Maki 5:15 - Loina Tabu Auwauna NT

¹⁵ Ta Yesu 'ena simai ga tai nina bada si'itena, lowa yaluyaluwa bi'i solanaya simiyami ni'atu debana 'ipalupalu ga 'oama 'i'otena ta 'imiyami. Gote 'ena maibo'adi simatauta.

Maki 5:15 Σταυροειδείς Αναφορές

Madiu 12:29

“'Ebe'ita gete tai waiwaina nadigega Seitani 'ina anuwaya. Nigeya sawesawenaya 'ebweu yaita 'ilulugu be 'ina gwegwe 'ilo'ewadi, ta esi 'eguma 'ebweu tai balaeyega toewaiwai nina nimana be 'aena 'iyona nuganedi ta 'enega muliyega sawesawenaya 'ilulugu 'ina anuwaya be gwegwe nidi 'ilo'ewadi.

Madiu 26:53

'Uda mwalatoni 'aene 'abo nuwanuwagu Tamagu 'ena yasisida 'agu lema manuna, 'iabe gete tuga aniloseyao mabodadi tomoyauyau 'ietunedima.

Madiu 4:24

'Enega Yesu tetelina 'i'elelewana Silia 'asanao maibo'adi 'ediya, 'enega tole'oasao yaudi sime'eme'edi 'enaya, taudi sile'oasa sinabwana ta oodi si'elo'elouya, be taudi yaluyaluwa bi'i sigie kabaleyedi be taudi 'adi le'oasa lobwebwai, be wate tokweno, ga Yesu 'igiebobo'anedi maibo'adi.

Madiu 9:33

Ta 'enega Yesu yaluyaluwa bi'i 'iula apwesena, ga tai nina 'ibobo'ana ga 'ionaona. Ta pwalu ma idi gwausowala Yesu si'awa bobo'anena, ta sigwae, “Nigeya 'ebweu yaita 'ina guinuwa gete nadigega tada 'itena Isileli solanaya.”

Maki 5:14

'Enega bawe 'adi to'ita'i'itao 'idi matautega sidena ga sitauya 'asaya, ga yage nidi si'itedi maibo'ana sisimanedi 'asa sinabwana be 'asa gidalidi tomotenidi 'ediya. 'Enega toni'asa nidi simai be 'aene taudi matadiyega sida 'ita to'ase 'iapwesa.

Maki 5:16

'Enega toepilialeale nidi tomotai 'ediya siemwasala mwa'adega tai nina 'ibobo'ana'esa, ta mwa'adega bawe siesilae'esa.

Maki 5:18

'Enega Yesu wagaya 'idolodolo sabi gelu, ta tai nina ni'a 'igiebobo'anena Yesu 'ena 'isida, 'igwae, “'Inapwana, sawesawenaya yamuliyeyo?”

Maki 5:4

manuna malakwa nidi nimanaya be 'aenaya tuta yauna 'ilasalasadi ta nigeya 'ebweu sawesawenaya be 'igiyai,

Maki 5:9

Ta Yesu wate 'ienaida yaluyaluwa nina 'ena, 'igwae, “Mwa'adega 'amu esana?” Ga tauna 'igwae, “'Agu esana Tomoyauyau, manuna mabodama tai gete solanaya 'amiyami.”

Luke 10:39

Ta waine nina tasina wate 'imiyami, 'ana esana Meli, ga Meli nina 'imai ga Yesu selabenaya 'imiyatowa, be 'ina ona sabi enonoedi.

Luke 8:27

'Enega Yesu 'isuya dabalaya ta 'ebweu tomiya'asa 'iapwesama. Tai nina lowa solanaya yaluyaluwa bi'i silugu ga 'ena simiyami. Ta tai nina tuta dudulana 'oama nigeya 'ida 'otena, ta anuwa 'ediya nigeya 'ida miyana, ta esiya 'ina 'ebemiya 'ali'ali duluina 'ediya.

Kolose 1:13

Ona'ai'aila, sena guguyoi 'enega 'i'etoseyeda, ga 'isa'u gelaseda Natuna bobo'ana 'ina 'ebeloina 'enaya,

2 Timoti 1:7

Manuna Yaubada nigeya matauta 'i'ebwa'ebwa'eda, ta esi waiwai be oboboma be nuwanuwa 'ai'aila 'i'ebwa'eda.