Maki 4:11 - Loina Tabu Auwauna NT

¹¹ Ta Yesu 'igwae, “'Omi ni'atu Yaubada 'emiya 'i'ebwaya be 'ina loina sola'ai'ailidi 'ana tomwalatoiyao, ta esi tomota yaudi nuwa potapotadi ga onasemalimali sinono,

Maki 4:11 Σταυροειδείς Αναφορές

Madiu 11:25

Tuta gote 'enaya Yesu 'igwae, “Kagutoki Tamagu, 'oyo galewa ta bale'u 'adi toloina, mwalatoi gete 'ukwaiyena tosinasinapuyao be tomwalatoiyao 'ediyega, ta esi gogama gidalidi 'ediya 'ue'itaena.

Madiu 13:16

“Ta 'omi ma imi gwausowala, manuna matamiyega wa'ita'ita ta tenamiyega wanonono.

Madiu 16:17

Ta Yesu Pita 'ieonena, 'igwae, “Saimoni, Yona natuna, 'oyo ona'ai'aila togwausowala 'ebweu, manuna 'imu mwalatoi gete nigeya tomota 'ediyega, ta esi Tamagu galewaya 'ina mwalatoiyega 'i'ebwa'emu.

Maki 3:23

'Enega Yesu tomota nidi 'ibwauyedima ga onasemalimaliyega 'ie'ita 'ediya, 'igwae, “To'ase manuna Seitani 'aene tauna 'ana bodao 'ediya 'ida etalauwala?”

Maki 4:10

Muliyega pwalu sidelisawala ga Yesu taunamo, ga 'aina tomota ta 'ina tononoyao site tuwelo ma'ediyao simai ga Yesu 'ena sienaida, sigwae, “'Imu onasemalimali nidi to'ase 'adi mwalatoi?”

Maki 4:2

Ta Yesu onasemalimali yauna 'ediyega 'ie'ita tomota 'ediya, 'igwaegwae,

Luke 8:10

Ga tauna 'igwae, “'Omi ni'atu Yaubada 'emiya 'itagwala be 'ina loina sola'ai'ailidi 'ana tomwalatoiyao, ta esi tomota yaudi onasemalimali sinono ta 'ana nuwasabwalena nigeya, ta wate 'ana mwalatoi si'ebe'ebese ta geya'abo silobaloba.

1 Kolinita 4:7

'Enega geya'abo wanuwanuwatu'e be 'aene gosemiyao wabobo'ana sinedi, manuna to'ase bobo'ana 'emiya simiyami, maibo'ana Yaubada 'enega walobena, 'enega geya'abo waonaona gagasa.

2 Kolinita 4:6

Manuna Yaubada nina 'igwae, “Guguyoi 'ena maedana 'ida sae,” be Yaubada 'atemaya 'isaesae, 'enega tauna 'ina maedana Keliso manininaya 'a'ita'ita.

Epeso 1:9

Ona'ai'aila, sinasinapu be mwalatoi 'i'ebwa'eda, ga tauna 'ina nuwanuwa kwaikwaiyidi tamwalatonidi, manuna gete 'igimi loinaena be Keliso 'enega 'ida losaloni,

Kolose 4:5

Wate taudi nigeya Keliso 'ana toemisao 'ediya wada guinuwa palupalu, be geya'abo 'imi tuta wamudamudali.

1 Tesalonaika 4:12

Gete 'enega taudi nigeya Keliso 'ana toemisao sida 'amayabemi. Ta 'omi 'ami lema manuna geya'abo mali tomota 'ediya watuituila.

1 Timoti 3:7

Toanuganao nidi 'ilobwenedi be ma 'adi 'awabobo'ana taudi nigeya totapwalolo matadiya, manuna 'eguma tomota toanuganao si'awa to'umaliyedi 'idi bubuna manuna, nate 'atuwa Seitani 'ina sikwa 'ena si'ona'ona.

1 Yoni 5:20

Ta wate tamwalamwalatoni 'aene Yaubada Natuna ni'atu 'imai 'edaya, ga 'igienuwa sabwalenida 'aene Yaubada Topalupaluna, ta 'enaya tamiyami, manuna 'abo'ada Yaubada Natuna Yesu Keliso ma'eda. Yesu nina Yaubada 'ai'aila, ta yawasida ataya 'alena.