida guinuwa maibo'ana, nai 'ida 'e'ai, nai 'ida numa, nai to'ase wate, 'ediyega Yaubada 'ana esana tagie sinabwa.

Kolose 3:17

Ta 'imi guinuwa maibo'adi, nate 'imi onao nai 'imi paisewao, maibo'ana 'ida 'Inapwana Yesu 'ana esanega wada guinuwa, ma imi lokagutoki Yesu 'ana esanega, Tamada Yaubada 'enaya.