Maki 3:22 - Loina Tabu Auwauna NT

²² Ta loina 'ana toe'itao 'aidi ni'atu Yelusalemega simwa'utama ga Yesu 'ina paisewa sinabwana si'itenaya ga sigwae, “Tai gete 'ietoguinuwa manuna Bielisibubi, yaluyaluwa bi'i 'idi 'inapwana 'ina waiwaiyega yaluyaluwa bi'i 'iula apwesedi.”

Maki 3:22 Σταυροειδείς Αναφορές

Madiu 10:25

Ta esi bobo'ana 'eguma 'aene 'omi 'agu tomuliyao ta 'abo'agu taeleleleya. Manuna 'abo'agu tonianuwa, ta 'abo ni'atu sieesegu Bielisibubi, 'omi 'igu bodao 'etamo si'awato'umali wawasaemi.

Madiu 11:18

“Loesawa'i'i gete 'ana mwalatoi 'aene Yoni 'imai ga nigeya 'i'e'ai ta nigeya 'inumanuma, ta 'enega waona 'aene ‘Yaluyaluwa bi'i Yoni 'igie kabaleyena.’

Madiu 12:24

Ta sa'i Palisiyao guinuwa gete alena sinonona ga sigwae, “Nigeya, ta esi yaluyaluwa bi'i 'idi 'inapwana 'ana esana Bielisibubi 'ina waiwaiyega yaluyaluwa bi'i 'iula apwesedi.”

Madiu 15:1

Muliyega Palisiyao be loina 'ana toe'itao Yelusalemega simai Yesu 'ena, ga sieonena, sigwae,

Madiu 9:34

Ta sa'i Palisiyao silolagata ga sigwae, “Yaluyaluwa bi'i 'idi 'inapwana 'ina waiwaiyega Yesu yaluyaluwa bi'i 'iulaula apwesedi, ta nigeya Yaubada 'ina waiwaiyega.”

Maki 7:1

Ta Palisiyao be loina 'ana toe'itao 'aidi wate ma'ediyao Yelusalemega simai ga Yesu 'ena siegogonama,

Luke 11:15

'Enega 'aidi sigwae, “Yaluyaluwa bi'i 'idi 'inapwana nina, Bielisibubi, 'ina waiwaiyega Yesu yaluyaluwa bi'i 'iula apwesedi.”

Luke 5:17

'Ebweu 'asiyata 'enaya Yesu boda 'ie'ie'itadi. Ta 'aidi Palisiyao be loina 'ana toe'itao taudi simai Galili be Yudia be Yelusalema 'asanao 'ediyega ga boda ma'ediyao simiyami ta sienoenono. Tuta gote 'ena Yaubada 'ina waiwaiyega Yesu tole'oasao 'igiegie bobo'anedi.

Yoni 10:22

Tuta nina gogai 'ana tutaya 'ebweu sagali siguinuwena, nate Anuwa Tabu 'ana gie'esasa manuna.

Yoni 7:20

Ga boda nidi 'ina ona sie'isena, sigwae, “Mwa'adega, yaluyaluwa bi'i debayo 'igiesakowasiyena, ga nadigega 'uona'esa? Ta yaita sana nuwanuwana be 'aene 'ida loemwawasiyo?”

Yoni 8:48

Gote 'ena me Yudia 'idi 'inapwanao Yesu 'ena sigwae, “'Ima ona lowa 'ana 'ai'aila ni'atu 'iapwesa, manuna 'agwae, 'aene 'oyo 'ebweu goma Samelia, 'enega yaluyaluwa bi'i 'emuya 'ipaipaisewa.”

Yoni 8:52

'Enega me Yudia nidi Yesu sieonena, sigwae, “Ni'atu 'amwalatoi 'ai'ailimu 'aene yaluyaluwa bi'i 'emuya 'ipaipaisewa, manuna Ebelaamo 'amwalatonina 'aene ni'atu 'imwawasa, ta wate palopitao 'amwalatonidi 'aene ni'atu simwawasa, ta 'ugwaegwae 'aene ‘'Eguma yaita 'igu ona 'imuliya 'ai'ailidi, geya'abo sa'i 'imwawamwawasa.’